ព័ត៌មានជាតិ
ខេត្តស្វាយរៀងបន្ថែមគោលដៅប្រចាំការតាមព្រំដែនទប់ស្កាត់ការឆ្លងកូវីដ១៩
អាជ្ញាធរខេត្តស្វាយរៀងបានរៀបចំគោលដៅប្រចាំការនិងល្បាតការពារនៅតាមខ្សែបន្ទាត់ព្រំដែនចំនួន៥៨គោលដៅបន្ថែមទៀតដើម្បីពង្រឹងវិធានការត្រួតពិនិត្យការចេញចូលជាពិសេសការទប់ស្កាត់ការលួចឆ្លងដែនខុសច្បាប់ក្នុងគោលដៅបង្ការទប់ស្កាត់ការឆ្លងរាលដាលនៃជំងឺកូវីដ១៩និងជំងឺកូវីដ១៩បម្លែងខ្លួនថ្មីពីប្រទេសវៀតណាម។
ការបន្ថែមគោលដៅល្បាតនេះដោយសារបច្ចុប្បន្នប្រទេសវៀតណាមកំពុងមានផ្ទុះជំងឺកូវីដ១៩ចូលក្នុងសហគមន៍ពិសេសជំងឺកូវីដ១៩បម្លែងខ្លួនថ្មី។
លោក ម៉ែន វិបុល អភិបាលនៃគណៈអភិបាលខេត្តស្វាយរៀងបានដឹកនាំក្រុមការងារចុះពិនិត្យស្ថានភាពតាមប
ណ្តាច្រកទ្វាព្រំដែនក្នុងភូមិសាស្ត្រក្រុងបាវិតនាព្រឹកថ្ងៃទី០៦ខែកុម្ភៈនេះបានណែនាំដល់អាជ្ញាធរដែនដី កងកម្លាំង និងមន្ត្រីជំនាញពាក់ព័ន្ធទាំងអស់ត្រូវបន្តពង្រឹងការចេញល្បាតតាមភូមិសាស្ត្រខ្សែបន្ទាត់ព្រំដែន ដើម្បីបង្ការទប់ស្កាត់ការលួចឆ្លងដែនខុសច្បាប់ហើយក្នុងករណីមានប្រជាពលរដ្ឋឆ្លងដែនចូលមកកម្ពុជា ត្រូវធ្វើចត្តាឡីស័កជាដាច់ខាតនៅទីតាំងដែលរដ្ឋបាលខេត្តបានរៀបចំរួចជាស្រេចដោយមិនត្រូវឲ្យនរណាម្នាក់ឆ្លងកាត់ព្រំដែនដោយមិនបានត្រួតពិនិត្យនិងមិនបានធ្វើចត្តាឡីស័កនោះទេ ជារួមគឺត្រូវតែបង្ខំឲ្យធ្វើចត្តាឡីស័កជាដាច់ខាតដោយគ្មានការលើកលែងនោះឡើយ។
ជាមួយគ្នានេះលោកអភិបាលខេត្តក៏បានអំពាវនាវដល់បងប្អូនប្រជាពលរដ្ឋទាំងអស់ ត្រូវបន្តប្រុងប្រយ័ត្ន
និងការពារខ្លួនជានិច្ចពីជំងឺកូវីដ-១៩ដោយត្រូវប្រកាន់ខ្ជាប់នូវអនាម័យឧស្សាហ៍លាងសម្អាតដៃជាមួយសាប៊ូ ជែល
ឬអាល់កុលជាប្រចាំ ហើយសូមកុំធ្វើដំណើរឆ្លងដែនបើមិនមានការចាំបាច់។
លោកអភិបានខេត្តក៏បានចុះពិនិត្យស្ថានភាពតាមនៅបណ្តាប៉ុស្តិ៍ការពារព្រំដែននិងច្រកទ្វារព្រំដែនក្នុងភូមិសាស្ត្រក្រុងបាវិត រួមមានប៉ុស្តិ៍ការពារព្រំដែនធ្លកច្រកការពារព្រំដែនកំពង់ស្ពានច្រកទ្វារព្រំដែនអន្តរជាតិបាវិតនិងពិនិត្យទីតាំងបន្ទប់ដាក់ម៉ាស៊ីនវាស់កម្ដៅពេលភ្ញៀវឆ្លងកាត់ផងដែរ៕
អត្ថបទ៖ សំអឿន
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»