ព័ត៌មានជាតិ
កំពង់ផែកោះទន្សាយជំហានទី ២ សម្រេចការសាងសង់ជាង ៧០ ភាគរយ គ្រោងបញ្ចប់ចុងខែកុម្ភៈ ខាងមុខនេះ
លោក វ៉ៅ សុខា អភិបាលរងខេត្តកែប បញ្ជាក់ថា គម្រោងសាងសង់«កំពង់ផែទេសចរណ៍កោះទន្សាយ» ជាជំហានទី ២ បើគិតមកដល់ពេលនេះ សម្រេចការសាងសង់បានប្រមាណជាង ៧០ ភាគរយហើយ គ្រោងនឹងបញ្ចប់នៅចុងខែកុម្ភៈ ឆ្នាំ ២០២៤ ខាងមុខនេះ។
![](https://www.kampucheathmey.com/wp-content/uploads/2024/01/photo_2024-01-26_11-00-10.jpg)
ការបញ្ជាក់នេះ ក្នុងឱកាស លោក វ៉ៅ សុខា អភិបាលរងខេត្តកែប បានដឹកនាំមន្ត្រីជំនាញ ចុះត្រួតពិនិត្យវឌ្ឍនភាពគម្រោងសាងសង់កំពង់ផែទេសចរណ៍ និងហេដ្ឋារចនាសម្ព័ន្ធមួយចំនួនលើកោះទន្សាយ ស្ថិតក្នុងក្រុងកែប ខេត្តកែប កាលពីរសៀលថ្ងៃទី ២៥ ខែមករា ឆ្នាំ ២០២៤ ម្សិលមិញ។
![](https://www.kampucheathmey.com/wp-content/uploads/2024/01/photo_2024-01-26_10-57-22-1.jpg)
នាឱកាសនោះ លោក វ៉ៅ សុខា អភិបាលរងខេត្តកែប បានឲ្យដឹងថា គម្រោងសាងសង់«កំពង់ផែទេសចរណ៍កោះទន្សាយ» ជាជំហានទី ២ រួមនឹងហេដ្ឋារចនាសម្ព័ន្ធមួយចំនួនដូចជា ៖ ការសាងសង់ផ្លូវបេតុងមួយខ្សែប្រវែង ៨៥០ ម៉ែត្រ ទីតាំងអាងស្តុកទឹកចំណុះ ៥០ ម៉ែត្រគូប ចំនួន ០១ ,អណ្ដូងស្នប់ចំនួន ០២ ,និងការបំពាក់ម៉ាស៊ីនភ្លើង ១០០ kva ចំនួន ០៣ គ្រឿង គឺជាកម្ចីឥណទានរបស់ធនាគារអភិវឌ្ឍន៍អាស៊ី (ADB) ដើម្បីបម្រើដល់ប្រជាសហគមន៍លើកោះទន្សាយ។
![](https://www.kampucheathmey.com/wp-content/uploads/2024/01/photo_2024-01-26_10-56-45.jpg)
លោក វ៉ៅ សុខា បានបញ្ជាក់ថា «គម្រោងសាងសង់កំពង់ផែទេសចរណ៍កោះទន្សាយជាជំហានទី ២ នេះ បើគិតមកដល់ពេលនេះ សម្រេចការសាងសង់បានប្រមាណជាង ៧០ ភាគរយហើយ គម្រោងគ្រោងនឹងបញ្ចប់នៅចុងខែកុម្ភៈ ឆ្នាំ ២០២៤ នាពេលខាងមុខនេះ»។
![](https://www.kampucheathmey.com/wp-content/uploads/2024/01/photo_2024-01-26_10-58-56.jpg)
គួរជម្រាបថា ក្នុងគម្រោងហេដ្ឋារចនាសម្ព័ន្ធ«កំពង់ផែទេសចរណ៍កោះទន្សាយ» ជាជំហានទី ២ នេះ មានគម្រោងសាងសង់ផ្លូវចាក់កៅស៊ូប្របមាត់សមុទ្រប្រវែងជាង ១២ គីឡូម៉ែត្រ (១២៧៥០ ម៉ែត្រ) ចាប់ពីចំណុចកំពង់ផែទេសចរណ៍កោះទន្សាយ (ក្រុងកែប) ទៅភ្ជាប់នឹងផ្លូវលេខ ១៣៣២ ត្រង់ចំណុចខ្លោងទ្វារវត្តអង្កោល ភូមិអង្កោល ឃុំអង្កោល ស្រុកដំណាក់ចង្អើរ ខេត្តកែប។ ផ្លូវនេះ ត្រូវបានសម្ពោធបើកការដ្ឋានសាងសង់ជាផ្លូវការ កាលពីថ្ងៃទី ០១ ខែមីនា ឆ្នាំ ២០២២ ក្រោមកម្ចីឥណទានធនាគារអភិវឌ្ឍន៍អាស៊ី (ADB) លើគម្រោងទឹកប្រាក់ចំនួន ១០,៥០៤,០៩៤,២៦ ដុល្លារអាមេរិក។
![](https://www.kampucheathmey.com/wp-content/uploads/2024/01/photo_2024-01-26_10-59-29.jpg)
បន្ថែមនេះ ក្រៅពីគម្រោងហេដ្ឋារចនាសម្ព័ន្ធកំពង់ផែទេសចរណ៍កោះទន្សាយ ផ្លូវប្របមាត់សមុទ្រ ចាប់ពីចំណុចកំពង់ផែកោះទន្សាយទេសចរណ៍នៅក្នុងក្រុងកែប ទៅឆ្នេរអង្កោល ដែលមានប្រវែងប្រមាណជាង ១២ គីឡូម៉ែត្រ និងបំបែកតភ្ជាប់ទៅផ្លូវជាតិលេខ ១៣-៣២ (១២៧៥០ ម៉ែត្រ) គឺនៅមានទីលានចាក់សំរាម និងអាងប្រព្រឹត្តិកម្មទឹកកខ្វក់ ផង ជាកម្ចីឥណទានរបស់ធនាគារអភិវឌ្ឍន៍អាស៊ី ADB៕
អត្ថបទ ៖ សឹង រ៉ាត់
![](https://www.kampucheathmey.com/wp-content/uploads/2024/01/photo_2024-01-26_11-00-52.jpg)
![](https://www.kampucheathmey.com/wp-content/uploads/2024/01/photo_2024-01-26_11-02-06.jpg)
![](https://www.kampucheathmey.com/wp-content/uploads/2024/01/photo_2024-01-26_11-02-49.jpg)
![](https://www.kampucheathmey.com/wp-content/uploads/2024/01/photo_2024-01-26_11-01-31.jpg)
![](https://www.kampucheathmey.com/wp-content/uploads/2024/01/photo_2024-01-26_11-03-50-1024x768.jpg)
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+២ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ