ពលរដ្ឋរីករាយក្នុងថ្ងៃបុណ្យភ្ជុំ ដោយសារប្រទេសជាតិមានសន្តិភាព

ចាប់តាំងពីបិណ្ឌមួយ នៃពិធីបុណ្យភ្ជុំបិណ្ឌ រហូតមកទល់និងថ្ងៃភ្ជុំធំ នាថ្ងៃទី១៤ ខែតុលា ឆ្នាំ២០២៣ ដែលជាពិធីបុណ្យប្រពៃណីជាតិខ្មែរ គេសង្គេតឃើញថា មានប្រជាពលរដ្ឋគ្រប់ៗរូប បានធ្វើដំណើរប្រកបដោយទឹកមុខរីករាយ ដោយនៅដៃមានកាន់ផ្កាភ្ញី និងស្រាក់ដាក់ចង្ហាន់ ដើម្បីយកទៅប្រគេនព្រះសង្ឃដែលគង់នៅតាមទីអារាមនានា ក្នុងខេត្តបាត់ដំបង ក៏ដូចជានៅទូទាំងប្រទេសកម្ពុជា។

លោក ផន សត្យា ជាប្រជាពលរដ្ឋរស់នៅក្នុងក្រុងបាត់ដំបង បានរៀបរាប់ថា នៅប៉ុន្មានឆ្នាំចុងក្រោយនេះ រូបលោកផ្ទាល់ក៏មិនខុសអីពីប្រជាពលរដ្ឋដទៃទៀតដែរ គឺបានចូលរួមធ្វើបុណ្យផ្សេងៗយ៉ាងពេញលក្ខណ: ដោយមិនមានការព្រួយបារម្ភពីអ្វីមួយឡើយ ពិសេសគឺគ្មានអ្វីរំខានដល់ការចូលរួមធ្វើបុណ្យរបស់ប្រជាពលរដ្ឋឡើយ។

 លោកបានបន្តថា ទោះកន្លងមកពលរដ្ឋធ្លាប់តែមិនហ៊ានជួបជុំគ្នា ព្រោះខ្លាចជម្ងឺឆ្លង រោគរាតត្បាត កូវីដ-១៩  ក៏ប៉ុន្តែដោយសារតែការខិតខំប្រឹងប្រែងពីប្រមុខនៃរាជរដ្ឋាភិបាល សម្តេចតេជោ ហ៊ុន សែន បាន​ព្យាយាមទំនាក់ទំនងតាមបណ្តាប្រទេសនៅលើពិភពលោក ទិញវ៉ាក់សាំងមកចាក់ជូនប្រជាពលរដ្ឋដោយឥតគិតថ្លៃ ទើបកម្ពុជាគ្មានករណីឆ្លងជំងឺកូវីដ១៩ ដែលអាចបើកឱកាសឱ្យពលរដ្ឋកម្ពុជាជួបជុំប្រារព្ធពិធី បុណ្យសាសនា​ផ្សេងបានយ៉ាងសប្បាយរីករាយ។

លោក ផន សត្យា បានអះអាងថា​ ខ្លួុនលោកផ្ទាល់គឺដឹងគុណចំពោះសម្តេចតេជោ ហ៊ុន សែន និងសម្តេចមហាបវរធិបតី ហ៊ុន ម៉ាណែត ដែលបានខិតខំប្រឹងប្រែងរក ប្រឹងប្រែងការពារសន្តិភាពជូនជាតិ មាតុភូមិ និងប្រជាពលរដ្ឋគ្រប់រូប។

លោក បានបន្ថែមថា បើប្រទេសមានសន្តិភាព គឺមានអ្វីៗទាំងអស់ គុណបំណាច់របស់សម្តេច និងគុណរបស់គណបក្ខប្រជាជនកម្ពុជា ធ្វើអោយរូបលោក និងក្រុមគ្រួសារ នឹងចងចាំជានិច្ចមិនអាចបំភ្លេចបានឡើយ។ ខ្លួនលោកផ្ទាល់  ក៏នៅតែបន្តគាំទ្រគណបក្សប្រជាជនជារៀងរហូត ដែលមានសម្ដេចតេជោ ដឹកនាំគណបក្សប្រជាជន និង សម្ដេចធិបតី បន្តគ្រប់គ្រងប្រទេសជាតិ ៕

អត្ថបទ : សោ និយមរ័ត្ន