ព័ត៌មានជាតិ
ទាំងបុគ្គលិកខ្មែរនិងចិនកំពុងធ្វើការជាមួយគ្នា នៅផ្លូវល្បឿនលឿនប្រវែង ១៩០គ.ម ទៅខេត្តព្រះសីហនុ
ការដ្ឋានស្ថាបនាផ្លូវល្បឿនលឿនភ្នំពេញ ខេត្តព្រះសីហនុ ជាកិច្ចសហប្រតិបត្តិការរវាងរដ្ឋាភិបាលកម្ពុជានិងចិន។ ជាគម្រោងកិច្ចសហប្រតិបត្តិការរវាងប្រទេសទាំងពីរ ដែលបានអនុវត្តគំនិត ”ខ្សែក្រវាត់មួយផ្លួវមួយ”។
គ្រប់គ្នាកំពុងទន្ទឹងរង់ចាំគម្រោងបញ្ចប់ទាំងស្រុង។ នៅឯការដ្ឋានឯណោះវិញក៏មានរឿងរ៉ាវខ្លះ ដែលគ្រប់គ្នាចង់ដឹងពីបុគ្គលិកចិនខ្មែរកំពុងធ្វើការជាមួយគ្នា និងបច្ចេកទេសសាងសង់មួយចំនួន។
>និស្សិតខ្មែរដែលរៀនចប់នៅប្រទេសចិន បានក្លាយទៅជាបុគ្គលិក “គំរូ” ដែលបានចូលរួមអនុវត្តគម្រោងផ្លូវល្បឿនលឿនភ្នំពេញ-ព្រះសីហនុ ជាអ្នកបច្ចេកទេសជំនាញ និងបុគ្គលិកគ្រប់គ្រងការដ្ឋាន។
>ការដ្ឋានសាងសង់ផ្លូវនៅតែបន្តដំណើរការទៅមុនគ្មានការរាំងស្ទះ ទោះបីមេរោគកូវីដបានរាតត្បាតពេញបន្ទុក។
>ការរចនាជម្រាលការពារ ដើម្បីធានាបានស្ថេរភាពនៃការផ្លាស់ប្តូរនិងពីការខូចខាតផ្សេងៗ។
>រោងចក្រលាយកៅស៊ូក្រាលថ្នល់ (asphalt) កំពុងដំណើរការសាងសង់។
>ផ្លូវល្បឿនលឿនភ្នំពេញ_ព្រះសីហនុ ប្រើប្រាស់បច្ចេកវិទ្យាសំណង់ក្រាលត្រួតពីរជាន់បន្តលើគ្នា។
>ជាផ្លូវអាចរត់ល្បឿនរហូតដល់ ១០០ គីឡូម៉ែត្រ / ម៉ោង ភ្ជាប់រាជធានីភ្នំពេញ និងក្រុងព្រះសីហនុក្នុងរយៈពេល ២ ម៉ោង ដែលនឹងជំរុញយ៉ាងខ្លាំងដល់ការអភិវឌ្ឍសេដ្ឋកិច្ចកម្ពុជា។
>គម្រោងសាងសង់ផ្លូវ ប្រើប្រាស់បុគ្គលិកជនជាតិខ្មែរសរុបទាំងអស់ជាង ២៣០០ នាក់ ប្រមាណ ៧៥% នៃបុគ្គលិកក្នុងគម្រោងទាំងមូល។
>តាំងពីចាប់ផ្តើមគម្រោងនៅខែមីនាឆ្នាំ2019 គិតត្រឹមចុងឆ្នាំ២០២០ ការស្ថាបនាផ្លូវទាំងមូលសម្រេចបានជាង ៤០%។
«ថ្នាក់បណ្តុះបណ្តាលភាសាចិនដល់បុគ្គលិកខ្មែរ»នៅគម្រោងផ្លូវល្បឿនលឿនភ្នំពេញ-ព្រះសីហនុ បានបើកដំណើរការដោយមេរៀនផ្តោតលើការសិក្សាពាក្យភាសាចិនសម្រាប់ប្រើប្រាស់ប្រចាំថ្ងៃ។
នៅក្នុងឆ្នាំ ២០២២ ប្រជាជនកម្ពុជានអាចធ្វើដំណើរលើផ្លូវល្បឿនលឿនភ្នំពេញ_ព្រះសីហនុ។
យោងតាមស្ថិតិដែលសិក្សាពាក់ព័ន្ធដោយប្រទេសចិន តម្លៃវិនិយោគលើការសាងសង់ផ្លូវល្បឿនលឿនមួយដុល្លារអាចផ្តល់ផលយោជន៍ដល់សង្គមវិញក្នុងតម្លៃប្រហែល៣ដុល្លារ។
គួរបញ្ជាក់ថា គម្រោងផ្លូវល្បឿនលឿនភ្នំពេញ-ព្រះសីហនុ បានចាប់ផ្តើមជាផ្លូវការនៅថ្ងៃទី ៦ ខែ មីនា ឆ្នាំ ២០១៩ ក្លាយជាផ្លូវល្បឿនលឿនដំបូងគេបំផុតនៅប្រទេសកម្ពុជា។
គម្រោងនេះគឺជាគម្រោង BOT ដែលបានវិនិយោគនិងសាងសង់ដោយក្រុមហ៊ុន China Road and Bridge មានប្រវែងសរុប ១៩០ គីឡូម៉ែត្រនិងចំណាយថវិកាប្រមាណ ២០១៩ លានដុល្លារអាមេរិក។ រយៈពេលសាងសង់ដែលបានគ្រោងទុកគឺ ៤ ឆ្នាំហើយរយៈពេលប្រតិបត្តិការគឺ ៥០ ឆ្នាំ។
បន្ទាប់ពីគម្រោងសាងសង់រួច ផ្លូវដែលអាចបើកពីរាជធានីភ្នំពេញនិងក្រុងព្រះសីហនុដែលជាកំពង់ផែសមុទ្រទឹកជ្រៅជាងគេបំផុតនៅកម្ពុជា ការធ្វើដំណើរត្រូវកាត់បន្ថយនៅសល់ត្រឹមតែ ២ ម៉ោងប៉ុណ្ណោះ៕
អត្ថបទ៖ ប៊ុណ្ណារ៉ា
-
ព័ត៌មានជាតិ១ សប្តាហ៍ ago
ផ្លូវកាត់ថ្មីតភ្ជាប់ពីខេត្តបាត់ដំបង មកសមុទ្រខេត្តកោះកុងសម្រេចបានជាង ៨០%
-
ចរាចរណ៍១ ថ្ងៃ ago
បើករថយន្តវ៉ាជែងក្នុងស្ថានភាពគ្រោះថ្នាក់ ក្រឡាប់របួសធ្ងន់ស្រាលជាង១០នាក់
-
ព័ត៌មានជាតិ១៥ ម៉ោង ago
កម្ពុជា អាចនឹងមានភ្លៀងធ្លាក់លាយឡំជាមួយខ្យល់កន្ត្រាក់ចាប់ពីថ្ងៃទី១៨ ដល់២០មេសា
-
សន្តិសុខសង្គម១ សប្តាហ៍ ago
ព័ត៌មានបឋម៖ ស្វាមីម្ចាស់ប្រេន Lakamo ត្រូវក្រុមចោរចូលចាប់ជម្រិត និងបាញ់សម្លាប់ដល់ក្នុងផ្ទះ
-
ព័ត៌មានជាតិ១ ថ្ងៃ ago
តួលេខផ្លូវការ ទេសចរដើរលេងចូលឆ្នាំមានជាង ២១ លាននាក់ និងខេត្តចំនួន ៥ ឈានមុខគេ
-
ជីវិតកម្សាន្ដ១ សប្តាហ៍ ago
ក្រោយផ្ទុះការរិះគន់មិនឲ្យតម្លៃក្រុម Hashtag band ថ្ងៃសង្ក្រាន្ត គណៈគ្រប់គ្រងសាលាចេញសេចក្ដីបំភ្លឺ
-
ព័ត៌មានអន្ដរជាតិ៧ ថ្ងៃ ago
ទ័ពជើងទឹកបារាំង រៀបជើងព្រួល ត្រៀមធ្វើសង្គ្រាម
-
សន្តិសុខសង្គម៧ ម៉ោង ago
ព័ត៌មានបឋម៖ ចូលចាក់សម្លាប់ស្ត្រីម្នាក់ដល់ក្នុងផ្ទះ រួចអារកសម្លាប់ខ្លួនឯងតាមក្រោយ