ព័ត៌មានជាតិ
បោសសម្អាតមីនរួច ប្រែក្លាយផ្ទះអតីតមន្ត្រីជាន់ខ្ពស់ ជាតំបន់ទេសចរណ៍ប្រវត្តិសាស្ត្រ
លោក ងួន រតនៈ អភិបាលនៃគណៈអភិបាលខេត្តបាត់ដំបង បានណែនាំរដ្ឋបាលស្រុកនិងអ្នកពាក់ព័ន្ធត្រូវរៀបចំទីបញ្ជាការដ្ឋានសមភូមិជួរមុខរបស់របបកម្ពុជាប្រជាធិបតេយ្យនិងផ្ទះមន្ត្រីជាន់ខ្ពស់ក្នុងរបបកម្ពុជាប្រជាធិបតេយ្យ(ផ្ទះលោក សុន សេន) ឱ្យក្លាយទៅជាតំបន់ទេសចរណ៍ប្រវត្តិសាស្ត្រនាថ្ងៃខាងមុខ បន្ទាប់ពីក្រុមការងារបោសសម្អាតមីនបញ្ចប់បេសកកម្មចប់សព្វគ្រប់។
លោក ងួន រតនៈ អភិបាលនៃគណៈអភិបាលខេត្តបាត់ដំបង បានណែនាំរដ្ឋបាលស្រុកនិងអ្នកពាក់ព័ន្ធត្រូវរៀបចំទីបញ្ជាការដ្ឋានសមភូមិជួរមុខរបស់របបកម្ពុជាប្រជាធិបតេយ្យ និងផ្ទះមន្ត្រីជាន់ខ្ពស់ក្នុងរបបកម្ពុជាប្រជាធិបតេយ្យ (ផ្ទះលោក សុន សេន) ឱ្យក្លាយទៅជាតំបន់ទេសចរណ៍ប្រវត្តិសាស្ត្រនាថ្ងៃខាងមុខ បន្ទាប់ពីក្រុមការងារបោសសំអាតមីនបញ្ចប់បេសកកម្មចប់សព្វគ្រប់។
ការណែនាំនេះ បានធ្វើឡើងក្នុងឱកាសដែលលោកបានដឹកនាំមន្ត្រីចុះពិនិត្យទីបញ្ជាការដ្ឋានសមរភូមិជួរមុខរបស់មន្ត្រីជាន់ខ្ពស់ក្នុងរបបកម្ពុជាប្រជាធិបតេយ្យ ដែលស្ថិតនៅស្រុកកំរៀងនៅថ្ងៃទី០៣ ខែមករា ឆ្នាំ២០២១។
លោក អភិបាលខេត្ត បានមានប្រសាសន៍ថា ចំពោះផ្ទះរបស់ក្រុមការងារបោសសម្អាតមីនគួររៀបចំទៅជាផ្ទះស្នាក់សម្រាប់ភ្ញៀវទេសចរណ៍ និងរៀបចំត្រង់សេ កន្លែងផ្សេងៗឱ្យក្មេងៗជំនាន់ក្រោយបានយល់ដឹងអំពីប្រវត្តិសាស្ត្រ និងដើម្បីភ្ញៀវអន្តរជាតិចូលមកទស្សនារមណីយដ្ឋានប្រវត្តិសាស្ត្រមួយនេះផងដែរ។
បើយោងតាមឯកសារប្រវត្តិសាស្ត្ររបបកម្ពុជាប្រជាធិបតេយ្យ លោក សុន សេន ហៅ សមមិត្ត ខៀវ កើតនៅថ្ងៃទី១២ ខែមិថុនា ឆ្នាំ១៩៣០ នៅខេត្តត្រាវវិញ ប្រទេសវៀតណាម។ នៅក្នុងរបបកម្ពុជាប្រជាធិបតេយ្យ លោក សុន សេន មានតំណែងជាឧបនាយករដ្ឋមន្ត្រីទី៣ ទទួលបន្ទុកការងារការពារជាតិ និងគ្រប់គ្រងផ្ទាល់ទៅលើមន្ទីរស២១។
នៅក្នុងឯកសារប្រវត្តិសាស្ត្របញ្ជាក់ទៀតថា លោក សុន សេន និងក្រុមគ្រួសារត្រូវបានគេសម្លាប់នៅថ្ងៃទី១០ ខែមិថុនា ឆ្នាំ១៩៧៩៕
អត្ថបទ ៖ សំអឿន
-
ព័ត៌មានអន្ដរជាតិ២២ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ