Connect with us

ព័ត៌មានជាតិ

ប្រធានគណបក្សប្រជាជនកម្ពុជា៖ សណ្ដាប់ធ្នាប់អន្តរជាតិផ្អែកលើច្បាប់ផ្ដល់ផលប្រយោជន៍ច្រើនដល់គ្រប់ប្រទេស

បានផុស

នៅ

ក្នុងកិច្ចពិភាក្សាតុមូលអន្តរគណបក្ស តាមប្រព័ន្ធវីដេអូ នារសៀលថ្ងៃទី ២៣ ខែមករា នេះ នៅចំពោះមុខតំណាងគណបក្សមកពីប្រទេសរុស្សី ថៃ ឡាវ ឥណ្ឌូនេស៊ី និងម៉ាឡេស៊ី, សម្ដេច ហ៊ុន សែន ប្រធានគណបក្សប្រជាជនកម្ពុជា បានគូសបញ្ជាក់ថា សណ្ដាប់ធ្នាប់អន្តរជាតិផ្អែកលើច្បាប់បានផ្ដល់ផលប្រយោជន៍ច្រើនដល់គ្រប់ប្រទេស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្ថិតក្នុងបរិបទនៃការលេចឡើង​នូវបញ្ហាប្រឈមជាច្រើនដែលមិនធ្លាប់មានជាច្រើនមិនត្រួតស៊ីគ្នា និងភាពមិនប្រាកដប្រជានៃសកលលោក សម្ដេចតេជោ បានអះអាងថា មានភាពចាំបាច់ដែលភាគីអន្តរគណបក្សត្រូវរួមគ្នាពង្រឹងបន្ថែមទៀត ដើម្បីសម្រេចឱ្យបាននូវសណ្ដាប់ធ្នាប់អន្តរជាតិផ្អែកលើច្បាប់មួយប្រកបដោយយុត្តិធម៌។

ជុំវិញបញ្ហានេះ ដើម្បីសម្រេចឱ្យបាននូវសណ្ដាប់ធ្នាប់អន្តរជាតិផ្អែកលើច្បាប់មួយប្រកបដោយយុត្តិធម៌ ប្រធានគណបក្សប្រជាជនកម្ពុជាបានចែករំលែកទស្សនៈចំនួន ដល់បណ្ដាប្រធាន តំណាងគណបក្សមកពីប្រទេសរុស្សី ថៃ ឡាវ ឥណ្ឌូនេស៊ី និងម៉ាឡេស៊ី ដូចជា ទី១/ ភាគីអន្តរគណបក្សត្រូវបន្តរក្សាការប្ដេជ្ញាចិត្ត និងការតាំងចិត្តក្នុងការពង្រឹងតួនាទី និងឥទ្ធិពលរបស់អង្គការសហប្រជាជាតិឱ្យបានខ្ជាប់ខ្ជួននូវធម្មនុញ្ញរបស់អង្គការសហប្រជាតិ ជាពិសេសគោលការណ៍អធិបតេយ្យ និងសិទ្ធិស្វ័យសម្រេចរបស់ប្រជាជាតិនីមួយៗ ការអនុវត្តច្បាប់អន្តរជាតិដាច់ខាតត្រូវតែមានយុត្តិធម៌ ជៀសវាងការប្រកាន់ស្តង់ដារពីរ​ ជាពិសេសការប្រើប្រាស់ច្បាប់អន្តរជាតិ ដោយបំពាន មិនមានតម្លាភាពនាំឱ្យអាចនាំទៅដល់ការបាត់បង់ជំនឿជឿជាក់​ និងការគាំទ្រទៅលើសណ្ដាប់ធ្នាប់អន្តរជាតិផ្អែកលើច្បាប់។

ទី២/ អន្តរគណបក្សត្រូវប្រកាន់ខ្ជាប់នូវដំណោះស្រាយដោយសន្តិវិធី និងមធ្យោបាយការទូតក្នុងដោះស្រាយបញ្ហាប្រឈមទាំងឡាយរួមទាំងជម្លោះប្រដាប់អាវុធ ដោយពិចារណាឱ្យបានហ្មត់ចត់ចំពោះកង្វល់ សន្តិសុខរបស់រដ្ឋអធិុបតេយ្យទាំងអស់ ស្របតាមគោលការណ៍ដែលទទួលស្គាល់ជាសកលនៃច្បា​ប់អន្តរជាតិ។ ក្នុងចំណុចនេះ សម្ដេចតេជោ បានបញ្ជាក់ថា សង្គ្រាមមិនអាចបញ្ចប់ដោយសង្គ្រាមបាននោះទេ។   សម្ដេចតេជោ បានសង្កត់ធ្ងន់ថា ការប្រើប្រាស់វិធានការឯកតោភាគី ទណ្ឌកម្មនយោបាយ សេដ្ឋកិច្ច មិនអាចនាំមកនូវដំណោះស្រាយឡើយ ផ្ទុយទៅវិញមានតែធ្វើឱ្យវិបត្តរឹតតែស្មុគស្មាញ ហើយការអូសបន្លាយនេះ នៅមិនទាន់គិតដល់ផលប៉ះពាល់នៃវិធានការទាំងនេះ មកលើប្រទេសដទៃទៀតផង។

ទី៣/ សណ្ដាប់ធ្នាប់អន្តរជាតិផ្អែកលើច្បាប់មួយមាននិរន្តភាព លុះត្រាតែមានបរិយាបន្ន​។ សម្ដេចតេជោ បានពន្យល់ថា មិនមែនប្រទេសមហាអំណាចមួយចំនួនតូចអាចសម្រេចបានជំនួសពិភពលោកទាំងមូលបាននោះទេ ប៉ុន្តែត្រូវមានការចូលរួមពីសមាជិកដទៃទៀត ដើម្បីធានាថាប្រយោជន៍ និងកង្វល់មិនត្រូវបានព្រងើយកន្តើយ។ ដូច្នេះស្ថាប័នអន្តរជាតិ ពិសេសស្ថាប័នអង្គការសហប្រជាជាតិ ត្រូវធ្វើកំណែទម្រង់ក្នុងការផ្ដល់សំឡេង និងអំណាចឱ្យបានគ្រប់គ្រាន់ទៅដល់ប្រទេសដែលមានសេដ្ឋកិច្ចកំពុងងើបឡើង ប្រទេសកំពុងអភិវឌ្ឍន៍ដទៃទៀត  ដើម្បីប្រទេសទាំងនោះមានលទ្ធភាពចូលរួមពេញលេញនៅក្នុងបុព្វហេតុសន្តិភាព និងការអភិវឌ្ឍ​សកល។

ទី៤/ អន្តរគណបក្ស ត្រូវ​បដិសេធឯកតោភាគីនិយម ការគាំពារនិយម ហើយងាកមកចូលរួមពង្រឹងពហុភាគីនិយមដោយសេរីបើកចំហរ តម្លាភាព បរិយាបន្ន យុត្តិធម៌ និងផ្អែកលើច្បាប់។ សម្ដេចបានបន្តពន្យល់ថា អ្វីដែលអន្តរគណបក្សត្រូវបន្តធ្វើ ដើម្បីឆ្លើយតបទៅនឹងការឡើង ការប្រកួតប្រជែងភូមិសាស្ត្រនយោបាយ មិនមែនជាការកាត់ផ្ដាច់ពីគ្នា ឬការហ៊ុមព័ទ្ធគ្នាទៅវិញទៅមកនោះទេ ប៉ុន្តែជាការពង្រឹងបន្ថែមទៀតនូវកិច្ចសហប្រតិបត្តិការដោយផ្អែកលើការគោរពគ្នា យោគយល់គ្នា ការផ្ដល់ប្រយោជន៍ទៅវិញទៅមក និងការដាក់របាំងការពារការប្រកួតប្រជែងទាំងនោះនាំទៅដល់ការខាតបង់ទាំងសងខាង៕

ដោយ៖ ង៉ិល ណារ៉ាត់

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៤ ម៉ោង មុន

ក្រុមប្រឹក្សាសន្តិសុខអង្គការសហប្រជាជាតិទាមទារឱ្យមានបទឈប់បាញ់ជាបន្ទាន់រវាង អ៊ីស្រាអែល និងក្រុមសកម្មប្រយុទ្ធប៉ាឡេស្ទីន

សន្តិសុខសង្គម៦ ម៉ោង មុន

អគ្គ​លេខាធិការដ្ឋាន​នៃ គ.ល.ក. ជូន​ដំណឹង​ដល់​សាធារណជន​កុំ​​ឱ្យ​ចូល​រួម​សកម្មភាព​កាស៊ីណូអនឡាញ​​

ព័ត៌មានជាតិ៦ ម៉ោង មុន

បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»

ព័ត៌មានជាតិ៧ ម៉ោង មុន

សមត្ថកិច្ចបញ្ជាក់ករណី​​សំណុំ​រឿង​ក្រុមហ៊ុន CIC ខុស​ពីករណី​សំណុំ​រឿង​ក្រុមហ៊ុន ឡេង ចាន់ណា

ព័ត៌មានជាតិ៧ ម៉ោង មុន

ក្រសួង​ការងារ​នាំ​យក​ឱកាស​ការងារ​ជាង ៨០០០ កន្លែង​ដល់ក​ម្មករ​រោងចក្រ អ​.​ជី ហ៊្វូត​វែ​រ

ព័ត៌មានជាតិ២ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានអន្ដរជាតិ៥ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានជាតិ៧ ម៉ោង មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

កីឡា៦ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

ជីវិតកម្សាន្ដ៥ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

Sokha Hotels

ព័ត៌មានពេញនិយម