ព័ត៌មានជាតិ

កំណាត់ផ្លូវក្រវាត់ព្រំដែនកម្ពុជា-ថៃ១ខ្សែទៀត ត្រូវមន្ទីរសាធារណការខេត្តព្រះវិហារជួសជុលដើម្បីសម្រួលច្រកសេដ្ឋកិច្ច

បានផុស

៤ ខែ មុន

នៅ

ថ្ងៃចន្ទ ១៥ ឧសភា ២០២៣

ដោយ

ព្រះវិហារ ៖ ក្រុមការងារជួសជុល ថែទាំផ្លូវថ្នល់ នៃមន្ទីរសាធារណការនិងដឹកជញ្ជូនខេត្តព្រះវិហារ បានធ្វើការជួសជុល ថែទាំឡើងវិញនូវកំណាត់ផ្លូវ១ខ្សែទៀត ដែលជាផ្លូវខ្សែក្រវាត់ព្រំដែន កម្ពុជា-ថៃ ដើម្បីសម្រួលការធ្វើចរាចរជូនប្រជាពលរដ្ឋក្នុងការធ្វើដំណើរ ដឹកជញ្ជូនកសិផលផ្សេងៗ ពិសេសជាផ្លូវយុទ្ធសាស្ត្រ និងជាច្រកសេដ្ឋកិច្ចដ៏សំខាន់ថែមទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រធានមន្ទីរសាធារណការ និងដឹកជញ្ជូនខេត្តព្រះវិហារ លោកសំ លាងទ្រី បានអោយដឹងថា នៅថ្ងៃទី១៥ ខែឧសភា ឆ្នាំ២០២៣ នេះ ក្រុមការងារជួសជុល ថែទាំផ្លូវថ្នល់ នៃមន្ទីរសាធារណការនិងដឹកជញ្ជូនខេត្តព្រះវិហារ បានបន្តធ្វើការជួសជុល ថែទាំ លើកំណាត់ផ្លូវខេត្តលេខ២PVH៤ ប្រវែង ៣២គីឡូម៉ែត្រ ចាប់ពីផ្លូវបំបែកស្វាយជ្រុំ ដល់ ជើងភ្នំអានសេះ ដោយធ្វើការថែមដីល្បាយថ្ម កៀរសម្រួល ស្រោចទឹក កិនបង្ហាប់។

លោកសំ លាងទ្រី ក៏បានបញ្ជាក់ផងដែរថា កំណាត់ផ្លូវខេត្តលេខ2PVH៤ គឺជាប្រភេទផ្លូវក្រាលគ្រួសក្រហម តាមផ្លូវក្រវាត់ព្រំដែន កម្ពុជា-ថៃ ជាផ្លូវដែលមានសារៈសំខាន់សម្រាប់ប្រជាពលរដ្ឋធ្វើដំណើរដឹកជញ្ជូនកសិផលផ្សេងៗ ពិសេសជាផ្លូវយុទ្ធសាស្ត្រ និងជាច្រកសេដ្ឋកិច្ចដ៏សំខាន់ថែមទៀតផង។