ព័ត៌មានជាតិ

ចំពោះមុខក្រុមអ្នកវិនិយោគរាប់រយនាក់ រដ្ឋមន្រ្តីក្រសួងពាណិជ្ជកម្មជំរុញការវិនិយោគវិស័យសក្តានុពលធំពីររបស់កម្ពុជា

បានផុស

៣ years មុន

នៅ

ថ្ងៃព្រហស្បតិ៍ ២៨ កញ្ញា ២០២៣

ដោយ

នៅចំពោះមុខវិនិយោគិនរាប់រយនាក់ និងសមាជិកក្រុមប្រឹក្សាធុរកិច្ចសហភាពអឺរ៉ុប-អាស៊ាន រដ្ឋមន្រ្តីក្រសួងពាណិជ្ជកម្ម បានជំរុញឲ្យមានការវិនិយោគបន្ថែមលើវិស័យសក្តានុពលមួយចំនួនរបស់កម្ពុជា។

ថ្លែងនៅក្នុងវេទិការធុរកិច្ចអាស៊ានកម្ពុជានៅថ្ងៃនេះ លោកស្រី ចម និម្មល រដ្ឋមន្រ្តីក្រសួងពាណិជ្ជកម្មបានលើកទឹកចិត្តដល់អ្នកជំនួញ វិនិយោគិន និងសមាជិកក្រុមប្រឹក្សាធុរកិច្ចសហភាពអឺរ៉ុប-អាស៊ាន ឱ្យពិចារណាជំរុញការវិនិយោគក្នុងវិស័យសក្តានុពលនៅកម្ពុជាមានដូចជាកសិកម្មកែច្នៃ និងសេវាកម្មទេសចរណ៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រីរដ្ឋមន្រ្តីបានលើកឡើងពីការខិតខំរបស់រដ្ឋាភិបាល តាមរយៈការដាក់ចេញគោលនយោយបាយគាំទ្រដល់ការវិនិយោគ ដូចជាការកសាងហេដ្ឋារចនាសម្ព័ន្ធ ការអភិវឌ្ឍឌីជីថលូបនីយកម្មនិងការបណ្តុះបណ្តាលធនធានមនុស្សជាដើម។

ក្រៅពីជំរុញការវិនិយោគបន្ថែមលើវិស័យដែលមានសក្តានុពល លោកស្រីរដ្ឋមន្រ្តីក៏ស្នើឲ្យមានការបង្កើនការនាំចូលទំនិញរបស់កម្ពុជាដូចជា វាយនភ័ណ្ឌ ស្បែកជើង ទំនិញធ្វើដំណើរ និងផលិតផលកម្មន្តសាលជាដើម។

លោក តាស៊ីឡូ ប្រីនហ្ស័រ ប្រធានសភាពពាណិជ្ជកម្មអឺរ៉ុបប្រចាំប្រទេសកម្ពុជាបានថ្លែងថា បើប្រៀបធៀបជាមួយប្រទេសជិតដូចជាវៀតណាម ថៃ ការវិនិយោគពីប្រទេសជាសមាជិកសហភាពអឹរ៉ុបនៅកម្ពុជាមានចំនួនតិចតួចនៅឡើយ។

ប្រធានសភាពពាណិជ្ជកម្មអឺរ៉ុបរូបនេះបានលើកឡើងពីកង្វះធនធានមនុស្សជំនាញជាបញ្ហាប្រឈមមួយ ដែលធ្វើឲ្យក្រុមហ៊ុនមកពីអឺរ៉ុបពិបាកក្នុងការវិនិយោគនៅប្រទេសកម្ពុជា។

បើតាមលោក តាស៊ីឡូ ប្រីនហ្ស័រ បច្ចុប្បន្ននេះមានក្រុមហ៊ុនមកពីសហភាពអឺរ៉ុបប្រមាណជាង ២៥០ ក្រុមហ៊ុន ដែលកំពុងវិនិយោគនៅកម្ពុជាមានដូចជាផ្នែកព្រលានយន្តហោះនិងសេវាកម្មជាដើម៕

Related Topics:លោកស្រី ចម និម្មល