សមាជិក-សមាជិកាគណបក្សប្រជាជនកម្ពុជា នៅខេត្តស្វាយរៀងជាង ១ម៉ឺន ៥ពាន់នាក់ ចូលរួមឃោសនាបោះឆ្នោត

សម្តេចកិត្តិសង្គហបណ្ឌិត ម៉ែន សំអន ប្រធានក្រុមការងាររាជរដ្ឋាភិបាល ចុះមូលដ្ឋានខេត្តស្វាយរៀង និងលោក ម៉ែន វិបុល ប្រធានគណៈកម្មាធិការគណបក្សប្រជាជនកម្ពុជាខេត្ត នៅថ្ងៃទី ១ ខែកក្កដា ឆ្នាំ ២០២៣នវ បានដឹកនាំសមាជិក-សមាជិកាគណបក្សប្រជាជនកម្ពុជាខេត្តស្វាយរៀង ​បើយុទ្ធនាការឃោសនាបោះឆ្នោតជ្រើសតាំង តំណាងរាស្រ្ដ នីតិកាលទី ៧។

សមាជិក-សមាជិកាគណបក្សប្រជាជនកម្ពុជា ដែលចូលរួមបើកយុទ្ធនាការឃោសនាបោះឆ្នោតនៅថ្ងៃទីមួយនេះ មានជាង ១ម៉ឺន ៥ពាន់ ដោយដង្ហែក្បួនឃោសនាចេញពីទីរួមខេត្តស្វាយរៀង ឆ្ពោះទៅកាន់ក្រុងបាវិត។

នៅក្នុងឱកាសនោះ សម្តេចកិត្តិសង្គហបណ្ឌិត ម៉ែន សំអន បានថ្លែងអំណរគុណដល់សមាជិក-សមាជិកាគណបក្សប្រជាជនកម្ពុជា ដែលបានចូលរួមពិធីបើកយុទ្ធនាការឃោសនាបោះឆ្នោតយ៉ាងច្រើនកុះករនាថ្ងៃទីមួយនេះ។

តាមគម្រោង ក្បួនដង្ហែឃោសនាបោះឆ្នោតរបស់គណបក្សប្រជាជនកម្ពុជា ក្នុងខេត្តស្វាយរៀងក្នុងថ្ងៃនេះ គឺបន្តចុះតាមក្រុង-ស្រុកទាំង ៨បន្តទៀត៕

អត្ថបទ៖ វិមាន