ព័ត៌មានជាតិ

រូបចម្លាក់ដែលបាត់បង់ពីកម្ពុជាតាំងពីសតវត្សន៍ទី៦ នឹងត្រូវបញ្ជូនពីអាមេរិកត្រឡប់មកវិញនាថ្ងៃទី១៨ ខែកញ្ញា ក្រោយចរចារយៈពេលជិត៣ឆ្នាំ

បានផុស

៥ years មុន

នៅ

ថ្ងៃសុក្រ ២៩ មករា ២០២១

ដោយ

ភ្នំពេញ ៖ រូបចម្លាក់បុរាណខ្មែរចំនួន៥ ដែលមានអាយុកាលតាំងពីសតវត្សរ៍ទី៦ ចំនួន៥ នឹងត្រូវបញ្ជូនពីសហអាមេរិកមកព្រះរាជាណាចក្រកម្ពុជាវិញ នាថ្ងៃទី១៨ ខែកញ្ញា ឆ្នាំ២០២១ ក្រោយពីមានការចរចាអស់រយៈពេលជិត៣ឆ្នាំមកហើយ ទើបក្រុមគ្រួសារលោក ឌូគ្លាស ឡាចហ្វដ (Douglas Latchford) បានព្រមព្រៀងបញ្ជូនវត្ថុបុរាណកម្ពុជាទាំងអស់ ដែលកាន់កាប់រក្សាទុកមកប្រគល់ជូនកម្ពុជាវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វត្ថុបុរាណខ្មែរចំនួនជាង១០០រូប ធ្វើពីថ្ម និង សំរឹទ្ធ រួមទាំងសម្បត្តិវប្បធម៌ខ្មែរជាច្រើនទៀត នឹងត្រូវបញ្ជូនត្រឡប់មកកម្ពុជាវិញជាបន្តបន្ទាប់។ ដោយមានការចុះហត្ថលេខាលើកិច្ចព្រមព្រៀងស្តីពីការបញ្ជូនត្រឡប់មកវិញ នាថ្ងៃទី១៨ ខែកញ្ញា ឆ្នាំ២០២១។

ក្នុងនោះលោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌និងវិចិត្រសិល្បៈ ក៏បានសម្ដែងនូវអំណរគុណចំពោះការចូលរួមវិភាគទានដ៏មានតម្លៃរបស់ការិយាល័យរដ្ឋអាជ្ញាសហរដ្ឋអាមេរិកប្រចាំតំបន់ភាគខាងត្បូងទីក្រុងញូវយ៉ក ភ្នាក់ងារស៊ើបអង្កេតសន្តិសុខមាតុភូមិសហរដ្ឋអាមេរិក និងស្ថានទូតសហរដ្ឋអាមេរិកនៅទីក្រុងភ្នំពេញ ដែលបានធ្វើការជាមួយក្រសួងអស់រយៈពេលជាង៣ឆ្នាំមកហើយក្នុងការចរចាបញ្ជូនសម្បត្តិវប្បធម៌ខ្មែរដែលមិនអាចកាត់ថ្លៃបានទាំងអស់នេះវិលត្រឡប់មកប្រទេសកម្ពុជា៕

កែសម្រួលដោយ ៖ នាគព័ន្ធ