Connect with us

ព័ត៌មានជាតិ

ពលរដ្ឋក្រីក្រជាង ២លាន៧សែននាក់ អាចទៅបើកប្រាក់ឧបត្ថម្ភនៅជុំទី១៣លើកទី២បាន

បានផុស

នៅ

ក្រសួងសង្គមកិច្ចអតីតយុទ្ធជន និងយុវនីតិសម្បទាបានណែនាំដល់បងប្អូនប្រជាពលរដ្ឋក្រីក្រជាង ២លាន៧សែននាក់ អាចទៅបើកប្រាក់ឧបត្ថម្ភនៅជុំទី១៣លើកទី២ ចាប់ពីថ្ងៃទី២៥ខែឧសភាដល់ថ្ងៃទី ២៤ខែមិថុនា ឆ្នាំ២០២៣ ខណៈជុំទី១៣លើកទី១ បានបើករួចហើយចាប់ពីថ្ងៃទី២៥ ខែមេសា ដល់ថ្ងៃទី២៤ ខែឧសភា ឆ្នាំ២០២៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសេចក្តីជូនដំណឹងរបស់ក្រសួងសង្គមកិច្ចអតីតយុទ្ធជន និងយុវនីតិសម្បទាចុះថ្ងៃទី២៤ឧសភាបានឱ្យដឹងថា ក្រសួងបានណែនាំដល់បងប្អូនគ្រួសារក្រីក្រ និងងាយរងគ្រោះក្នុងអំឡុងពេលប្រយុទ្ធនឹងកូវីដ-១៩ ពេលទៅបើកប្រាក់​ឧបត្ថម្ភនៅតាមបញ្ជរវីងតម្រូវឱ្យអ្នកទទួលផលត្រូវភ្ជាប់ទៅជាមួយនូវឯកសារពាក់ព័ន្ធដូចគ្នានឹងការបើកប្រាក់ឧបត្ថម្ភលើកមុនៗដែរ ពិសេសបណ្ណសមធម៌ ដែលនៅមានសុពលភាពនិងត្រូវចងចាំលេខកូដសម្ងាត់។ ករណីភ្លេចលេខសម្ងាត់​សូមទំនាក់ទំនងអ្នកទទួលបន្ទុកកម្មវិធីនៅតាមឃុំ សង្កាត់ ឬ មន្ទីរសង្គមកិច្ចអតីតយុទ្ធជន និងយុវនីតិសម្បទា រាជធានី ខេត្ត ។

ក្រសួងបានបន្តទៀតថា ក្នុងករណីប្រជាពលរដ្ឋ ឬសាធារណជនពិនិត្យឃើញភាពមិនប្រក្រតីណាមួយ ក្នុងការ​អនុវត្តកម្មវិធី ឬដកសាច់ប្រាក់មិនបាននៅតាមបញ្ជរវីងណាមួយនោះ សូមសាធារណជន និងអ្នកទទួលផល​ទាំងអស់ធ្វើការទំនាក់ទំនងជាមួយអ្នកកាន់កម្មវិធីនៅតាមឃុំ សង្កាត់ ឬ នៅមន្ទីរសង្គមកិច្ចអតីតយុទ្ធជន និងយុវ​នីតិសម្បទា ឬមន្ទីរផែនការ រាជធានី ខេត្តនីមួយៗ។

គួរបញ្ជាក់ថា ចាប់តាំងពីថ្ងៃទី២៥ខែមិថុនាឆ្នាំ២០២០ រហូតមកដល់ថ្ងៃទី២៤ ខែឧសភាឆ្នាំ២០២៣ រដ្ឋាភិបាលបាន​បើកសាច់ប្រាក់ឧបត្ថម្ភជូនគ្រួសារក្រីក្រ និងងាយរងគ្រោះ ក្នុងអំឡុងពេល​ប្រយុទ្ធនឹងជំកូវីដ១៩ បានចំនួន១៣ជុំ មាន៣៥លើក ដែលមានទឹកប្រាក់​ចំនួន៤២២៧០៤៧៤៣១០០០រៀល​(បួនពាន់ពីររយ​ម្ភៃប្រាំពីរប៊ីលាន​សែសិបប្រាំពីលានបួនរយសាមសិបមួយពាន់គត់)ឬស្មើនឹងប្រមាណ​១០៥៦,៧៦លានដុល្លារអាមេរិក ដោយមានប្រជាពលរដ្ឋចំនួន៧០៤៥៣៥គ្រួសារ ដែលមានសមាជិកចំនួន២៧៨២២១១នាក់៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម