ព័ត៌មានជាតិ

បញ្ចប់ទស្សនកិច្ច អ្នកព័ត៌មានទទួលចំណេះដឹងកាន់តែច្បាស់ពីសេវាឥណទានតាមជនបទ

បានផុស

៥ ខែ មុន

នៅ

ថ្ងៃសៅរ៍ ៣ មិថុនា ២០២៣

ដោយ

ក្រុមអ្នកសារព័ត៌មានជិត ៣០ នាក់មកពីជាង ២០ ស្ថាប័នបានបញ្ចប់ដំណើរទស្សនកិច្ចស្វែងយល់ពីស្ថានភាពទីផ្សារហិរញ្ញវត្ថុទៅខេត្តកំពង់ចាមរយ:ពេល ២ ថ្ងៃ គឺថ្ងៃទី១-២ ខែមិថុនា ឆ្នាំ២០២៣ ក្រោមការរៀបចំសម្របសម្រួលពីសមាគមធនាគារនៅកម្ពុជា សមាគមមីក្រូហិរញ្ញវត្ថុកម្ពុជា សមាគមធានារ៉ាប់រងកម្ពុជា និងក្លិបអ្នកកាសែតកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក កាំង តុងងី អ្នកនាំពាក្យសមាគមគ្រឹះស្ថានមីក្រូហិរញ្ញវត្ថុកម្ពុជាបានឲ្យដឹងថា ដំណើរទស្សនកិច្ចនេះគោលបំណងដើម្បីនាំអ្នកព័ត៌មានផ្សារភ្ជាប់ទៅប្រភពដែលធ្វើការពាក់ព័ន្ធលើវិស័យហិរញ្ញវត្ថុ រួមទាំងមានឱកាសបានជួបជាមួយអ្នកប្រើប្រាស់សេវាឥណទាន ដើម្បីស្វែងយល់រូមគ្នាចូលរួមដោះស្រាយបញ្ហាប្រឈមនានាឋ។

តាមរយៈដំណើរទស្សនកិច្ចសិក្សានេះ ផ្តលចំណេះដឹងបន្ថែមអ្នកសរសេរនិងផលិតព័ត៌មានអាចស្វែងយល់ពីស្ថានភាពទីផ្សារសេវាហិរញ្ញវត្ថុនៅតាមជនបទតើផ្តល់ផលប្រយោជន៍និងផលប៉ះពាល់យ៉ាងណាខ្លះដល់សេដ្ឋកិច្ចនិងសង្គម។

លោកបន្តថា ក្នុងដំណើរទស្សនកិច្ចរយៈពេលពីរថ្ងៃ ក្រុមអ្នកព័ត៌មានបានទៅទស្សនកិច្ចគ្រឹះស្ថានមីក្រូហិរញ្ញវត្ថុចំនួនពីរ និងគ្រឹះស្ថានធនាគារពាណិជ្ជចំនួន ០១ រួមទាំងក្រុមហ៊ុនធានារ៉ាប់រងចំនួន ០១ ផងដែរ។ ក្នុងនោះក៏បានចុះទៅជួបអតិថិជនដែលកំពុងប្រើប្រាស់សេវាឥណទានក្នុងការពង្រីករបរអាជីវកម្ម។

លោកសង្ឃឹមថា ក្រោយបញ្ចប់ដំណើរទស្សនកិច្ចនេះ បណ្តាញព័ត៌មាននឹងចូលរួមផ្សព្វផ្សាយផលិតព័ត៌មានកាន់តែស៊ីជម្រៅ ប្រកបគុណភាពផ្តល់ជាចំណេះដឹងកាន់តែច្រើនដើម្បីកាត់បន្ថយហានិភ័យពីការប្រើប្រាស់សេវាឥណទានដល់ប្រជាពលរដ្ឋនៅតាមជនបទ។

លោកអះអាងថា ការប្រើប្រាស់កម្ចីឥណទានដូចកាំបិតមុខពីរ ត្រូវមានការថ្លឹងថ្លែងពីគោលបំណងដោយមានភាពច្បាស់លាស់ដើម្បីនាំភាពរីកចម្រើន។

លោក ម៉ី វាសនា នាយកប្រតិបត្តិផ្នែកកម្ចីនៃធនាគារប្រៃសណីយ៍កម្ពុជាបានកត់សម្គាល់ថា ពលរដ្ឋមួយចំនួនដែលប្រើប្រាស់សេវាកម្ចីឥណទានជាច្រើនហាក់ធ្វេសប្រហែសមិនសូវពិនិត្យទៅលើកិច្ចសន្យាឲ្យបានគ្រប់ជ្រុងជ្រោយ ដែលអាចនាំផលវិបាកទៅថ្ងៃក្រោយ។

លោកបន្តថា ការស្វែងយល់ពីកិច្ចសន្យាដើម្បីទទួលបានការការពារ និងកាត់បន្ថយភាពប្រឈមដែលកើតឡើង។

អ្នកស្រី សេង សុខនី រស់នៅភូមិទួលដង្កោ ឃុំជ្រៃវៀង ស្រុកព្រៃឈរ ខេត្តកំពង់ចាម ដែលប្រើប្រាស់កម្ចីឥណទានពីគ្រឹះស្ថានមីក្រូហិរញ្ញវត្ថុមួយដើម្បីពង្រីកមុខរបរបានបញ្ជាក់ថា ពេលអ្នកស្រីយកកម្ចីគេនោះគឺតាមរយៈការណែនាំពីមិត្តភក្រ្កដោយមិនបានស្វែងយល់ព័ត៌មានយ៉ាងណានោះទេ។

«មិនដឹងគ្រឹះស្ថានផ្សេងមានកិច្ចសន្យាយ៉ាងណា លក្ខខណ្ឌល្អយ៉ាងណា គ្រាន់តែដឹងថាគេផ្តល់សេវាបានល្អ និងលក្ខខណ្ឌខ្ចីងាយស្រួល»។

យ៉ាងណាបើលោក កាំង តុងងី ខាងសមាគមបានបង្កើតយុទ្ធនាការអប់រំដល់ពលរដ្ឋស្វែងយល់ពីការប្រើប្រាស់កម្ចីឥណទានដែលសមស្របតាមតម្រូវការរបស់ខ្លួន។

លោកសង្កេតឃើញថា ក្នុងទីផ្សារបច្ចុប្បន្ននេះអតិថិជនជឿជាក់លើគ្រឹះស្ថានឥណទានណាមួយដែលបម្រើសេវាបានល្អ ហើយ គឺមិនចង់ខាតពេលសិក្សាគ្រឹះស្ថានណាផ្សេងទេ។

លោកបញ្ជាក់ថា ទំនាក់ទំនងរវាងមនុស្សនិងមនុស្ស មានភាពចាំបាច់ណាស់។ គ្រឹះស្ថានផ្តល់សេវាល្អទទួលការទុកចិត្តនឹងទទួលបានការគាំទ្រពីអតិថិជន។ យ៉ាងណាតួនាទីរបស់សមាគមត្រូវណែនាំស្ថាប័នដែលផ្តល់សេវាហិរញ្ញវត្ថុត្រូវតែពន្យល់ផ្តល់ព័ត៌មានឲ្យបានច្បាស់លាស់ប្រកបដោយភាពស្មោះត្រង់ដល់អតិថិជន ចៀសវាងកេងប្រវ័ញ្ចផ្តល់ព័ត៌មានខុសពីការពិត៕

Related Topics:សមាគមធនាគារនៅកម្ពុជា

Up Next

ឯកឧត្ដម ហ៊ុន ម៉ាណែត ៖ បច្ចុប្បន្ននិស្សិតទាំងអស់សម្រេចបាននូវចំណេះដឹងផ្នែករឹង ដែលជាមូលដ្ឋាននៃការត្រិះរិះពិចារណា តែត្រូវបន្តអភិវឌ្ឍជំនាញផ្នែកទន់បន្ថែម

Don't Miss

ផ្លូវប្របតាមមាត់សមុទ្រខេត្តកែប សាងសង់សម្រេចបានជាង ៦៥ ភាគរយ