ព័ត៌មានជាតិ
រដ្ឋបាលខេត្តបាត់ដំបងសម្រុកកសាងឆ្នេរស្ទឹងសង្កែឱ្យហើយមុនរដូវវស្សា
ការដ្ឋានជាច្រើនកន្លែង ស្ថិតនៅតាមបណ្តោយដងស្ទឹងសង្កែ ខេត្តបាត់ដំបង មានការមមាញឹកខ្លាំង ក្នុងការកសាង និងរចនា ឆ្នេរស្ទឹងដែលបាក់ស្រុតនាពេលកន្លងមកឱ្យល្អប្រសើរឡើងវិញ។
ថ្មីៗនេះ រដ្ឋបាលខេត្តបាត់ដំបង និងក្រុមវិស្វកម្ម នៃមន្ទីរសាធារណការ និងដឹកជញ្ជូនខេត្ត បានខិតខំប្រឹងប្រែង ទៅលើការងារកសាងឆ្នេរស្ទឹងសង្កែ ជាច្រើនកន្លែងដែលកន្លងមកមានការបាក់ស្រុត ឬមានការស្មុកស្មាញដោយសារសំណង់អនាធិបតេយ្យ អោយប្រែក្លាយទៅជាតំបន់ដែលមានសោភ័ណភាព និងសក្តានុពល ក្នុងការទាក់ទាញក្រសែភ្នែកភ្ញៀវទេសចរឱ្យចង់មកកម្សាន្ត និងគយគន់។
ដោយសារច្រាំងស្ទឹងសង្កែមានការបាក់ស្រុតជាច្រើនកន្លែង ដូចជា មុខសាលាឃុំអូរដំបង១ ក្បាលស្ពានវត្តគរ មុខផ្សាភូមិចិន ក្បែរសួនវិមានឯករាជ្យ និងមុខភោជនីយដ្ឋានអាស៊ានបៀរ។ ទើបរដ្ឋបាលខេត្តចាត់ឱ្យក្រុមជំនាញ ដាក់គ្រឿងចក្រ និងកម្លាំងជាច្រើននាក់ចុះប្រតិបត្តិការ នៅក្នុងការងារនេះយ៉ាងសស្រាក់សស្រាំ។
បច្ចុប្បន្ន ដោយសាររដូវវស្សាកាន់តែខិតជិតមកដល់ ទើបកម្លាំងគ្រប់ទីតាំងបានសម្រុកការងារយ៉ាងខ្លាំងក្លាប្រកបដោយគុណភាពល្អ ពិសេសនៅត្រង់ចំណុច ឆ្នេរសួនវិមានឯករាជ្យដែលកំពុងកសាងបានប្រមាណ៧០ភាគរយទៅហើយនោះ គឺកំពុងកែប្រែឆ្នេរឱ្យស្អាត និងជាទីគយគន់៕
ឮអត្ថបទ៖ សោ និយមរ័ត្ន
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?