សម្ដេច ហ៊ុន ម៉ាណែត ៖ ប្រព័ន្ធផ្សព្វផ្សាយបរទេសមួយចំនួន បំផុសការផ្សព្វផ្សាយឲ្យពលរដ្ឋខ្មែរ មើលមិនឃើញពីការខិតខំរបស់រាជរដ្ឋាភិបាល  

សម្តេចមហាបវរធិបតី ហ៊ុន ម៉ាណែត​ នាយករដ្ឋមន្ត្រី​នៃកម្ពុជា បានលើកឡើងថា ប្រព័ន្ធផ្សព្វផ្សាយបរទេស ផ្សាយជាភាសាខ្មែរមួយចំនួន បានបំផុសការផ្សព្វផ្សាយឲ្យប្រជាពលរដ្ឋខ្មែរ មើលមិនឃើញពីការខិតខំរបស់រាជរដ្ឋាភិបាលកម្ពុជា ដែលបាននិងកំពុងជួយដល់ប្រជាពលរដ្ឋ។  

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការលើកឡើងនេះ គ្រាដែលសម្ដេចធិបតី ហ៊ុន ម៉ាណែត អញ្ជើញជួបសំណេះសំណាលជាមួយកម្មករ-និយោជិតចំនួន ១៨,០៩៩នាក់ នៅតាមបណ្តារោងចក្រ-សហគ្រាស នៅរាជធានីភ្នំពេញ នាព្រឹកថ្ងៃទី ៣ ខែតុលា ឆ្នាំ ២០២៣នេះ។

សម្ដេចនាយករដ្ឋមន្ត្រី បានបន្ថែមថា «ព្រឹកមិញ ខ្ញុំចេញមក គេដាក់អីណារដ្ឋាភិបាលថៃ ចេញនេះជួយពលករ ជួយកម្មករ​ ជួយអីគេ មិនមែនវិទ្យុហ្នឹងចង់សរសេររដ្ឋាភិបាលថៃ តែចង់បន្ទោសឲ្យប្រជាពលរដ្ឋមិនឃើញនូវអ្វីដែលធ្វើឲ្យប្រជាពលរដ្ឋ មិនខុសពីម៉ែស្រីពៅ ដែលខំប្រឹងចង់ងាប់ គេខំប្រឹងទៅនិយាយប្រាប់ស្រីពៅថា ត្រូវតែមើលអ្នកជិតខាង ផ្តោតអាហ្នឹងទៅ ម៉ែខ្លួនឯងអត់ស្រលាញ់កូនទេ នេះគឺអ្វីដែលគេខិតខំព្យាយាមប៉ុន្មានអាទិត្យនេះ ហើយនៅបន្តទៀតថា រដ្ឋាភិបាលមិនដែលយកចិត្តទុកដាក់លើកូនចៅទេ»៕