ព័ត៌មានជាតិ
លោក ម៉ី កល្យាណ៖ CJDM ដោះស្រាយបញ្ហាប្រឈម និងជួយជំរុញកំណើនសេដ្ឋកិច្ច
មជ្ឈមណ្ឌលផលិតកម្មឌីជីថលកម្ពុជា-ជប៉ុន (CJDM) បានដើរតួនាទីយ៉ាងក្នុងការបណ្តុះបណ្តាលធនធានមនុស្ស លើជំនាញផលិតកម្មឌីជីថល ដើម្បីដោះស្រាយបញ្ហាប្រឈម និងជំរុញកំណើនសេដ្ឋកិច្ច នៅក្នុងវិស័យឧស្សាហកម្ម៤.០ ។ នេះបើតាមការឲ្យដឹងរបស់លោក ម៉ី កល្យាណ នៅក្នុងពិធីបើកដំណើរការមជ្ឈមណ្ឌលផលិតកម្មឌីជីថលកម្ពុជា-ជប៉ុន (CJDM) នៅព្រឹកថ្ងៃទី ២៤ ខែឧសភា ឆ្នាំ២០២៣។
លោក ម៉ី កល្យាណ ដែលជាប្រធានគណៈកម្មការគ្រប់គ្រងមជ្ឈមណ្ឌលផលិតកម្មឌីជីថលកម្ពុជា-ជប៉ុន បានង្កត់ធ្ងន់ថា ការអភិវឌ្ឍធនធានមនុស្សក្នុងវិស័យវិស្វកម្ម និងផលិតកម្ម ក្នុងយុគសម័យឧស្សាហកម្ម ៤.០ ពិតជាមានសារៈសំខាន់ណាស់ក្នុងការធ្វើឱ្យប្រសើរឡើង នូវរចនាសម្ព័ន្ធសេដ្ឋកិច្ចរបស់កម្ពុជា និងបង្កើតឱ្យមានកំណើនប្រកបដោយចីរភាព។ លោក ម៉ីកល្យាណ បានបន្តថា មជ្ឈមណ្ឌលCJDM មានគោលបំណងការសហការជាមួយក្រុមហ៊ុនឯកជនក្នុងស្រុក ដែលត្រូវការធនធានមនុស្សខាងផ្នែកផលិតកម្មឌីជីថល និងឧស្សាហកម្មមេកានិច និងសហការជាមួយក្រុមហ៊ុនក្រៅស្រុក ដើម្បីនាំចេញផលិតផលផងដែរ។
កម្មវិធី Open House របស់មជ្ឈមណ្ឌលផលិតកម្មឌីជីថលកម្ពុជា-ជប៉ុននេះ(CJDM) គឺជាឱកាសដ៏ល្អមួយសម្រាប់បុគ្គលទូទៅ ទាំងបុគ្គលិកក្រុមហ៊ុន រោងចក្រ សហគ្រាស និស្សិតមកពីសាកលវិទ្យាល័យនានា ដែលមានបំណងបង្កើនជំនាញលើផ្នែកឧស្សាហកម្ម ផលិតកម្មឌីជីថល ប្រកបដោយជោគជ័យ ផ្លែផ្កា ដើម្បីពង្រឹង និងពង្រីកបណ្តាញចំណេះដឹងបន្ថែមទៀត។ កម្មវិធីនេះបានរួមចំណែក ក្នុងការបណ្តុះបណ្តាលធនធានមនុស្ស លើជំនាញផលិតកម្មឌីជីថល និងបានជំរុញកំណើនសេដ្ឋកិច្ច តាមរយៈការផលិតផលិតផលផ្សេងៗ ដែលមានតម្លៃខ្ពស់ និងនាំចេញទៅលក់នៅលើទីផ្សារ។
សូមបញ្ជាក់ផងដែរថា មជ្ឈមណ្ឌលផលិតកម្មឌីជីថលកម្ពុជា-ជប៉ុន (CJDM) បង្កើតឡើងក្រោមកិច្ចសហការរបស់រាជរដ្ឋាភិបាលកម្ពុជា និងជប៉ុន ដែលស្ថិតនៅក្នុងបរិវេណសាកលវិទ្យាល័យភូមិន្ទភ្នំពេញ ដើម្បីបណ្តុះបណ្តាលធនធានមនុស្សកម្ពុជា សម្រាប់បម្រើការងារក្នុងវិស័យឧស្សាហកម្ម៤.០ ដើម្បីការរីកចម្រើនខាងវិទ្យាសាស្ត្រ និងបច្ចេកទេសរបស់កម្ពុជា៕
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង