លោកឧត្តមសេនីយ៍ត្រី អ៊ី ចំរើន មិនទុកមន្រ្តីក្រោមឱវាទមានបញ្ហាសុខភាព ចោលឡើយ

លោកឧត្តមសេនីយ៍ត្រី អ៊ី ចំរើន នាយប៉ុស្តិ៍នគរបាលអន្តោប្រវេសន៍ ច្រកទ្វារអន្តរជាតិប៉ោយប៉ែត មិនទុកឱ្យមន្រ្តីក្រោមឱវាទណាម្នាក់មានបញ្ហាសុខភាព ដោយមិនមានការយកចិត្តទុកដាក់ឡើយ។

ជាក់ស្តែង នៅថ្ងៃទី៤ ខែមិថុនា ឆ្នាំ២០២៣នេះ លោកឧត្តមសេនីយ៍ត្រីបានចាត់បញ្ជូនមន្ត្រីចំនួន៥នាក់ ដឹកនាំដោយលោកវរសេនីយ៍ឯក ភន សុផល ឋានៈ នាយរងប៉ុស្តិ៍ សួរសុខទុក្ខលោកវរសេនីយ៍ឯក កែម ស៊ីណា ឋានៈនាយរងប៉ុស្តិ៍ ដែលកំពុងសម្រាកព្យាបាលជំងឺរលាកតម្រងនោម នៅមន្ទីរពេទ្យព្រះកេតុមាលា រាជធានីភ្នំពេញ។

ការចុះសួរសុខទុក្ខដាក់មន្ទីរពេទ្យនេះ បាននាំយកនូវជំនួយឧបត្ថម្ភដែលជាអំណោយផ្ទាល់ខ្លួនរបស់លោកឧត្ដមសេនីយ៍ត្រី នាយប៉ុស្តិ៍ និងមិត្តរួមការងារជូនដល់លោកវរសេនីយ៍ឯក កែម ស៊ីណា រួមមាន៖ ប្រាក់ដុល្លារចំនួន ១០០០ ដុល្លារ, ប្រាក់បាតចំនួន ៣៨ ៧០០ បាត, ប្រាក់រៀលចំនួន ៣ ១២០ ០០០ រៀល, ទឹកដោះគោឆៅ ២ កេស, ទឹកក្រូច ២ កេស, ទឹកសុទ្ធ ៥ កេស, ត្រីខ ១ កេស និងមី ១ កេសធំ៕

អត្ថបទ៖ ពៅ