ខ្យល់កន្ត្រាក់បំផ្លាញផ្ទះពលរដ្ឋជាច្រើនខ្នងក្នុង​ឃុំ​ចំនួ​ន៣ នៃខេត្តបាត់ដំបង

លំនៅឋានរបស់ប្រជាពលរដ្ឋមួយចំនួននៅក្នុងស្រុកមោងឫស្សី ត្រូវបានរបើករបាញខ្ទេចខ្ទីអស់ជាច្រើនខ្នង បន្ទាប់ពីមានភ្លៀងធ្លាក់មួយមេ និងលាយឡំជាមួយខ្យល់កន្ត្រាក់។

ហេតុការណ៍នៃគ្រោះធម្មជាតិដែលមានទាំងរន្ទះផងនោះ បានកើតឡើងនាថ្ងៃទី២៤ ខែឧសភា ឆ្នាំ២០២៣ វេលាម៉ោង​១៥និង៣០នាទី ដោយនៅមុនពេលកើតហេតុ គឺមានភ្លៀងលាយឡំនឹងខ្យល់កន្ត្រាក់ ធ្វើឱ្យខូចខាតផ្ទះប្រជាពលរដ្ឋលើឃុំចំនួន៣ គឺតាលាស់ ឃុំកកោះ និងឃុំព្រៃស្វាយ ស្មើនិង១១ខ្នងផ្ទះ តែមិនមានប៉ះពាល់ដល់អាយុជីវិតមនុស្សឡើយ។

ដោយឡែកនៅវេលាម៉ោង១៣និង៣០នាទី រសៀលក៏មានភ្លៀងធ្លាក់១មេលាយឡំខ្យល់កន្រ្តាក់ ផ្គររន្ទះ បានបាញ់ទៅលើសត្វគោ១ក្បាល បណ្តាលអោយងាប់ភ្លាមៗនៅចំណុចភូមិល្វាទេ ឃុំត្រាង ស្រុកកំរៀង ខេត្តបាត់ដំបង ដែលជារបស់ម្ចាស់ឈ្មោះ គឹម ពន្លក ភេទប្រុស អាយុ៤០ឆ្នាំ រស់នៅភូមិឃុំកើតហេតុខាងលើ៕

អត្ថបទ៖ សោ និយមរ័ត្ន