ព័ត៌មានជាតិ

អាជីវករលក់ដូង អាចរកចំណូលបាន ១០ ម៉ឺនរៀលក្នុងមួយថ្ងៃ

បានផុស

២ years មុន

នៅ

ថ្ងៃអង្គារ ៣០ មករា ២០២៤

ដោយ

ស្ត្រីអាជីវករម្នាក់មានវ័យជាង ៣០ ឆ្នាំ បានឲ្យដឹងថា រាល់ថ្ងៃរូបនាងបានទទួលទិញផ្លែដូងពីគេរួចយកមកលក់រាយនៅមុខផ្ទះអាចរកប្រាក់ចំណេញយ៉ាងតិច១០ម៉ឺនរៀលក្នុងមួយថ្ងៃ។

អ្នកស្រី វួច ហ៊ាង អាជីវករលក់ដូងបានបន្តថា នាងប្រកបរបរលក់ដូងនេះដោយទទួលទិញពីម៉ូយបោះដុំដែលដឹកពីតាមបណ្តាខេត្តពិសេសមកខេត្តកំពតដែលមកបោះដល់ផ្ទះរបស់នាងស្ថិតនៅតាមបណ្តោយផ្លូវ៣៦៩ ភូមិព្រែកតាពៅ សង្កាត់ព្រែកប្រា ខណ្ឌច្បារអំពៅ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំពោះផ្លែដូងដែលម៉ូយលក់ឲ្យគឺមួយថ្លៃ ២ ០០០ រៀល ហើយត្រូវចំណាយពេលកាប់សំបកឲ្យបានស្អាតហើយលក់រាយបានថ្លៃរហូតដល់ ៣ ០០០ រៀល និងមានពេលខ្លះអាចលក់បាន ៣ ៥០០ រៀលក៏មានដែរ។

អាជីវករដដែលរូបនេះបានបន្តថា គ្រួសារនាងបានចាប់របរនេះ ជាង ២០ ឆ្នាំ មកហើយ និងរកប្រាក់ចំណូលបានគ្រាន់បើទៀតផង សំខាន់ពុំចាំបាច់ចំណាកស្រុកឃ្លាតឆ្ងាយពីស្រុកកំណើត៕