កម្មកររោងចក្រនៅស្រុកបាទីជិត២០នាក់ បានដូលសន្លប់ជាបន្តបន្ទាប់

កម្មករកម្មការិនី ជិត២០នាក់ ដែលបម្រើការងារផ្នែកខ្សែដេរ ក្នុងរោងចក្រ វូណាមិ ស្ថិតនៅភូមិសំរោង ឃុំសូភី ស្រុកបាទី ខេត្តតាកែវ បានដួលសន្លប់ជាបន្តបន្ទាប់ អាជ្ញាធរថា ដោយសារបញ្ហាសុខភាព។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ភួន ឈីម អភិបាលស្រុកបាទី បានឲ្យដឹងនៅរសៀលថ្ងៃទី១៣ ខែកុម្ភៈ នេះថា នៅរសៀលថ្ងៃទី១២ ខែកុម្ភៈ ឆ្នាំ២០២១ ពិតមានករណីកម្មករ កម្មការិនី ដែលបម្រើការងារផ្នែកខ្សែដេរ នៅរោងចក្រវូណាមី បានដួលសន្លប់ ជាបន្តបន្ទាបប្រាដកមែន ដែលមានចំនួន១៨នាក់ និងបានបញ្ជូលទៅសម្រាកព្យាបាលនៅ គ្លីនិចឯកជនមូលមិត្តដើមរកាទាំងអស់គ្នា។

លោកអភិបាលស្រុកបញ្ជាក់ថា ចំពោះបញ្ហាដែលបណ្ដាលឲ្យដួលសន្លប់នេះការសន្និដ្ឋានដំបូងអាចមកពីបញ្ហាសុខភាព ព្រោះកម្មករ កម្មការិនី មានអាការៈខ្សោយ និងអស់កម្លាំង ទើបបណ្ដាលឲ្យដួលសន្លប់បែបនេះ។ ក្នុងនោះចំនួនអ្នកសន្លប់មាន១៨នាក់ ប្រុស២នាក់។

បច្ចុប្បន្នគិតមកត្រឹមរសៀលថ្ងៃទី១៣ កុម្ភៈនេះ កម្មករកម្មការិនី ដែលបានដូលសន្លប់កាលពីម្សិលនោះបានធូរស្បើយនឹងបានត្រឡប់ទៅលំនៅដ្ឋានវិញរៀងៗខ្លួនអស់ហើយ៕

វីរៈ