ព័ត៌មានជាតិ
រដ្ឋមន្ត្រីព័ត៌មាន ៖ បុគ្គលខ្លះចង់បង្ករូបភាពមិនល្អក្នុងព្រឹត្តិការណ៍ស៊ីហ្គេម ដើម្បីវាយប្រហាររដ្ឋាភិបាលកម្ពុជា
នៅថ្ងៃទី ១០ ខែឧសភានេះ រដ្ឋមន្ត្រីក្រសួងព័ត៌មាន បានអះអាងថា ក្រុមបុគ្គលមួយចំនួនតូច មានបំណងចង់បង្កើតឲ្យមានរូបភាពមិនល្អផ្សេងៗក្នុងព្រឹត្តិការណ៍កីឡាស៊ីហ្គេមនៅកម្ពុជា ដើម្បីវាយប្រហារ និងទម្លាក់កំហុសមកលើរាជរដ្ឋាភិបាលកម្ពុជា។
លោក ខៀវ កាញារីទ្ធ រដ្ឋមន្ត្រីក្រសួងព័ត៌មាន បានថ្លែងអះអាងបែបនេះ ក្រោយមានសកម្មភាពមិនគួរគប្បីមួយចំនួនដែលបង្កឡើងដោយក្រុមបុគ្គលមួយចំនួនតូច ដែលហាក់បានបង្ហាញទង្វើមិនសមរម្យនៅក្នុងព្រឹត្តិការណ៍ នៃការប្រកួតកីឡាស៊ីហ្គេមនៅកម្ពុជា។
បើតាមលោករី ខៀវ កាញារីទ្ធ ការផ្សព្វផ្សាយអាក្រក់អំពីកម្ពុជាក្នុងព្រឹត្តិការណ៍កីឡាស៊ីហ្គេម គឺមិនអាចជៀសបានឡើយ ប៉ុន្តែក្នុងនាមជាម្ចាស់ផ្ទះ រាជរដ្ឋាភិបាលកម្ពុជាបានខិតខំធ្វើយ៉ាងណាឲ្យព្រឹត្តិការណ៍កីឡានេះ មានភាពល្អប្រសើរ និងភាពរលូន។ លោករដ្ឋមន្ត្រី លើកឡើងថា អ្នកដែលមានបំណងចង់បង្កឲ្យមានរូបភាពអាក្រក់ នៃព្រឹត្តិការណ៍កីឡាស៊ីហ្គេម នៅកម្ពុជា គឺបានខិតខំប្រើគ្រប់មធ្យោបាយទាំងអស់ ជាពិសេសតាមរយៈការបំផុសអ្នកគាំទ្ររបស់កម្ពុជាក្នុងស្រទាប់យុវជនឲ្យស្រែកហ៊ោឌឺដងផ្លែផ្កា និងរើសអើងទៅលើក្រុមកីឡាករបរទេស ជាដើម។
លោក ខៀវ កាញារីទ្ធ បានបញ្ជាក់ថា ទង្វើទាំងនេះគឺជាបំណងដែលធ្វើឲ្យមានរូបភាពអាក្រក់ នៃព្រឹត្តិការណ៍កីឡាស៊ីហ្គេមនៅកម្ពុជាធ្លាក់ចុះ ហើយពេលនោះពួកគេនឹងវាយប្រហារមកលើរាជរដ្ឋាភិបាលកម្ពុជា ដោយចោទរដ្ឋាភិបាលរៀបចំមិនបានល្អ។ ត្រង់ចំំណុចនេះ លោករដ្ឋមន្ត្រី បានអំពាវនាវដល់ប្រជាជនកម្ពុជាទាំងអស់ បើទោះបីជាស្រលាញ់ ឬស្អប់រាជរដ្ឋាភិបាល យ៉ាងណាក៏ដោយ តែកុំភ្លេចព្រឹត្តិការណ៍កីឡាស៊ីហ្គេមលើកទី ៣២ ដែលកម្ពុជាធ្វើជាម្ចាស់ផ្ទះ គឺតំណាងឲ្យប្រជាជាតិកម្ពុជាទាំងមូល។
ទន្ទឹមនេះ លោករដ្ឋមន្ត្រី ក៏បានស្នើបញ្ឈប់ទង្វើមិនគប្បីណាមួយ ដែលនាំឲ្យប៉ះពាល់ដល់កិត្តិយសជាតិនៅក្នុងអំឡុងពេលនៃការប្រកួតកីឡាស៊ីហ្គេម ហើយផ្ទុយទៅវិញ ត្រូវបង្ហាញថា កម្ពុជាប្រទេសតូច តែបេះដូងធំ មានចិត្តទូលាយ ហើយត្រូវខិតខំផ្សព្វផ្សាយអំពីរូបភាពល្អៗពីព្រឹត្តិការណ៍នៅកម្ពុជានេះ ទៅកាន់ពិភពលោកឲ្យបានកាន់ច្រើន៕
ដោយ៖ ធឿន វ៉ាន់សុង
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង