ព័ត៌មានជាតិ

បុរសម្នាក់ដាច់ជើងមួយចំហៀង ខណៈចូលព្រៃកាច់ទំពាំងមកស្លជាន់មីន

បានផុស

៥ years មុន

នៅ

ថ្ងៃចន្ទ ១៥ កុម្ភៈ ២០២១

ដោយ

បុរសម្នាក់ ចេញពីផ្ទះទៅកាច់ទំពាំងព្រិចយកមកធ្វើម្ហូប ចៃដន្យដើរជាន់មីនដាច់ជើងខាងស្តាំមួយចំហៀងរបួសធ្ងន់ នៅវេលាម៉ោង១០យប់ កាលពីថ្ងៃ១៤ ខែកុម្ភៈ ឆ្នាំ២០២១ នៅចំណុចដើមកកោះ ក្រុងប៉ោយប៉ែត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីនគរបាលមូលដ្ឋានបានប្រាប់ឲ្យដឹងថា ជនរងគ្រោះមានឈ្មោះ យឿន រ៉ន ភេទប្រុស អាយុ៣០ឆ្នាំ រស់នៅភូមិព្រៃគប់ សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ។មន្ត្រីនគរបាលមូលដ្ឋានបានប្រាប់ឲ្យដឹងបន្តទៀតថា នៅយប់នោះជនរងគ្រោះបានចេញពីផ្ទះចូលព្រៃ ដើម្បីស្វែងកាច់ទំពាំងព្រិចយកមកស្ល ដើរដល់ចំណុចដើមកកោះស្រាប់តែចៃដន្យអាក្រក់ជាន់មីន បណ្តាលឲ្យដាច់ជើងម្ខាងរបួសធ្ងន់។ ក្រោយពីកើតហេតុ ហើយត្រូវបានកងពលធំទី១ ផ្នែកសឹករងប៉ោយប៉ែត សហការជាមួយ កងពល ៥១ និងប៉ូលិសព្រំដែន ៩១១ ដឹកបញ្ជូនជនរងគ្រោះទៅពេទ្យបង្អែកដីថ្មី ដើម្បីធ្វើការសង្គ្រោះបន្ទាន់។ រហូតដល់ម៉ោងនេះ ជនរងគ្រោះក្រោយពីការយកចិត្តទុកដាក់ពីក្រុមគ្រូពេទ្យរួចមកបានធូរស្បើយបន្តិចហើយ៕