ព័ត៌មានជាតិ
មន្ត្រីកម្ពុជា-ឥណ្ឌា ចង់ឱ្យមានភ្ញៀវទេសចរឥណ្ឌា មកកម្ពុជាកាន់តែច្រើន តាមរយៈការតភ្ជាប់ជើង ហោះហើរត្រង់
មន្ត្រីជាន់ខ្ពស់កម្ពុជា និងឯកអគ្គរដ្ឋទូតឥណ្ឌា ចង់ឱ្យមានការរៀបចំយុទ្ធសាស្ត្រទាក់ទាញភ្ញៀវទេសចរពីឥណ្ឌាឱ្យមកលេងកម្សាន្តនៅកម្ពុជាកាន់តែច្រើន តាមរយៈការតភ្ជាប់ជើងហោះហើរត្រង់រវាងប្រទេសទាំងពីរ កម្ពុជា-ឥណ្ឌា។ ការលើកឡើងនេះ បានលើកមកពិភាក្សាក្នុងជំនួបរវាងលោកឧបនាយករដ្ឋមន្ត្រី វង្សី វិស្សុត និងលោកស្រីឯកអគ្គរដ្ឋទូតឥណ្ឌាប្រចាំនៅកម្ពុជា កាលពីថ្ងៃទី១៦ ខែវិច្ឆិកា។

ក្នុងជំនួបនេះ លោក វង្សី វិស្សុត ឧបនាយករដ្ឋមន្ត្រីប្រចាំការ និងជារដ្ឋមន្ត្រីទទួលបន្ទុកទីស្ដីការគណៈរដ្ឋមន្រ្តី និងលោកស្រី Devyani Uttam Khobragade ឯកអគ្គរដ្ឋទូតឥណ្ឌាប្រចាំនៅកម្ពុជា បានពិភាក្សាពីការពង្រឹងចំណងមិត្តភាពជាប្រវត្តិសាស្ត្រឱ្យកាន់តែរឹងមាំ ហើយបានជំរុញកិច្ចសហប្រតិបត្តិការទ្វេភាគីរវាងប្រទេសទាំងពីរឱ្យកាន់តែខ្លាំងក្លា ដើម្បី ឈានដល់ការបង្កើតកិច្ចសហប្រតិបត្តិការមួយចំនួនឱ្យចេញជាផ្លែផ្កាជាក់ស្តែង។
ក្នុងនោះ លោកឧបនាយករដ្ឋមន្ត្រីប្រចាំការ វង្សី វិស្សុត និងលោកស្រីឯកអគ្គរដ្ឋទូតឥណ្ឌា បានពិភាក្សាគ្នាអំពីយុទ្ធសាស្ត្រក្នុងការទាក់ទាញភ្ញៀវទេសចរពីឥណ្ឌា ដែលជាទីផ្សារមួយដ៏ធំ និងមានសក្តានុពលខ្ពស់សម្រាប់ទីផ្សារទេសចរណ៍កម្ពុជា តាមរយៈការតភ្ជាប់ជើងហោះហើរត្រង់ និងការបង្កើតផលិតផលទេសចរណ៍ថ្មីៗ។ ភាគីទាំងពីរ ថែមទាំងបានគិតគូពីការទាក់ទាញការវិនិយោគ ពាណិជ្ជកម្ម និងការផ្លាស់ប្តូរគំនិតយោបល់មួយចំនួនពាក់ព័ន្ធនឹងកិច្ចសហប្រតិបត្តិការរវាងវិស័យឯកជននៃប្រទេសទាំងពីរផងដែរ។

នៅចំពោះមុខលោក វង្សី វិស្សុត, លោកស្រីឯកអគ្គរដ្ឋទូតឥណ្ឌា ក៏បានលើកឡើងនូវបំណងរបស់ឥណ្ឌាក្នុងការចង់ចែក រំលែកចំណេះដឹង និងបទពិសោធលើការអភិវឌ្ឍហេដ្ឋារចនាសម្ព័ន្ធឌីជីថលសាធារណៈសម្រាប់បម្រើឱ្យសេវាសាធារណៈ ដែលកំពុងប្រើប្រាស់ក្នុងប្រទេសឥណ្ឌាដល់កម្ពុជា ជាអាទិ៍ ពាក់ព័ន្ធនឹងការធ្វើអត្តសញ្ញាណកម្ម និងប្រព័ន្ធបច្ចេកវិទ្យា ហិរញ្ញវត្ថុ ជាដើម។
បើតាមលោកស្រីឯកអគ្គរដ្ឋទូត តាមរយៈកម្មវិធីកិច្ចសហប្រតិបត្តិការបច្ចេកទេស និងសេដ្ឋកិច្ច ដែលជាផ្នែកមួយនៃកិច្ច សហប្រតិបត្តិការត្បូង-ត្បូង ឥណ្ឌា នឹងផ្តល់ការបណ្តុះបណ្តាលជំនាញ ដើម្បីកសាងសមត្ថភាពដល់មន្ត្រីបណ្តាប្រទេសមួយចំនួន ដោយក្នុងនោះ ស្ថាប័នមុខងារសាធារណៈរបស់ឥណ្ឌា ក៏កំពុងរៀបចំចុះកិច្ចព្រមព្រៀងយោគយល់គ្នា (MoU) ជាមួយក្រសួងមុខងារសាធារណៈកម្ពុជា ដើម្បីចូលរួមចំណែកកសាងសមត្ថភាពដល់មន្រ្តីរាជការកម្ពុជាដែរ។

ជាការឆ្លើយតប លោកឧបនាយករដ្ឋមន្ត្រីប្រចាំការ វង្សី វិស្សុត បានស្វាគមន៍ចំពោះបំណងចែករំលែកចំណេះដឹង និងបទពិសោធ ក្នុងការអភិវឌ្ឍហេដ្ឋារចនាសម្ព័ន្ធឌីជីថលសាធារណៈរបស់ឥណ្ឌា ព្រោះបច្ចុប្បន្នរាជរដ្ឋាភិបាលកំពុងជំរុញការធ្វើបរិវត្តកម្មឌីជីថល សំដៅកសាងរដ្ឋាភិបាលឌីជីថល ស្របតាមក្របខ័ណ្ឌគោលនយោបាយ និងយុទ្ធសាស្រ្តដែលបានដាក់ចេញនាពេលកន្លងមក។
ទន្ទឹមគ្នានេះ លោក បានស្នើដល់ភាគីឥណ្ឌាពិនិត្យលទ្ធភាពធ្វើកិច្ចសហប្រតិបត្តិការរួមគ្នាលើការបណ្តុះបណ្តាល និងកសាងសមត្ថភាពមន្ត្រីរាជការគ្រប់ក្រសួង-ស្ថាប័នលើគ្រប់វិស័យ ដោយក្នុងនោះ ទីស្តីការគណៈរដ្ឋមន្ត្រី បានស្នើឱ្យមានការពិនិត្យលើលទ្ធភាពលើកកម្ពស់សមត្ថភាពមន្ត្រីរាជការក្នុងវិស័យរដ្ឋបាលសាធារណៈ ការតាក់តែង និងការពិនិត្យច្បាប់ ជាពិសេសការពិនិត្យលើផលប៉ះពាល់នៃបទដ្ឋានគតិយុត្តិ ដើម្បីគាំទ្រដល់ការកែទម្រង់ប្រព័ន្ធច្បាប់ ព្រមទាំងការគ្រប់គ្រង ហិរញ្ញវត្ថុសាធារណៈ ជាដើម៕


-
ព័ត៌មានអន្ដរជាតិ៥ ថ្ងៃ ago
រថយន្តដឹកសិស្សចុះកម្មសិក្សានៅថៃ ក្រឡាប់ពេលចុះភ្នំ ស្លាប់១៧នាក់ របួសជាង៤០នាក់
-
ព័ត៌មានអន្ដរជាតិ១ សប្តាហ៍ ago
ចិន រកឃើញមេរោគស៊ីសួតថ្មី បង្កក្តីបារម្ភផ្ទុះជំងឺរាតត្បាត ដូច កូវីដ-១៩
-
ព័ត៌មានជាតិ៥ ថ្ងៃ ago
កូនប្រុសអភិបាលខណ្ឌ៧មករា ស្លាប់ទាំងវ័យក្មេង ដោយសារគាំងបេះដូង
-
សន្តិសុខសង្គម៦ ថ្ងៃ ago
បង្ក្រាបហាងផឹកស៊ីបង្កប់សេវាកម្មផ្លូវភេទមួយកន្លែងក្នុងមូលដ្ឋានខណ្ឌសែនសុខ ឃាត់ខ្លួននារីជាង២០នាក់
-
ព័ត៌មានអន្ដរជាតិ៧ ថ្ងៃ ago
ហ្សេលេនស្គី ផ្តាំទៅ ត្រាំ ថា អ៊ុយក្រែន មិនសងអាមេរិក ដាច់ខាត
-
សន្តិសុខសង្គម២ ថ្ងៃ ago
Update៖ អគ្គិភ័យឆេះនៅជិតស្ពានជ្រោយចង្វារ មានទារកពីរនាក់បាត់បង់ជីវិត
-
ព័ត៌មានជាតិ៦ ថ្ងៃ ago
ឯកឧត្តម ឌី វិជ្ជា ប្រាប់ទៅលោក សម រង្ស៊ី ថា ល្មមៗបានហើយ កម្ពុជា មានច្បាប់ត្រឹមត្រូវ មិនមែនធ្វើអ្វីស្រេចលើការនឹកឃើញទេ
-
ជីវិតកម្សាន្ដ១ សប្តាហ៍ ago
គ្រឿងអលង្ការរបស់កញ្ញា លីនដា បង្ហាញខ្លួននៅ Bvlgari ថ្ងៃមុន តម្លៃសរុបចូលដល់ខ្ទង់លានដុល្លារ