Connect with us

ព័ត៌មានជាតិ

មកដឹងពិន្ទុបេក្ខជនប្រឡងបាក់ឌុបចាប់ពីនិទ្ទេស E ដល់ និទ្ទេស A

បានផុស

នៅ

ក្រសួង​អប់រំ យុវជន និង​កីឡា បាន​អះអាង​ថា បេក្ខជន​ប្រឡង​ជាប់​បាក់ឌុប​ត្រូវ​មាន​ពិន្ទុ​ចាប់ពី ២៣៧ ឡើង​ទៅ ហើយ​បេក្ខជន​ជាប់​និទ្ទេស A ត្រូវ​មាន​ពិន្ទុ​ចន្លោះ​ពី ៤២៧ ដល់ ៥០០ នៃ​ពិន្ទុសរុប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក​បណ្ឌិត​សភា​ចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រី​ក្រសួង​អប់រំ យុវជន និង​កីឡា ធ្លាប់​បាន​មាន​ប្រសាសន៍​ថា របបពិន្ទុ​ប្រឡង​អតិបរមា​មាន ៥០០ ពិន្ទុ ប៉ុន្តែ​ដោយ​មុខវិជ្ជា​ភាសា​បរទេស​ជា​វិញ្ញាសា​តាម​ស្ម័គ្រ ដូច្នេះ​ពិន្ទុ​ប្រឡង​ជាប់ គឺ ៥០០ ដក ២៥ រួច​ចែក​នឹង ២ ស្មើ​នឹង ២៣៧,៥ ពិន្ទុ យក​ត្រឹម ២៣៧ ពិន្ទុ ជាប់។

ចំពោះ​ការ​បែងចែក​និទ្ទេស​វិញ លោក​ឧបនាយករដ្ឋមន្ត្រី បាន​ពន្យល់​ថា បេក្ខជន​ដែល​ទទួល​បាន​ពិន្ទុ​ចាប់ពី ២៣៧ ដល់ ២៨៥ ពិន្ទុ ទទួល​បាន​និទ្ទេស E ពិន្ទុ​ចន្លោះ​ពី ២៨៥ ដល់ ៣៣៣ ទទួល​បាន D ពិន្ទុ​ចន្លោះ​ពី ៣៣៣ ដល់ ៣៨០ ទទួល​បាន C ពិន្ទុ​ចន្លោះ​ពី ៣៨០ ដល់ ៤២៧ ទទួល​បាន B និង​ពិន្ទុ​ចន្លោះ​ពី ៤២៧ ដល់ ៥០០ ទទួល​បាន​និទ្ទេស A។

គួរ​បញ្ជាក់​ថា សម្រាប់​ឆ្នាំ ២០២៣ នេះ ក្រសួង​អប់រំ យុវជន និង​កីឡា បាន​រៀបចំ​ប្រឡង​សញ្ញាបត្រ​មធ្យម​សិក្សា​ទុតិយភូមិ សម័យ​ប្រឡង ០៦ វិច្ឆិកា ២០២៣ មាន​បេក្ខជន​ចុះឈ្មោះ​ប្រឡង​សរុប​ចំនួន ១៣៧.៤១២ នាក់ ស្រី ៧៣.២៧៨ នាក់ ចែក​ជា ២២៧ មណ្ឌល​ប្រឡង ត្រូវជា ៥.៥៤៣ បន្ទប់។ មាន​បេក្ខជន​អវត្តមាន​សរុប ២.៣២៨ នាក់ ស្រី ៩៣៤ នាក់ ស្មើនឹង ១,៦៩ ភាគរយ នៃ​បេក្ខជន​ចុះ​ឈ្មោះ​សរុប​(​ក្នុង​នោះ​បេក្ខជនស្វៃរិន​អវត្តមាន​ចំនួន ១.៨១៤ នាក់ ស្រី ៧៤៩ នាក់​)។ បេក្ខជន​មាន​បញ្ហា​សុខភាព ៨៥ ករណី ក្នុង​នោះ​បេក្ខជន​មាន​បញ្ហា​សុខភាព និង​មិន​អាច​បន្ត​ការ​ប្រឡង​បាន​ចំនួន ៥ ករណី។

តាម​គម្រោង ក្រសួង នឹង​ប្រកាស​លទ្ធផល​ប្រឡង​នៅ​ថ្ងៃ​ទី ២៧ វិច្ឆិកា សម្រាប់​មណ្ឌល​រាជធានី​ភ្នំពេញ និង​មណ្ឌល​ខេត្ត​កណ្ដាល និង​ថ្ងៃ​ទី ២៨ វិច្ឆិកា សម្រាប់​បណ្ដា​ខេត្ត​ផ្សេងៗ៕

អត្ថបទ ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៥ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ជីវិតកម្សាន្ដ៣ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៥ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម