ព័ត៌មានជាតិ
ស្ថានទូតអូស្ត្រាលីប្រចាំកម្ពុជា ណែនាំឱ្យប្រយ័ត្នករណីឆបោកទិដ្ឋការ
ស្ថានទូតអូស្ត្រាលីប្រចាំកម្ពុជា មុននេះបន្តិច បានចេញសារជូនដំណឹងដល់សាធារណជន ឱ្យមានការប្រុងប្រយ័ត្ន បើសិនជាមានស្ថាប័ន ឬបុគ្គលណាម្នាក់ អះអាងថា អាចជួយសម្របសម្រួលទិដ្ឋាការ ក្រោមគម្រោងទិដ្ឋាការកសិកម្មអូស្ត្រាលីដែលបានគ្រោងទុក។ សេចក្តីជូនដំណឹងនេះ ធ្វើឡើងបន្ទាប់ពីស្ថានទូតទទួលបានព័ត៌មានថា មានស្ថាប័ន និងបុគ្គលមួយចំនួន អះអាងថាអាចជួយសម្របសម្រួលករណីខាងលើនេះ។
ករណីឆបោកទិដ្ឋការនេះ ធ្វើឡើងក្រោមរូបភាពបោកប្រាស់ជនរងគ្រោះ ដោយប្រាប់ថាអាចជួយសម្របសម្រួលទិដ្ឋាការ បាន សម្រាប់អ្នកដែលមានបំណងចង់ធ្វើការនៅប្រទេសអូស្តា្រលី តាមរយៈទិដ្ឋាការ ETA ឬ Visitor ។ តែបើតាមស្ថានទូត គឺមិនមានការអនុញ្ញាតណាមួយ ឱ្យធ្វើការនៅប្រទេសអូស្ត្រាលីតាមរយៈទិដ្ឋាការទាំងពីរនេះឡើយ។
ស្ថានទូតអូស្ត្រាលី បញ្ជាក់ទៀតថា ការអនុញ្ញាតការធ្វើដំណើរតាមប្រព័ន្ធ ETA ឬទិដ្ឋាការ Visitor មិនមែនជាទិដ្ឋាការការងារទេ។ ហេតុនេះ ស្ថានទូតជូនជាដំណឹងថា នោះគឺជាករណីឆបោកទិដ្ឋការហើយ ប្រសិនបើជនណាម្នាក់មកប្រាប់លោកអ្នកថា អាចធ្វើការតាមទិដ្ឋការទាំងពីរខាងលើនេះបាន ព្រោះកម្មវិធីទិដ្ឋាការកសិកម្មអូស្ត្រាលី គឺលែងស្ថិតក្នុងដំណាក់កាលរៀបចំទៀតហើយ ហើយបច្ចុប្បន្ននេះ មិនមានប្រភេទទិដ្ឋាការកសិកម្មអ្វីទៀតនោះទេ។
ស្ថានទូតគូសបញ្ជាក់ដែរថា ស្ថានទូតក៏បានដឹងអំពីបុគ្គល ក៏ដូចជាភ្នាក់ងារ ដែលកំពុងព្យាយាមរៀបចំ ETAs/Visitor visas និងជើងហោះហើរទៅកាន់ប្រទេសអូស្ត្រាលី សម្រាប់មនុស្សធ្វើការដោយខុសច្បាប់នេះផងដែរ និងស្នើឱ្យមានការប្រុងប្រយ័ត្នខ្ពស់ ចំពោះការក្លែងបន្លំថាអាចជួយសម្រួលទិដ្ឋាការប្រភេទនេះបាន៕
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២១ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង