Connect with us

ព័ត៌មានជាតិ

លោក វង្សី វិស្សុត ណែនាំមន្ត្រីក្រោមឱវាទឱ្យចេះទទួលយកពាក្យរិះគន់ និងចេះស្តាប់គំនិតអ្នកដទៃ

បានផុស

នៅ

ឧបនាយករដ្ឋមន្ត្រីប្រចាំការ រដ្ឋមន្ត្រីទទួលបន្ទុកទីស្ដីការគណរដ្ឋមន្ត្រី លោក វង្សី វិស្សុត បានណែនាំមន្ត្រីក្រោមឱវាទឱ្យគោរពច្បាប់ មានវិន័យ មានសាមគ្គីភាព មិនបង្កបញ្ហា ចេះទទួលយកពាក្យរិះគន់ ស្ដាប់គំនិតអ្នកដទៃ និងចេះធ្វើស្វ័យតិះទៀន។ លោក វង្សី វិស្សុត ណែនាំមន្ត្រីក្រោមឱវាទបែបនេះ ក្នុងឱកាសដឹកនាំកិច្ចប្រជុំផ្ទៃក្នុងលើកដំបូងរបស់ថ្នាក់ដឹកនាំទីស្តីការគណៈរដ្ឋមន្ត្រី ក្នុងរាជរដ្ឋាភិបាល អាណត្តិទី៧ នាថ្ងៃទី២៨ ខែសីហា នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក វង្សី វិស្សុត បានបន្តណែនាំមន្ត្រីរាជការនៅក្នុងទីស្ដីការគណរដ្ឋមន្ត្រីទាំងអស់ឱ្យបន្តខិតខំបំពេញភារកិច្ចរៀងៗខ្លួន ដោយប្រកាន់គោលការណ៍ គុណភាព ប្រសិទ្ធភាព សមិទ្ធកម្ម និងគុណាធិបតេយ្យ។ បន្ថែមពីនេះមន្ត្រីគ្រប់ជាន់ថ្នាក់ត្រូវតែ បំពេញការងារប្រកបដោយវិជ្ជាជីវៈ គោរពវិន័យ គោរពច្បាប់ លិខិតបទដ្ឋាន និងគោរពក្រមសីលធម៌វិជ្ជាជីវៈ។ ជាមួយនឹងការបំពេញការងារជាក្រុម ដោយឈរលើស្មារតីនៃប្រយោជន៍ និងគុណតម្លៃរួម ចេះសម្របសម្រួលគ្នា ចេះជួយគ្នា និងចេះ​ចែករំលែក។ ជាងនេះទៅទៀត ត្រូវប្រកាន់ខ្ជាប់នូវស្មារតីបុរេសកម្ម ច្នៃប្រឌិត និងឈរលើគោលការណ៍ដោះស្រាយបញ្ហា តែមិនបង្កើតបញ្ហា។

លោកក៏បានលើកទឹកចិត្តឱ្យមន្រ្តីទាំងអស់ត្រូវពង្រឹងសមត្ថភាពចំណេះដឹង, ជំនាញ, បច្ចេកទេស និងបន្តចូលរួមអនុវត្តភារកិច្ចរបស់ខ្លួន ប្រកបដោយទំនួសខុសត្រូវខ្ពស់គ្រប់បេសកកម្មការងារ ដោយផ្តោតជាពិសេសលើការរៀបចំកិច្ចប្រជុំពេញអង្គគណៈរដ្ឋមន្រ្តី និងការងារត្រួតពិនិត្យ សម្របសម្រួលការរៀបចំតាក់តែងច្បាប់ និងលិខិតបទដ្ឋានគតិយុត្តិផ្សេងៗ។ ជាពិសេស ការងារសិក្សាស្រាវជ្រាវ និងត្រួតពិនិត្យឡើងវិញលើឯកសារច្បាប់ និងលិខិតបទដ្ឋានគតិយុត្តនានា ដែលកំពុងអនុវត្ត ក្នុងគោលដៅធ្វើឱ្យខ្លឹមសារនៃឯកសារគតិយុត្តិទាំងនោះ មានភាពត្រឹមត្រូវ, មានសង្គតិភាព, មិនជាន់គ្នា, មិនលើស, មិនខ្វះ និងព្រមទាំងឆ្លុះបញ្ចាំងនូវបរិការថ្មី នៃការអភិវឌ្ឍ និងចរន្តនិន្នាការក្នុងប្រទេស និងក៏ដូចជានៅលើសាកលលោក។

ទន្ទឹមនេះ លោក វង្សី វិស្សុត បានចង្អុលបង្ហាញឱ្យគ្រប់អង្គភាពទាំងអស់ ក៏ត្រូវរៀបចំផែនការ លើកកម្ពស់សមត្ថភាពការងារ និងការទទួលខុសត្រូវរៀងខ្លួន ក្នុងនាមជាអ្នកសម្របសម្រួលរវាងរាជរដ្ឋាភិបាល ជាមួយក្រសួង-ស្ថាប័នសាម៉ី ពាក់ព័ន្ធនឹងការរៀបចំរបាយការណ៍ កំណត់បង្ហាញ និងឯកសាររដ្ឋបាលពាក់ព័ន្ធផ្សេងៗទៀត ដោយធ្វើយ៉ាងណាធានាឱ្យបាននូវភាពច្បាស់លាស់ ការសម្ងាត់ រហ័ស និងគ្រប់ជ្រុងជ្រោយ ដើម្បីលើកជាយោបល់ជូននាយករដ្ឋមន្ត្រី ធ្វើការពិនិត្យ និងសម្រេចបានត្រឹមត្រូវ និងទាន់ពេលវេលា។

ជាមួយគ្នានេះ លោក វង្សី វិស្សុត ឧបនាយករដ្ឋមន្ត្រីប្រចាំការ ក៏បានរំលឹកដល់ថ្នាក់ដឹកនាំ និងមន្រ្តីរាជការទាំងអស់របស់ទីស្តីការគណៈរដ្ឋមន្រ្តី កុំឱ្យភ្លេចនូវអភិក្រមទាំង ៥ របស់សម្តេចតេជោ ហ៊ុន សែន ក្នុងការបំពេញការងារ គឺឆ្លុះកញ្ចក់ ងូតទឹក​ ដុសក្អែល ព្យាបាល និងវះកាត់៕

ដោយ៖ ង៉ិល ណារ៉ាត់

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៣ ម៉ោង មុន

តើវិបត្តិនៅសមុទ្រក្រហម បង្កឱ្យមានផលប៉ះពាល់អ្វីខ្លះដល់សហភាពអ៊ឺរ៉ុប?

ព័ត៌មានជាតិ៤ ម៉ោង មុន

លោក ហេង សួរ ដឹកនាំ​កិច្ចប្រជុំ​អន្តរក្រសួង​ស្តីពី​វិធាន​ការរួម​ដើម្បី​ទប់ស្កាត់​អគ្គិភ័យ​ក្នុង​វិស័យ​កម្ម​មន្ត​សាល និង​ឧស្សាហកម្ម​ទេសចរណ៍

ចរាចរណ៍៤ ម៉ោង មុន

ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់

ព័ត៌មានអន្ដរជាតិ៧ ម៉ោង មុន

ជប៉ុន កាត់ទោសប្រហារជីវិតបុរសម្នាក់ ក្នុងករណីដុតស្ទូឌីយូគំនូរជីវចល KyoAni សម្លាប់មនុស្សជាង ៣០នាក់

ព័ត៌មានអន្ដរជាតិ៨ ម៉ោង មុន

សិង្ហបុរី និងចិន ចុះហេត្ថលេខាព្រមព្រៀង ទៅលើការចូលប្រទេសគ្នាទៅវិញទៅមក ដោយមិនមានទិដ្ឋាការរយៈពេល ៣០ ថ្ងៃ

ព័ត៌មានអន្ដរជាតិ៥ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៤ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៦ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម