សម្ដេចតេជោ ហ៊ុន សែន អំពាវនាវជាថ្មីដល់បងប្អូនជនរួមជាតិ អញ្ជើញទៅបោះឆ្នោតឲ្យបានគ្រប់ៗគ្នា

សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានអំពាវនាវជាថ្មីដល់បងប្អូនជនរួមជាតិ ដែលមានឈ្មោះក្នុងបញ្ជីបោះឆ្នោត អញ្ជើញទៅបោះឆ្នោតឲ្យបានគ្រប់ៗគ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការអំពាវនាវជាថ្មីរបស់សម្ដេចតេជោ ហ៊ុន សែន បានធ្វើឡើងក្នុងពិធីសម្ពោធវិមានរំលឹកដល់អ្នកទទួលអនិច្ចកម្មក្នុងសង្គ្រាមលោកលើកទី ១ ពីឆ្នាំ ១៩១៤ ដល់ឆ្នាំ១៩១៨ នៅព្រឹកថ្ងៃទី ១៤ ខែកក្កដា ឆ្នាំ ២០​២៣នេះ។

នៅក្នុងឱកាសនេះ សម្ដេចតេជោ ហ៊ុន សែន បានអំពាវនាវបែបនេះថា «ខ្ញុំសូមយកឱកាសនេះ អំពាវនាវបងប្អូនជនរួមជាតិ សូមអញ្ជើញទៅបោះឆ្នោតឲ្យបានគ្រប់ៗគ្នា នៅថ្ងៃអាទិត្យទី ២៣ កក្កដាខាងមុខនេះ ដើម្បីជ្រើសរើសគណបក្សនយោបាយ និងមេដឹកនាំប្រទេសដែលបងប្អូនស្រលាញ់ពេញចិត្ត និងជឿជាក់ថា ពិតជាគណបក្សដែលដឹកនាំធ្វើឲ្យប្រជាជន រស់នៅក្នុងសុខសន្តិភាព ភាព​សុខដុម​រមនា គ្រប់ជាតិសាសន៍ មានការអភិវឌ្ឍលើគ្រប់វិស័យជាមួយនឹងភាពសម្បូរសប្បាយ រុងរឿងជូនប្រទេសជាតិ និងប្រជាជន​ ទាំងបច្ចុប្បន្ន និងទៅអនាគត»៕