ព័ត៌មានជាតិ
វិទ្យាល័យសម្ដេចឳ ខេត្តសៀមរាប និមន្តព្រះសង្ឃរាប់បាត្រឧទ្ទិសកុសលជូនអ្នកស្លាប់ដោយសាររបបប៉ុលពត
វិទ្យាល័យសម្តេចឳ ខេត្តសៀមរាប នាព្រឹកថ្ងៃទី០៦ ខែមករា បាននិមន្តព្រះសង្ឃ ចំនួន ៧០អង្គ ធ្វើពិធិរាប់បាត្រ ឧទិ្ទសជូនដល់បុព្វបុរស និងអ្នកសេ្នហាជាតិ ដែលបានពលីជីវិតក្នុងបុព្វហេតុរំដោះជាតិមាតុភូមិ ពីបនប្រល័យពូជសាសន៍ ប៉ុល ពត និងធ្វើពិធីអភិសេករូបសំណាកព្រះបាទសូរ្យវរ្ម័នទី២,ព្រះបាទជ័យវរ្ម័នទី៧ និង រូបសំណាកព្រះនាងឥន្ទ្រទេវី។
នាយកវិទ្យាល័យសម្ដេចឳ ខេត្តសៀមរាប លោកបណ្ឌិត ឈិន តៃឈាង បានគូសបញ្ជាក់ថា ការនិមន្តព្រះសង្ឃរាប់បាត្រនៅថ្ងៃនេះ គឺក្នុងគោលបំណង ឧទ្ទិសកុសល ជូនដល់វិញ្ញាណក្ខ័ន្ធ វីរៈភាពកម្មាភិបាល យុទ្ធជនយុទ្ធនារី ដែលបានលះបង់ជីវិត ក្នុងការសង្គ្រោះជាតិ ឲ្យរួចផុតពីរបបប្រល័យពូជសាសន៍ ប៉ុល ពត និង ឧទ្ទិសកុសលជូនដល់អ្នកសេ្នហាជាតិគ្រប់ជំនាន់ ដែលបានពលីជីវិត ក្នុងបុព្វហេតុរំដោះជាតិ កសាងការពារជាតិមាតុភូមិ ដើមី្បភាពសុខសាន្តដល់ប្រជាពលរដ្ឋកម្ពុជាទាំងមូល។
ជាមួយគ្នានេះ លោកនាយកសាលាបានពន្យល់សិស្សានុសិស្សថា កម្មវិធីក្នុងថ្ងៃនេះ ក៏ជាការរំលឹកនូវគុណថ្ងៃជ័យជម្នះ៧មករា ដែលជាជីវិតទី២ពលរដ្ឋកម្ពុជាដែលសេសសល់ និងរួចផុតពីក្រញ៉ាំបាតដៃប្រឡាក់ឈាម ប៉ុល ពត។ លោកនាយកសាលាបន្ថែមថា បើគ្មានគុណថ្ងៃ ៧មករានោះទេ ក៏កម្ពុជាគ្មានសន្តិភាពនោះទេ ដោយគុណថ្ងៃជ័យជម្នះ ៧មករានេះហើយ ទើបធ្វើឲ្យកម្ពុជា មានសុខសន្តិភាពពេញលេញ ក្រោមកិច្ចដឹកនាំរបស់សម្តេចតេជោហ៊ុន កំពូលស្ថាបនិក បិតាសន្តិភាព។
ក្រៅពីនេះ លោកបណ្ឌិត ឈិន តៃឈាង បានលើកឡើងថា ការរៀបចំដាក់នូវព្រះរូបសំណាកព្រះបាទសូរ្យវរ្ម័នទី២,ព្រះបាទជ័យវរ្ម័នទី៧ និង រូបសំណាកព្រះនាងឥន្ទ្រទេវី គឺជាការក្រើនរំលឹកដល់ស្មារតីសិស្សានុសិស្សគ្រប់រូប បានយល់បានស្គាល់ អំពីតម្លៃនៃវប្បធម៌ជាតិ សំខាន់ចំពោះស្នាដៃរបស់បុព្វបុរសដូនតាខ្មែរ។ តួអង្គទាំងបីនេះ ហើយបានធ្វើឲ្យប្រទេសកម្ពុជា នាសម័យអង្គរមានភាពរុងរឿង ពិសេសព្រះនាងឥន្ទ្រទេវី ទ្រង់ជម្រុញវិស័យសិល្បៈ អក្សរសាស្រ្ត វប្បធម៌ជាតិ ឲ្យមានសន្ទុះរីកចម្រើនជឿនលឿនយ៉ាងខ្លាំងក្លា ដោយសារចំណេះដឹង ដ៏ខ្ពង់ខ្ពស់និងចរិយាល្អឥតខ្ចោះ ព្រះនាងឥន្ទ្រទេវី បានក្លាយជានារី ម្នាក់ដែលមានតម្លៃជាអមតៈគួរឲ្យកោតស្ងប់ស្ងែងយ៉ាងក្រៃលែង៕
អត្ថបទដោយ៖ គឿន វេត
-
ជីវិតកម្សាន្ដ៣ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ជីវិតកម្សាន្ដ៦ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៣ ថ្ងៃ ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ១ សប្តាហ៍ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ៣ ថ្ងៃ ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
ព័ត៌មានជាតិ១ សប្តាហ៍ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
សេចក្ដីជូនដំណឹង៧ ថ្ងៃ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល
-
ព័ត៌មានជាតិ៦ ថ្ងៃ ago
អតីតប្រធានអង្គការភូមិកុមារ SOS ធ្លាប់ជួយកុមារលើពិភពលោកជិត៣ទសវត្សរ៍ បានទទួលមរណភាព