ព័ត៌មានជាតិ
ស្ពានស្ទឹងត្រង់-ក្រូចឆ្មារ នឹងរួចរាល់ទាំងស្រុង ដាក់ឲ្យប្រើប្រាស់មុនចូលឆ្នាំខ្មែរ
ក្រុមកម្មករកំពុងឈានទៅបញ្ចប់ការដ្ឋានស្ពានស្ទឹងត្រង់-ក្រូចឆ្មារ ដែលសម្រេចបានជាង ៩៥ ភាគរយ ដើម្បីអាចដាក់ឲ្យប្រើប្រាស់មុនចូលឆ្នាំខ្មែរ។
ប្រធានមន្ទីរសាធារណការខេត្តកំពង់ចាម លោក សុខ ស៊្រុន បានប្រាប់កម្ពុជាថ្មីនៅព្រឹកនេះថា ការតភ្ជាប់តំណស្ពានទាំងសងខាងបានរួចរាល់ទាំងស្រុង នៅតែរៀបបង្កាន់ដៃស្ពាននិងអ៊ុតកៅស៊ូបន្ថែមតែប៉ុណ្ណោះ។
លោក សុខ ស៊្រុន បានឲ្យដឹងបន្តថា ស្ពានស្ទឹងត្រង់ក្រូចឆ្មារដែលបើកការដ្ឋានកាលពីថ្ងៃទី៩ ខែកុម្ភៈ ឆ្នាំ២០១៨ បានដំណើរការតាមផែនការ អាចបញ្ចប់មុនចូលឆ្នាំខ្មែរ។
គម្រោងសាងសង់ស្ពានស្ទឹងត្រង់-ក្រូចឆ្មារ បានចំណាយថវិកាសរុបជិត ៥៧លានដុល្លារអាមេរិក ជាហិរញ្ញប្បទានសម្បទានពីរដ្ឋាភិបាលចិន រួមជាមួយថវិកាបដិភាគ របស់រាជរដ្ឋាភិបាលកម្ពុជា។ ស្ពាននេះមានប្រវែងសរុប ១.១៣១ម៉ែត្រ និងទទឹង ១៣,៥០ម៉ែត្រ ជាប្រភេទស្ពានបេតុងអារម៉េ ភ្ជាប់ពីត្រើយខាងលិចស្ថិតនៅត្រង់ចំណុចភូមិបឹងដែង ឃុំព្រែកកក់ ស្រុកស្ទឹងត្រង់ ខេត្តកំពង់ចាម ទៅត្រើយខាងកើត ស្ថិតនៅភូមិក្តុលលើ ឃុំទ្រា ស្រុកក្រូចឆ្មារ ខេត្តត្បូងឃ្មុំ។
តាមលោកប្រធានមន្ទីរ ក្រោយស្ពាននេះដាក់ដំណើរការ នឹងជំរុញការអភិវឌ្ឍ កំណើនសេដ្ឋកិច្ច និងជួយសម្រួលដល់ការធ្វើដំណើរ និងការដឹកជញ្ជូនកសិផល ឬទំនិញផ្សេងៗ។
ខេត្តកំពង់ចាមមានស្ពានឆ្លងទន្លេដល់ទៅ ៣ ក្រោយស្ពានស្ទឹងត្រង់-ក្រូចឆ្មារ ដែលនឹងដាក់ឲ្យប្រើប្រាស់នៅពេលខាងមុខ។ ស្ពានគីហ្សូណា បានបើកឲ្យប្រើប្រាស់នៅឆ្នាំ២០០១ ហើយក៏ជាស្ពានទី១ ដំបូងគេបំផុតដែលស្ថាបនាកាត់ទន្លេមេគង្គនៅក្នុងប្រទេសកម្ពុជា។ ការសាងសង់ស្ពាននេះ បានចំណាយទឹកប្រាក់ជាង ៥៦លានដុល្លារអាមេរិក ដែលជាជំនួយឥតសំណងពីរដ្ឋាភិបាលជប៉ុន។
ចំណែកស្ពានកោះប៉ែនជាស្ពានឆ្លងទន្លេងទីពីរ ដែលបានដាក់ឲ្យដំណើរការនៅឆ្នាំ ២០១៨។ ស្ពាននេះមានបណ្តោយប្រវែង ៧៧៩ម៉ែត្រ ទទឹង ៩,២ម៉ែត្រ ភ្ជាប់ក្រុងកំពង់ចាមទៅប្រជុំកោះប៉ែន, កោះមិត្ត និងកោះត្រុំ។
ស្ពានកោះប៉ែនបានចាប់ផ្តើមសាងសង់នៅឆ្នាំ២០១១ ដោយប្រើថវិការបស់រាជរដ្ឋាភិបាលតម្លៃប្រមាណ ១៣លានដុល្លារអាមេរិក៕
-
ព័ត៌មានជាតិ៥ ថ្ងៃ ago
ផ្លូវកាត់ថ្មីតភ្ជាប់ពីខេត្តបាត់ដំបង មកសមុទ្រខេត្តកោះកុងសម្រេចបានជាង ៨០%
-
សន្តិសុខសង្គម៥ ថ្ងៃ ago
ព័ត៌មានបឋម៖ ស្វាមីម្ចាស់ប្រេន Lakamo ត្រូវក្រុមចោរចូលចាប់ជម្រិត និងបាញ់សម្លាប់ដល់ក្នុងផ្ទះ
-
ជីវិតកម្សាន្ដ១ សប្តាហ៍ ago
កូនស្រីពៅតារាហុងកុង Michael បង្ហោះរូបអាក្រាតកាយសារជាថ្មី
-
ព័ត៌មានជាតិ៧ ថ្ងៃ ago
ស្អែក ថ្ងៃទី១០ ខែមេសា រូបសំណាកសេះសមុទ្ទ នឹងសម្ពោធជាផ្លូវការ
-
ជីវិតកម្សាន្ដ៥ ថ្ងៃ ago
ក្រោយផ្ទុះការរិះគន់មិនឲ្យតម្លៃក្រុម Hashtag band ថ្ងៃសង្ក្រាន្ត គណៈគ្រប់គ្រងសាលាចេញសេចក្ដីបំភ្លឺ
-
ព័ត៌មានអន្ដរជាតិ១ សប្តាហ៍ ago
ការស្ទង់មតិ ៖ សង្ក្រាន្តឆ្នាំនេះ ប្រជាជន ថៃ រាងពិបាកចាយវាយ ព្រោះម្នាក់ៗសុទ្ធតែជាប់បំណុលគេច្រើន
-
ព័ត៌មានជាតិ៦ ថ្ងៃ ago
ជនរងគ្រោះស្នាក់នៅមជ្ឈមណ្ឌលឱកាសខ្ញុំ ទទួលបានភាពសប្បាយរីករាយក្នុងពិធីសង្រ្កាន្តឆ្នាំថ្មី
-
ព័ត៌មានអន្ដរជាតិ៤ ថ្ងៃ ago
ទ័ពជើងទឹកបារាំង រៀបជើងព្រួល ត្រៀមធ្វើសង្គ្រាម