ព័ត៌មានជាតិ

សាកលវិទ្យាល័យស្ទែនហ្វដ សហរដ្ឋអាមេរិកផ្តល់អាហារូបរកណ៍ ១០០កន្លែង

បានផុស

១ year មុន

នៅ

ថ្ងៃអង្គារ ៣០ ឧសភា ២០២៣

ដោយ

សាកលវិទ្យាល័យស្ទែនហ្វដ (Stanford University) សហរដ្ឋអាមេរិក បានប្រកាសផ្តល់អាហារូបករណ៍ដល់សិស្ស-និស្សិតកម្ពុជានិងបរទេស ចំនួន ១០០ កន្លែង ក្នុងឆ្នាំសិក្សា២០២៣នេះ។

បើតាម «Scholarship for Cambodia» បានឱ្យដឹងថា សាកលវិទ្យាល័យស្ទែនហ្វដ ដែលជាសាលាជាប់ចំណាត់ថ្នាក់ទី៣ នៅក្នុងចំណាត់ថ្នាក់សាកលវិទ្យាល័យ QS ពិភពលោក បានប្រកាសផ្តល់អាហារូបករណ៍ប្រមាណជា ១០០កន្លែង ក្រោមកម្មវិធី Knight-Hennessy Scholars ដល់សិស្សទាំងកម្ពុជា និងនិស្សិតបរទេស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជារៀងរាល់ឆ្នាំ កម្មវិធី Knight-Hennessy Scholars នឹងកំណត់អត្តសញ្ញាណក្រុមនិស្សិតដែលទទួលបានជោគជ័យខ្ពស់ចំនួន ១០០នាក់ មកពីជុំវិញពិភពលោក ជាមួយនឹងការបង្ហាញភាពជាអ្នកដឹកនាំ និងការប្ដេជ្ញាចិត្តជាពលរដ្ឋដើម្បីទទួលបានមូលនិធិពេញលេញដើម្បីបន្តការសិក្សា។

សាកលវិទ្យាល័យ Stanford នឹងផ្ដល់អាហារូបករណ៍ដល់សិស្សទៅលើមុខជំនាញមួយចំនួនដូចជា មហាវិទ្យាល័យអប់រំ (Graduate School of Education), សាលាវិស្វកម្ម (School of Engineering), សាលាមនុស្សសាស្ត្រ និងវិទ្យាសាស្ត្រ (School of Humanities & Sciences), សាលាវេជ្ជសាស្ត្រ (School of Medicine) និងសាលានិរន្តភាព Doerr (Doerr School of Sustainability)។

អត្ថប្រយោជន៍ដែលសិស្សទទួលបានមានដូចជា៖ ថ្លៃសិក្សាពេញរហូតដល់បីឆ្នាំនៃការអប់រំ បញ្ចប់ការសិក្សា មួយវិញទៀត នៅមានប្រាក់ឧបត្ថម្ភប្រចាំខែសម្រាប់ការចំណាយលើការរស់នៅ និងការសិក្សា ប្រាក់ឧបត្ថម្ភធ្វើដំណើរ ប្រទេសដើម-សហរដ្ឋអាមេរិក ជាដើម។

ការទទួលពាក្យសុំអាហារូបករណ៍នឹងផុតកំណត់នៅថ្ងៃទី១១ ខែតុលា ឆ្នាំ២០២៣ ខាងមុខនេះ។ ដូច្នេះសម្រាប់ការដាក់ពាក្យ និងព័ត៌មាននានា សិស្ស-និស្សិតអាចចូលទៅក្នុងគេហទំព័រ https://knight-hennessy.stanford.edu៕

ប្រភព៖ Scholarship for Cambodia

Related Topics:អាហារូបករណ៍