រៀបចំពិធីអបអរសាទរខួបអនុស្សាវរីយលើកទី​៧២​​ នៃថ្ងៃបង្កើតគណបក្សប្រជាជនកម្ពុជា នៅខេត្ត ហ៊ីរ៉ូស៊ីម៉ា នៃប្រទេសជប៉ុន

លោក ខ្លេង សុខហ៊ ប្រធានក្រុមមការងារទទួលបន្ទុកតំបន់ហ៊ីរ៉ូស៊ីម៉ានៃក្រុមការងាររៀបចំអង្គការចាត់តាំងយុវជនគណបក្សប្រជាជនកម្ពុជា នៅទ្វីបអាស៊ីខាងកើត និងអាគ្នេយ៍ និងជាតំណាងលោក ហេង សួរ ប្រធានក្រុមការងាររៀបចំអង្គការចាត់តាំងយុវជនគណបក្សប្រជាជនកម្ពុជា នៅទ្វីបអាស៊ីខាងកើត និងអាគ្នេយ៍កាលពីថ្ងៃទី២៥ ខែមិថុនាឆ្នាំ២០២៣ បានរៀបចំពិធីអបអរសាទរខួបអនុស្សាវរីយលើកទី៧២ នៃថ្ងៃបង្កើតគណបក្សប្រជាជនកម្ពុជា និងជួបសំណេះសំណាលជាមួយសមាជិក សមាជិកាគណបក្សប្រជាជនកម្ពុជានៅខេត្ត ហ៊ីរ៉ូស៊ីម៉ា នៃប្រទេសជប៉ុន។

ពិធីនេះមានការអញ្ជើញចូលរួមពីសមាជិក សមាជិកា នៃគណៈកម្មាធិការគណបក្សប្រជាជនកម្ពុជាប្រចាំប្រទេសជប៉ុន ប្រធានសាខា និងអនុប្រធានសាខាគណបក្ស សរុបចំនួន៩៥នាក់។

នៅក្នុងឱកាសនោះលោក ខ្លេង សុខហ៊ បាននាំយកនូវការផ្តាំផ្ញើសាកសួរសុខទុក្ខ ប្រកបដោយក្តីនឹករឮកពីសំណាក់លោក ហេង សួរ និងបានធ្វើរបាយការណ៍សង្ខេបជូនអង្គពិធីអំពីលទ្ធផលនៃក្រុមការងារទទួលបន្ទុកតំបន់ ហ៊ីរ៉ូស៊ីម៉ា សម្រេចបានក្នុងរយៈពេលកន្លងមក។ បន្ទាប់មកលោក ខ្លេង សុខហ៊ ប្រធានក្រុមការងារទទួលបន្ទុកតំបន់ ហ៊ីរ៉ូស៊ីម៉ា បានផ្តល់កិត្តិយសប្រគល់ លិខិតតែងតាំងចំនួន៥ និងកាតបក្សជូនដល់សមាជិក សមាជិកាចំនួន ១៥នាក់។

ជាចុងបញ្ចប់នៃអង្គពិធីទាំងអស់ បានចូលរួមពិសាអាហារសាមគ្គី រាំលេងកម្សាន្តជុំគ្នា ប្រកបដោយភាពស្និទ្ធស្នាល និងរីករាយក្រៃលែង និងបានផ្ញើក្តីនឹករលឹក ការគោរពស្រលាញ់ ក៏ដូចជាសេចក្តីថ្លែងអំណរគុណចំពោះលោក ហេង សួរ តាមរយៈ លោក ខ្លេង សុខហ៊ផងដែរ៕

អត្ថបទ៖ សំអឿន