Connect with us

ព័ត៌មានជាតិ

ក្រសួង ត្រៀមរៀបចំប្រឡងបាក់ឌុបរួចរាល់ ខណៈមានបេក្ខជនចូលរួមប្រឡងជាង ១៣ ម៉ឺននាក់

បានផុស

នៅ

លោកស្រី ឃួន វិច្ឆិកា អ្នកនាំពាក្យ​ក្រសួង​អប់រំ យុវជន និង​កីឡា បាន​មាន​ប្រសាសន៍​នៅ​ព្រឹក​ថ្ងៃ​ទី ០២ វិច្ឆិកា​នេះ​ថា ក្រសួង បាន​រៀបចំ​ការ​ប្រឡង​សញ្ញាបត្រ​មធ្យមសិក្សា​ទុតិយភូមិ ឬ បាក់ឌុប រួចរាល់​ហើយ ទាំង​មណ្ឌល និង​បរិស្ថាន​ជុំវិញ​មណ្ឌល​ប្រឡង ដើម្បី​ត្រៀម​ស្វាគមន៍​បេក្ខជន​ចូលរួម​ប្រឡង​ប្រមាណ​ជាង ១៣ ម៉ឺន​នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រី បាន​បន្ត​ថា គិត​ត្រឹម​ថ្ងៃ​ទី ២ ខែ​វិច្ឆិកា ឆ្នាំ ២០២៣ នេះ ដំណើរការ​រៀបចំ នៃ​ការ​ប្រឡង​សញ្ញាបត្រ​មធ្យមសិក្សា​ទុតិយភូមិ បាន​រួចរាល់​ហើយ និង​ប្រកប​ដោយ​រលូន ហើយ​កន្លងមក​មាន​មណ្ឌល​ប្រឡង ១ កន្លែង នៅ​រាជធានី​ភ្នំពេញ គឺ វិទ្យាល័យ​ជាស៊ីម​ចំរើន​រដ្ឋ ដែល​ជួប​ហានិភ័យ​ទឹក​ជំនន់ ក្រសួង​អប់រំ ដោះស្រាយ​បាន​ទាន់​ពេលវេលា ដោយ​យក​សាលាបឋមសិក្សា​កូ​លាប​ទី ១ ជំនួស​វិញ និង​បាន​ជូន​ព័ត៌មាន​ដល់​បេក្ខជន និង​សាធារណជន​រួចហើយ​ផង​ដែរ។

លោកស្រី បន្ត​ទៀត​ថា «ថ្ងៃនេះ​ដែរ ក្រសួង ក៏បាន​កំពុង​ប្រជុំ​ណែនាំ​បច្ចេកទេស​ដល់​គណៈ​មេប្រយោគ​ទូទាំង​ប្រទេស​សម្រាប់​ប្រឡង​សញ្ញាបត្រ​ទុតិយភូមិ​ឲ្យ​អនុវត្ត​ប្រកប​ដោយ​គោលការណ៍​ដូច​ដែល​បាន​ចែង​ទុក​របស់​ក្រសួង​អប់រំ ដើម្បី​ឲ្យ​ដំណើរការ​ប្រឡង​ប្រព្រឹត្តិ​ទៅ​ដោយ​រលូន យុត្តិធម៌ និង​ទទួល​បាន​ទាំងអស់​គ្នា»។

ទន្ទឹម​នេះ លោក​ស្រី ក្នុងនាម ក្រសួង បាន​ផ្ដាំផ្ញើ​ដល់​ប្អូនៗ ជា​បេក្ខជន​ប្រឡង​ទាំងអស់ សូម​ខិតខំ​ប្រឹងប្រែង​រៀន​សូត្រ​អាន​ឯកសារ​សង្ខេប​មេរៀន​ឡើងវិញ​ឲ្យ​បាន​រួចរាល់​មុន​ពេល​ចូល​ប្រឡង ថែរក្សា​សុខភាព និង​គោរព​ច្បាប់​ចរាចរណ៍​ឲ្យ​បាន​ល្អ តាមដាន​ព័ត៌មាន​ទាក់ទិន​នឹង​ដំណើរការ​ប្រឡង ពិសេស​តាមដាន​នូវ​អ្វី​ដែល​ក្រសួង​អនុញ្ញាត និង​មិន​អនុញ្ញាត ដែល​មាន​ក្នុង​គោលការណ៍ ដើម្បី​ចៀសវាង​បញ្ហា​នានា​អាច​កើតមាន​ក្នុង​ដំណើរការ​ប្រឡង។ ដូច​គ្នា​នេះ​ដែរ សំណូមពរ​ឲ្យ​បេក្ខជន​ទាំងអស់ នាំគ្នា​ទៅ​មើល​ឈ្មោះ​មុន​ថ្ងៃ​ប្រឡង នៅ​ថ្ងៃ​ទី ៥ ឲ្យ​បាន​គ្រប់ៗ គ្នា ដើម្បី​បាន​ដឹង​ពី​បន្ទប់​ប្រឡង និង​លេខ​តុ ឲ្យ​បាន​ច្បាស់ ដើម្បី​ឲ្យ​ថ្ងៃ​ប្រឡង​បេក្ខជន​អាច​ធ្វើដំណើរ​ទៅ​ប្រឡង និង​ចូល​ប្រឡង​ដោយ​ភាព​ជឿជាក់ និង​ទទួល​បាន​លទ្ធផល​ជោគជ័យ។

គួរ​បញ្ជាក់​ថា ឆ្នាំនេះ ក្រសួង នឹង​រៀបចំ​ការ​ប្រឡង​បាក់ឌុប​រយៈពេល ២ ថ្ងៃ គឺ ថ្ងៃ​ទី ០៦ និង​ថ្ងៃ​ទី ០៧ ខែ​វិច្ឆិកា ឆ្នាំ ២០២៣ មាន​បេក្ខជន​ចុះឈ្មោះ​ប្រឡង​សរុប​ចំនួន ១៣៧.៤១២ នាក់ កើន​ឡើង​ជាង​ឆ្នាំមុន (៩២៧៧ នាក់​) ស្រី ៧៣.២៧៨ នាក់ ចែក​ជា ២២៧ មណ្ឌល ត្រូវ​ជា ៥.៥៤៣ បន្ទប់។ ក្នុង​នោះ បេក្ខជន​ថ្នាក់​វិទ្យាសាស្ត្រ មាន​ចំនួន ៤១.៣៧៩ នាក់ (ស្រី ២៤៧៨៩ នាក់) បេក្ខជន​ថ្នាក់​វិទ្យាសាស្ត្រ​សង្គម​មាន​ចំនួន ៩៦.០៣៣ នាក់ (ស្រី ៤៨.៤៨៩ នាក់)។ ចំណែក​គណៈមេប្រយោគ និង​គណៈកម្មការ​ផ្សេងៗ ដែល​ត្រូវ​ចូលរួម​ក្នុង​ដំណើរការ​ប្រឡង​នៅ​គ្រប់​ដំណាក់កាល មាន​ចំនួន​សរុប ២៩.៥២៥ នាក់ ក្នុង​នោះ​មកពី​ថ្នាក់​ក្រសួង​ចំនួន ៤.១២៦ នាក់ និង​មកពី​ថ្នាក់​រាជធានី-ខេត្ត​ចំនួន ២៥.៣៩៩ នាក់។

ជាមួយ​គ្នា​នេះ​ដែរ ក្រសួង នឹង​កំណត់​យក​ថ្ងៃ​ទី ២៨ ខែ​វិច្ឆិកា ឆ្នាំ ២០២៣ ពេល​រសៀល សម្រាប់​ការ​ប្រកាស​លទ្ធផល​ប្រឡង នៅ​រាជធានី​ភ្នំពេញ និង​ខេត្ត​កណ្ដាល និង​នៅ​ថ្ងៃ​ទី ២៩ ខែ​វិច្ឆិកា ឆ្នាំ ២០២៣ សម្រាប់​ខេត្ត​ផ្សេងៗ នៅ​ទូទាំង​ប្រទេស៕

អត្ថបទ ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៥ ម៉ោង មុន

តើវិបត្តិនៅសមុទ្រក្រហម បង្កឱ្យមានផលប៉ះពាល់អ្វីខ្លះដល់សហភាពអ៊ឺរ៉ុប?

ព័ត៌មានជាតិ៧ ម៉ោង មុន

លោក ហេង សួរ ដឹកនាំ​កិច្ចប្រជុំ​អន្តរក្រសួង​ស្តីពី​វិធាន​ការរួម​ដើម្បី​ទប់ស្កាត់​អគ្គិភ័យ​ក្នុង​វិស័យ​កម្ម​មន្ត​សាល និង​ឧស្សាហកម្ម​ទេសចរណ៍

ចរាចរណ៍៧ ម៉ោង មុន

ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់

ព័ត៌មានអន្ដរជាតិ៩ ម៉ោង មុន

ជប៉ុន កាត់ទោសប្រហារជីវិតបុរសម្នាក់ ក្នុងករណីដុតស្ទូឌីយូគំនូរជីវចល KyoAni សម្លាប់មនុស្សជាង ៣០នាក់

ព័ត៌មានអន្ដរជាតិ១០ ម៉ោង មុន

សិង្ហបុរី និងចិន ចុះហេត្ថលេខាព្រមព្រៀង ទៅលើការចូលប្រទេសគ្នាទៅវិញទៅមក ដោយមិនមានទិដ្ឋាការរយៈពេល ៣០ ថ្ងៃ

ព័ត៌មានអន្ដរជាតិ៦ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៤ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៦ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម