ព័ត៌មានជាតិ
ឱកាសឆ្លងឆ្នាំសកល៣ថ្ងៃ ខេត្តស្វាយរៀងទទួលបានទេសចរ និងពលរដ្ឋមកកម្សាន្តជិត១៧ម៉ឺននាក់
ក្នុងឱកាសពិធីឆ្លងឆ្នាំសកល រយៈពេល៣ថ្ងៃ ខេត្តស្វាយរៀង ទទួលបានទេសចរ និងប្រជាពលរដ្ឋមកលេងកម្សាន្តនៅតាមគោលដៅសំខាន់ៗទូទាំងខេត្តប្រមាណជិត១៧ម៉ឺននាក់។ នេះបើតាមការឱ្យដឹងពីប្រធានមន្ទីរទេសចរណ៍ខេត្តស្វាយរៀង។
លោក វ៉ាន់ សារ៉ាត ប្រធានមន្ទីរទេសចរណ៍ខេត្តស្វាយរៀង បានថ្លែងឱ្យដឹងនៅព្រឹកថ្ងៃទី២ ខែមករា ឆ្នាំ២០២៤នេះ ថា « ស្ថិតិភ្ញៀវនៅថ្ងៃឆ្លងឆ្នាំសកល រយៈពេល៣ថ្ងៃ គិតចាប់ពីថ្ងៃទី៣០ ខែធ្នូ ឆ្នាំ២០២៣ ដល់ថ្ងៃទី១ ខែមករា ឆ្នាំ២០២៤ មានចំនួនភ្ញៀវទេសចរ និងប្រជាពលរដ្ឋមកលេងកម្សាន្តនៅតាមគោលដៅសំខាន់ៗក្នុងខេត្តមានចំនួនសរុប ១៦៧ ៥០០នាក់ ដែលក្នុងនោះ ទេសចរបរទេសចំនួន ៣១០នាក់»។
លោកប្រធានមន្ទីរ បានបន្តថា រដ្ឋបាលខេត្តស្វាយរៀង បានរៀបចំព្រឹត្តិការណ៍ធំៗមួយចំនួន ដូចជា កម្មវិធីប្រគុំតន្ត្រីខ្នាតធំ និងកម្មវិធីប្រដាល់គុណខ្មែរ (រយៈពេល២ថ្ងៃ គឺថ្ងៃទី៣០-៣១ ធ្នូ ឆ្នាំ២០២៣) ដែលនេះបានបង្កលក្ខណៈដល់ទេសចរ ក៏ដូចជាប្រជាពលរដ្ឋ បានចូលរួមទស្សនាកម្សាន្តនូវការប្រគុំតន្រ្តី ការតាំងពិព័រណ៍ ព្រមទាំងទិដ្ឋភាពតាមមាត់ទន្លេវ៉ៃគោពេលរាត្រី ជាដើម។
តាមរយៈសកម្មភាពដ៏សប្បាយរីករាយនេះអាចកើតឡើងបាន ដោយហេតុថា ប្រទេសជាតិមានសុខសន្តិភាព ក្រោមការដឹកនាំរបស់រាជរដ្ឋាភិបាលកម្ពុចា ដែលមានសម្ដេចធិបតី ហ៊ុន ម៉ាណែត ជានាយករដ្ឋមន្ត្រីនៃកម្ពុជា៕
ដោយ៖ ភក្ដី
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង