ព័ត៌មានជាតិ
មជ្ឈមណ្ឌលសូត្រខ្មែរ ស្រាវជ្រាវផលិតសរសៃសូត្រទទួលបានជោគជ័យ
លោកបណ្ឌិត ម៉ី កល្យាណ ស្ថាបនិកមជ្ឈមណ្ឌលសូត្រខ្មែរ សម្តែងក្តីរំភើប ដែលការងារប្រឹងប្រែងអស់រយៈពេលជាង ២០ឆ្នាំ មកនេះ ទទួលបានជោគជ័យលើការផលិតសរសៃសូត្រខ្មែរ ដោយបង្កើតបានជាអត្តសញ្ញាណ វប្បធម៌ខ្មែរ ជាពិសេសបានបង្កើតការងារដល់ស្ត្រីនៅតំបន់ជនបទ ស្របតាមគោលនយោបាយរបស់ជាតិផងដែរ។
![](https://www.kampucheathmey.com/wp-content/uploads/2023/11/1-10-1024x614.jpg)
លោកបណ្ឌិត ម៉ី កល្យាណ បានប្រាប់កម្ពុជាថ្មីថា« ខ្ញុំចាប់ផ្តើមធ្វើកិច្ចការស្រាវជ្រាវនៅសកលវិទ្យាល័យភូមិន្ទភ្នំពេញ ដោយរកពូជដង្កូវនាងល្អៗមកចិញ្ចឹម និងបណ្តុះបណ្តាលធនធានមនុស្សក្នុងវិស័យនេះបានប្រមាណជាង ១០០នាក់ហើយ ក្នុងរយៈពេល៥ឆ្នាំមកនេះ ជាពិសេសយើងធ្វើការងារនេះនៅខេត្តមណ្ឌលគិរី ដោយបានបង្កើតការងារដល់ស្រ្តីជនជាតិភាគតិចផងដែរ»។
ស្ថាបនិកមជ្ឈមណ្ឌលសូត្រខ្មែរ បានលើកឡើងថា កិច្ចការងារនេះ ចែកចេញជាគន្លាក់ៗ ពោលគឺដំណាក់កាលនៃការស្រាវជ្រាវបែបជីវៈវិទ្យាអំពីការលូតលាស់របស់ដង្កូវនាងឱ្យធំ កុំឱ្យឈឺ បន្ទាប់មកយកទៅចិញ្ចឹមនៅមណ្ឌលគិរី ដែលមានអាកាសធាតុត្រជាក់សមល្មមឱ្យដង្កូវនាងរស់នៅបានល្អ ហើយមនក៏ស្រួលដាំ ដោយការងារនេះ ចាប់ផ្តើមកាលពី ៣ឆ្នាំមុន។
![](https://www.kampucheathmey.com/wp-content/uploads/2023/11/photo_2023-11-06_18-13-34-1024x768.jpg)
នៅពេលទទួលបានសរសៃសូត្រត្រូវបន្តយកទៅត្បាញនៅខេត្តតាកែវ ដោយបានរួមចំណែកបង្កើតការងារដល់ស្រ្តីវ័យចំណាស់ដែលមានបទពិសោធន៍ធ្វើកិច្ចការនេះជាយូរមកហើយ។ ក្រោយត្បាញហើយ នឹងធ្វើជាផលិតផលសម្រាប់ឡើងទីផ្សារ។
លោកបណ្ឌិត ម៉ី កល្យាណ បានបន្តថា ខ្មែរយើងត្រូវការសរសៃសូត្រនេះដើម្បីប្រើការ ដូចនេះត្រូវតែពង្រឹងវត្ថុធាតុដើមសរសៃសូត្រ ដើម្បីផលិតចេញជាវត្ថុផ្សេងៗ ក្នុងគោលដៅបង្កើតការងារ និងទាក់ទាញទេសចរ ជាដើម។ បើតាមលោកបណ្ឌិត ម៉ី កល្យាណ ផលិតផលនេះ មានរហូតមិនចេះអស់នោះទេ ដរាបណាមានដី មានធាតុអាកាសល្អ មានដង្កូវនាង មន និងមានធនធានបច្ចេកទេស។
បើទោះជាពេលនេះ ការផលិតសូត្ររបស់កម្ពុជា មិនទាន់មានកំណើនល្អយ៉ាងណាក្តី តែបេសកកម្មនៃការស្រាវជ្រាវរបស់មជ្ឈមណ្ឌលសូត្រខ្មែរ និងក្រុម Samamegg បាននិងកំពុងយកចិត្តទុកដាក់ខ្លាំង និងមានសុទិដ្ឋិយមថា នឹងផលិតបានសរសៃសូត្រជាបន្តបន្ទាប់កើនឡើងពីមួយឆ្នាំទៅមួយឆ្នាំ។
កម្ពុជា នាំចូលផលិតផលសូត្រប្រមាណ ៤០០តោន ក្នុងមួយឆ្នាំៗ ដោយចំណាយថវិកាអស់ប្រមាណ ៥០លានដុល្លារអាមេរិក ដើម្បីផលិតកែច្នៃទៅជាផលិតផលសម្រេច សម្រាប់នាំចេញទៅកាន់ទីផ្សារធំៗ រួមមាន ប្រទេសថៃ វៀតណាម ចិន និងជប៉ុនជាដើម៕
![](https://www.kampucheathmey.com/wp-content/uploads/2023/11/photo_2023-09-20_16-50-30-1024x768.jpg)
![](https://www.kampucheathmey.com/wp-content/uploads/2023/11/photo_2023-11-06_18-13-38-768x1024.jpg)
![](https://www.kampucheathmey.com/wp-content/uploads/2023/11/photo_2023-11-06_18-08-06-768x1024.jpg)
![](https://www.kampucheathmey.com/wp-content/uploads/2023/11/photo_2023-11-06_18-09-11-768x1024.jpg)
![](https://www.kampucheathmey.com/wp-content/uploads/2023/11/photo_2023-11-06_18-13-37-576x1024.jpg)
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+២ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ