ព័ត៌មានជាតិ

ប្រជាពលរដ្ឋជិះរថយន្តក្រុងដោយឥតបង់ប្រាក់សប្បាយរីករាយ និងបានស្នើឲ្យទៅចូលរួមបោះឆ្នោតទាំងអស់គ្នា

បានផុស

៣ years មុន

នៅ

ថ្ងៃសៅរ៍ ២២ កក្កដា ២០២៣

ដោយ

នារសៀលថ្ងៃទី ២២ ខែកក្កដា ឆ្នាំ២០២៣នេះ ប្រជាពលរដ្ឋជិះរថយន្តក្រុងដឹកកម្មករ និយោជិត និងសាធារណជនពីរាជធានីភ្នំពេញ មកខេត្តកំពត ដើម្បីចូលរួមបោះឆ្នោតជ្រើសរើសតំណាងរាស្ត្រ បានបង្ហាញភាពសប្បាយរីករាយចំពោះការដំណើរថា មានភាពងាយស្រួល មានសុវត្ថិភាព កាត់បន្ថយការចំណាយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកជិះ និងតៃកុងរថយន្តក្រុងបានអំពាវនាវដល់ពលរដ្ឋសូមទៅចូលរួមបោះឆ្នោតទាំងអស់គ្នានៅថ្ងៃស្អែក។

អ្នកជិះរថយន្តក្រុងដឹកជញ្ជូនកម្មករ និយោជិត និងប្រជាពលរដ្ឋទូទៅពីជធានីភ្នំពេញ មកខេត្តកំពត លោក មីន អូម៉ា បានបង្ហាញទឹកចិត្តសប្បាយរីករាយចំពោះសេវាដឹកជញ្ជូនអ្នកដំណើរដោយឥតគិតថ្លៃរបស់រាជរដ្ឋាភិបាល។

លោកគាំទ្រ និងពេញចិត្តណាស់ចំពោះការគិតគូររបស់សម្តេចតេជោ ហើយថាការធ្វើដំណើរមកនេះពិសេសណាស់ ទី១ពលរដ្ឋបានមកបោះឆ្នោត ទី២ជាដំណើរកម្សាន្តរបស់ពលរដ្ឋមកលេងស្រុកកំណើតផងដែរ។

លោកបានអំពាវនាវសុំឲ្យពលរដ្ឋ កុំភ្លេចទៅបោះឆ្នោតនៅថ្ងៃស្អែក ហើយកុំទទួលទាន់គ្រឿងស្រវឹង ប្រការខ្លាចមានបញ្ហាសុខភាពពិបាកទៅបោះឆ្នោត។

អ្នកបើកបររថយន្តក្រុងដឹកអ្នកដំណើរពីផ្សារព្រៃទាររាជធានីភ្នំពេញ បានប្រាប់ឲ្យដឹងថា លោកសប្បាយចិត្តដែលឃើញពលរដ្ឋមកជិះរថយន្តក្រុងអត់បង់ប្រាក់ច្រើន។

លោកបានបញ្ជាក់ថា មិនហ៊ានបើកលឿនទេ ដោយសារដងផ្លូវមមាញឹក ដោយសារប្រជាពលរដ្ឋវិលត្រឡប់មកស្រុកកំណើត ដើម្បីទៅបោះឆ្នោត។

លោកសង្កេតឃើញថា ពលរដ្ឋមានក្តីសប្បាយរីករាយ ហើយពេញចិត្តមកចូលរួមបោះឆ្នោតជ្រើសរើសតំណាងរាស្ត្រនៅថ្ងៃស្អែក។

ប្រធានក្រុមរថយន្តដឹកជញ្ជូនអ្នកដំណើរដោយមិនបង់ប្រាក់ លោក ហ៊ាង វ័យ បានឲ្យដឹងថាសម្រាប់ខេត្តកំពតមានរថយន្តក្រុង ២៨គ្រឿងសម្រាប់ដឹកអ្នកដំណើរពីទីតាំងចំណត១០កន្លែងខុសៗគ្នាពីរាជធានីភ្នំពេញមក។