ព័ត៌មានជាតិ

រដ្ឋមន្រ្តីក្រសួងបរិស្ថាន បង្ហាញសកម្មភាព ៥ ចំណុច ឆ្លើយតបការប្រែប្រួលអាកាសធាតុ

បានផុស

៣ years មុន

នៅ

ថ្ងៃព្រហស្បតិ៍ ២២ មិថុនា ២០២៣

ដោយ

លោក សាយ សំអាល់ រដ្ឋមន្ត្រីក្រសួងបរិស្ថានបានលើកឡើងពីសកម្មភាពចំនួន ៥ ចំណុច ដើម្បីឆ្លើយតបទៅនឹងការប្រែប្រួលអាកាសធាតុក្នុងប្រទេសកម្ពុជា។

ក្នុងកិច្ចប្រជុំលើកទី៤ ក្រុមប្រឹក្សាភិបាលប្រតិបត្តិនៃកម្មវិធីសម្ព័ន្ធភាពប្រែប្រួលអាកាសធាតុកម្ពុជាកាលពីពេលថ្មីៗនេះ លោក សាយ សំអាល់ បានចង្អុលបង្ហាញសកម្មភាព ៥ ចំណុច ដើម្បីអាចឆ្លើយតបការប្រែប្រួលអាកាសធាតុរួមមាន៖ ១. ការបញ្ជ្រាបការប្រែប្រួលអាកាសធាតុក្នុងផែនការយុទ្ធសាស្ត្រអភិវឌ្ឍន៍ជាតិ, ២.ការលើកកម្ពស់គោលនយោបាយគាំពារសង្គម, ៣.ជំរុញហិរញ្ញប្បទានបៃតង កិច្ចសហការជាមួយវិស័យឯកជន, ៤.ការគ្រប់គ្រងធនធានធម្មជាតិប្រកបដោយនិរន្តរភាព និង ទី៥.ការពង្រឹងសមត្ថភាពក្រសួង ស្ថាប័ន លើការងារប្រែប្រួលអាកាសធាតុ តាមរយៈការគិតគូរលើការបណ្ដុះបណ្ដាលមន្ត្រីពាក់ព័ន្ធ នានាជាដើម។

លោករដ្ឋមន្រ្តីបានបន្តថា ការគិតគូរពីបរិស្ថាន និងការប្រែប្រួលអាកាសធាតុជារបៀបវារៈដ៏សំខាន់ក្នុងការរួមចំណែកនៃការអភិវឌ្ឍន៍សេដ្ឋកិច្ច-សង្គមនាពេលបច្ចុប្បន្ននេះ។

លោករដ្ឋមន្ត្រីក្រសួងបរិស្ថានក៏បានស្នើដល់ក្រុមការងារពាក់ព័ន្ធទាំងអស់ ត្រូវទទួលយករាល់មតិយោបល់របស់អន្តរក្រសួង និងដៃគូអភិវឌ្ឍន៍ ដើម្បីបង្កើនប្រសិទ្ធភាពនិងនិរន្តរភាព នៃការអនុវត្តគម្រោង ព្រមទាំងការរៀបចំគោលនយោបាយ សំដៅលើកកម្ពស់ជីវភាពពលរដ្ឋ និងធានានៅការអភិវឌ្ឍន៍ប្រកបដោយចិរភាព៕