ព័ត៌មានជាតិ
រដ្ឋបាលខេត្តស្វាយរៀង ច្រានចោលសំណើពលរដ្ឋស្នើសុំកាន់កាប់ដីធ្លី នៅស្រុករមាសហែក
រដ្ឋបាលខេត្តស្វាយរៀង បានច្រានចោលនូវសំណើរបស់ប្រជាពលរដ្ឋចំនួន៣១គ្រួសារ ដែលស្នើសុំកាន់កាប់លើដីធ្លីទំហំជាង៧៥ហិកតា មានទីតាំងស្ថិតនៅភូមិវត្ត និងភូមិបុស្ស ឃុំត្រស់ ស្រុករមាសហែក ខេត្តស្វាយរៀង។
![](https://www.kampucheathmey.com/wp-content/uploads/2023/10/image-1144-1024x576.png)
ការណ៍ដែលរដ្ឋបាលខេត្តស្វាយរៀងច្រានចោលសំណើររបស់ពលរដ្ឋនោះ គឺសម្អាងលើរបាយការណ៍របស់មន្ទីរដែនដីនគរូបនីយកម្មសំណង់ និងសុរិយោដីខេត្តដែលបានឲ្យអះអាងលើហេតុផលចំនួន៣ គឺទី១ស្ថានភាពដីជាក់ស្តែងដែលពលរដ្ឋកំពុងទាមទារជាកម្មសិទ្ធិគឺជាដីសាធារណ:របស់រដ្ឋ ស្ថិតក្រោមការគ្រប់គ្រងរបស់ក្រសួងកសិកម្មរុក្ខាប្រមាញ់ និងនេសាទ (មានប្លង់រឹង) ហេតុដូចនេះ ពលរដ្ឋទាំង៣១គ្រួសារមិនអាចទាមទារធ្វើជាកម្មសិទ្ធិបានទេ។
![](https://www.kampucheathmey.com/wp-content/uploads/2023/10/image-1148-1024x768.png)
ទី២ ចំពោះ ឯកសាររណបកាន់កាប់ដី ប័ណ្ណសំគាល់សិទ្ធិកាន់កាប់ដីប្រើប្រាស់ដីធ្លីតាំងឆ្នាំ១៩៩២ ដែលមានទំហំ៥ហិកតា ស្ថិតនៅភូមិវត្ត ឃុំត្រស់ ស្រុករមាសហែក និងឯកសារពាក្យសុំបញ្ជាក់ដីសង់លំនៅឋានមួយចំនួនទៀតគឺស្ថិតនៅភូមិសេរីអោ ឃុំត្រស់ មិនអាចយកមកជាសំអាង និងបញ្ជាក់ស្ថានភាពនៃការកាន់កាប់ឲ្យស្របតាមច្បាប់ ដើម្បីស្នើសុំកម្មសិទ្ធិកាន់កាប់ និងចេញប័ណ្ណនោះឡើយ។
ទី៣ ការប៉ះពាល់កម្មសិទ្ធិនៃទ្រព្យសម្បត្តិសាធារណ:ជាទង្វើខុសច្បាប់ មានចែងមាត្រា២៥៩ នៃច្បាប់ភូមិបាលឆ្នាំ២០០១ ចុះថ្ងៃទី៣១ ខែសីហា ឆ្នាំ២០០១ ដូច្នេះគណ:កម្មការគ្រប់គ្រងដីរដ្ឋ និងគណ:កម្មការសុរិយោដីថ្នាក់ខេត្ត សម្រេចច្រានចោលមិនដោះស្រាយនោះឡើយ។
![](https://www.kampucheathmey.com/wp-content/uploads/2023/10/image-1147-1024x768.png)
ជាមួយគ្នានេះ នៅក្នុងកិច្ចប្រជុំដោះស្រាយវិវាទរវាងរដ្ឋបាលខេត្តស្វាយរៀង ជាមួយតំណាងប្រជាពលរដ្ឋទាំង៣១គ្រួសារ អភិបាលរងខេត្តស្វាយរៀង លោក ម៉ែន អេង បានគូសបញ្ជាក់ថា ក្រោយការចុះអង្កេតវាយតម្លៃពីសាវតាដីទាំងអស់ខាងលើនោះ ជាលទ្ធផលដីដែលប្រជាពលរដ្ឋបានស្នើសុំនោះគឺមិនស្របច្បាប់ឡើយ ហើយរដ្ឋបាលខេត្តស្វាយរៀង ក៏បានផ្ញើរបាយការណ៍ជូនក្រសួងកសិកម្មរុក្ខាប្រមាញ់និងនេសាទ ដើម្បីសម្រេច។
![](https://www.kampucheathmey.com/wp-content/uploads/2023/10/image-1146-1024x575.png)
លោក ម៉ែន អេង អភិបាលរងខេត្ត ក៏បានព្រមានថា រាល់បុគ្គលទាំងឡាយណាដែលចូលមកកកូរកកាយក្នុងរឿងដីខាងលើនេះ នឹងត្រូវប្រឈមមុខច្បាប់។ បន្ថែមពីនេះ លោម ម៉ែន អេង ក៏បានណែនាំដល់ភាគីពាក់ព័ន្ធត្រូវតែមានភាពច្បាស់លាស់ ដើម្បីបិទបញ្ចប់នូវករណីទាំង៣១គ្រួសារនេះតែម្តង ដើម្បីកុំឲ្យមានការយឺតយ៉ាវបន្តទៅទៀត។
![](https://www.kampucheathmey.com/wp-content/uploads/2023/10/image-1145-1024x576.png)
ទាក់ទិនចំពោះការសម្រចច្រានចោលមិនដោះស្រាយនូវសំណើខាងលើនេះ ធ្វើឡើងនៅក្នុងកិច្ច នៅសាលប្រជុំសាលាខេត្ត នារសៀលថ្ងៃទី១៨ ខែតុលា ឆ្នាំ២០២៣ ដែលដឹកនាំកិច្ចប្រជុំដោយលោក ម៉ែន អេង អភិបាលរងខេត្ត៕
ដោយ: ភក្ដី
-
សន្តិសុខសង្គម៥ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+១ សប្តាហ៍ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៥ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៥ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៥ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+២ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៤ ថ្ងៃ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ