ព័ត៌មានជាតិ

អភិបាលរាជធានី ណែនាំអាជ្ញាធរ រៀបចំសណ្ដាប់ធ្នាប់ និងអនាម័យបរិស្ថាន ជុំវិញវិមានរដ្ឋសភា ឲ្យបានស្អាត មុនថ្ងៃទី ២១ សីហា

បានផុស

៣ years មុន

នៅ

ថ្ងៃពុធ ១៦ សីហា ២០២៣

ដោយ

អភិបាលរាជធានីភ្នំពេញ លោក ឃួង ស្រេង បានណែនាំអាជ្ញាធរខណ្ឌចំការមន រៀបចំសណ្ដាប់ធ្នាប់ និងអនាម័យបរិស្ថាន ឲ្យបានល្អប្រសើរ នៅជុំវិញវិមានរដ្ឋសភា ខណៈដែលកិច្ចប្រជុំសភា នឹងឈានចូលមកដល់នៅថ្ងៃទី ២១ សីហា ខាងមុខនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការណែនាំនេះបានធ្វើឡើង ខណៈដែលលោកដឹកនាំមន្ត្រីរដ្ឋបាលរាជធានីភ្នំពេញ និងអាជ្ញាធរខណ្ឌចំការមន ចុះពិនិត្យមើលការរៀបចំសណ្ដាប់ធ្នាប់របៀបរៀបរយនៅជុំវិញវិមានរដ្ឋសភា ក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ នារសៀលថ្ងៃទី ១៦ ខែសីហា ឆ្នាំ ២០២៣ នេះ។

លោក ឃួង ស្រេង ខណៈ នៃការចុះពិនិត្យនោះ បានធ្វើការណែនាំថា សម្រាប់អាជ្ញាធរខណ្ឌចំការមន ដែលជាម្ចាស់មូលដ្ឋាន ត្រូវត្រៀមរៀបចំសណ្ដាប់ធ្នាប់របៀបរៀបរយ និងអនាម័យបរិស្ថាន នៅជុំវិញវិមានរដ្ឋសភា ឲ្យបានស្អាត ដោយចាប់ផ្ដើមអនុវត្តចាប់ពីពេលនេះតទៅ ព្រោះថា កិច្ចប្រជុំសភា និងការស្បថចូលកាន់តំណែងសម្រាប់រាជរដ្ឋាភិបាលអាណត្តិថ្មី គ្រោងនឹងធ្វើឡើងនៅថ្ងៃទី ២១ និង ២២ សីហា នេះហើយ។

គួរបញ្ជាក់ថា ក្នុងកិច្ចប្រជុំគណៈបញ្ជាការឯកភាពរាជធានីភ្នំពេញនៅសាលារាជធានីភ្នំពេញ កាលពីរសៀលថ្ងៃទី ១៤ សីហា កន្លងមកនេះ លោក ឃួង ស្រេង ក៏បានធ្វើការណែនាំរួចម្ដងហើយដែរ ដោយជំរុញឲ្យអាជ្ញាធរខណ្ឌដែលមានរដ្ឋសភា និងបរមរាជវាំងនៅក្នុងមូលដ្ឋានរបស់ខ្លួន ត្រូវតែរៀបចំសណ្ដាប់ធ្នាប់ អនាម័យបរិស្ថាន ឲ្យបានល្អជាមួយនឹងការរក្សាឲ្យបាននូវសន្តិសុខខ្ពស់បំផុត នៅទីតាំងទាំង ២ នេះ សម្រាប់ថ្ងៃទី ២១ និង ២២ សីហា ខាងមុខនេះ៕

អត្ថបទ ៖ ស្រីរ័ត្ន

Related Topics:សណ្ដាប់ធ្នាប់លោក ឃួង ស្រេង

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា