Connect with us

ព័ត៌មានជាតិ

ជារឿងកម្រណាស់! យុវតីខ្មែរ១រូប បានអភិវឌ្ឍខ្លួនពីនារីអាកាសចរណ៍ ក្លាយជាអ្នកបើកយន្តហោះ

បានផុស

នៅ

កញ្ញា ហុង ចិន្តា ដែលជាស្ត្រីខ្មែរ១រូប មានមហិច្ឆតាខ្ពស់ ខិតខំប្រឹងប្រែងរៀនសូត្រ ចាប់យកនូវចំណេះដឹងថ្មីៗ បានប្រែខ្លួនជានារីអាកាសចរណ៍នៅលើយន្តហោះ ក្លាយជាអាកាសយានិកាម្នាក់ ដែលជារឿងមួយគួរឱ្យមានមោទនភាព ដែលនារីខ្មែររូបនេះ មានសមត្ថភាពអាចបម្រើការងារនេះមិនចាញ់បុរសឡើយ។ នេះបើតាមការចុះផ្សាយរបស់ក្រសួងកិច្ចការនារី នៅថ្ងៃទី២៥ ខែមីនា ឆ្នាំ២០២៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សព្វថ្ងៃ កញ្ញា ហុង ចិន្តា គឺជាអាកាសយានិកានៃក្រុមហ៊ុនអាកាសចរណ៍ឡានម៉ី (Lanmei Airline)។ ក្រសួងកិច្ចការនារីបានឱ្យដឹងថា កញ្ញា ជាអតីតសិស្សវិទ្យាល័យបាក់ទូក និងបានបន្តការសិក្សាផ្នែកបរិញ្ញាបត្រសណ្ឋាគារទេសចរណ៍ នៅសាកលវិទ្យាល័យន័រតុន។ នៅពេលខ្លួនកំពុងសិក្សាជានិស្សិតឆ្នាំទី៣លើជំនាញនេះ កញ្ញាក៏ចង់ស្វែងយល់ និងស្វែងរកបទពិសោធការងាររវាងការផ្តល់សេវាកម្មដល់ភ្ញៀវនៅលើយន្តហោះ និងនៅសណ្ឋាគារ។ ដោយហេតុនេះ កញ្ញា ហុង ចន្តា ក៏សម្រេចចិត្តដាក់ពាក្យបម្រើការងារជានារីអាកាសចរណ៍នៅក្រុមហ៊ុន Cambodia Angkor Air។

បន្ទាប់ពីការដាក់ពាក្យនៅទីនោះ ជាឱកាសល្អមួយដែលក្រុមហ៊ុន Cambodia Angkor Air បានសហការជាមួយ Viet Flight Training Center ដើម្បីផ្តល់ឱកាសដល់និស្សិតខ្មែរដែលចង់ក្លាយជាអាកាសយានិក អាចសិក្សាលើជំនាញនេះបាន។ នៅពេលឱកាសបានមកដល់ កញ្ញា​ ហុង ចិន្តា ក៏បានចុះឈ្មោះចូលរៀនវគ្គបណ្តុះបណ្តាលនៅទីនោះ ដោយកញ្ញា គឺជានិស្សិតជំនាន់ទី៣ក្នុងនាមជាកូនខ្មែរដែលបានទៅរៀនជំនាញនេះនៅវៀតណាម។

កញ្ញាបានចែករំលែកថា ជំនាញនេះ តម្រូវឱ្យមានការចេះស្ទាត់ និងទំនួលខុសត្រូវខ្ពស់ ហើយការសិក្សាវិញ គឺត្រូវសិក្សារហូត ដោយសារតែងតែមានអ្វីៗថ្មីៗច្រើន។ ចំពោះផ្នែកភាសាវិញ ប្រសិនជាចេះភាសាអង់គ្លេសស្ទាត់ជំនាញគឺជារឿងល្អ ព្រោះជាភាសាផ្លូវការ ប៉ុន្តែ ប្រសិនជាចេះភាសាផ្សេងច្បាស់ទៀតកាន់តែប្រសើរ។

បើក្រឡេកមើលពីដំណាក់កាលនីមួយៗរបស់កញ្ញា ហុង ចិន្តា មុនក្លាយជាអាកាសយានិកានេះ គឺកញ្ញាត្រូវឆ្លងកាត់វគ្គបណ្តុះបណ្តាលជាច្រើនដូចជា ទី១ គឺការដាក់ពាក្យសិក្សាវគ្គបណ្តុះបណ្តាលទ្រឹស្តីនៅប្រទេសវៀតណាមរយៈពេល៦ខែ។ សម្រាប់វគ្គសិក្សានេះ គឺសិក្សាពីបច្ចេកទេសរបស់យន្តហោះ និងសិក្សាពីអាកាសធាតុ។ ជំហានទី២. ដាក់ពាក្យចូលរៀនវគ្គបណ្តុះបណ្តាលពីការហោះហើរនៅប្រទេសហ្វីលីពីនរយៈពេល១៣ខែ ដោយវគ្គសិក្សានេះ និស្សិតមានការយល់ដឹងពីរបៀបហោះហើរ ចុះចត និងការទំនាក់ទំនងជាមួយអ្នកបញ្ជាចរាចរណ៍យន្តហោះ ជាដើម។

បន្ទាប់ពីមានការសិក្សាពីជំហាននីមួយៗហើយ គឺឈានដល់ជំហានទី៣ ជាវគ្គសិក្សាពីប្រភេទយន្តហោះនីមួយៗនៅប្រទេសកូរ៉េរយៈពេល ១ខែ ២០ថ្ងៃ។ បន្ទាប់ពីសិក្សាពីប្រភេទយន្តហោះ គឺជំហានទី៤ ត្រូវមាន Student pilot license នៅប្រទេសម៉ាឡេស៊ី ថែមទៀតផង។

ជាការគួរសម្គាល់ អាកាសយានិកជាស្ត្រី គឺកម្រមានណាស់ ជាពិសេស គឺនៅកម្ពុជាតែម្តង។ នេះ គឺជាមោទនភាពមួយរបស់កម្ពុជា ដែលកញ្ញា ហុង ចិន្តា ជាកូនខ្មែរមួយរូប ថែមទាំងជាស្រ្តីទៀតនោះ មានសមត្ថភាពខ្ពស់អាចក្លាយជាអាកាសយានិកាបែបនេះ។ ក្នុងនាមជាស្ត្រីមានសមត្ថភាពខ្លាំង កញ្ញា ហុង ចិន្តា បានផ្តាំផ្ញើដល់សាធារណជនគ្រប់រូប ជាពិសេស ស្ត្រីគ្រប់រូបថា នៅពេលដែលខ្លួនចង់ធ្វើអ្វីមួយ ឬស្រឡាញ់អ្វីមួយនោះ ចូរកុំគិតពីសម្តីរបស់អ្នកដទៃខ្លាំងពេក ប្រសិនជាស្រឡាញ់អ្វីមួយ ត្រូវធ្វើរឿងនោះឱ្យបានសម្រេច។ កញ្ញា ជឿជាក់ថា ស្រ្តី គឺមានភាពជាអ្នកដឹកនាំមិនចាញ់បុរសឡើយ ទោះបីមានកម្លាំងខ្សោយជាងបុរសមែន ប៉ុន្តែ សមត្ថភាពមិនចាញ់បុរសនោះទេ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ១១ នាទី មុន

សេតវិមានបញ្ជាក់មូលហេតុ លោក បៃដិន មិនទៅចូលរួមកិច្ចប្រជុំសន្តិភាពអ៊ុយក្រែន នៅ ស្វីស

ព័ត៌មានជាតិ២៥ នាទី មុន

រដ្ឋមន្ត្រីសុខាភិបាលណែនាំថ្នាក់ដឹកនាំ និងមន្រ្តីលើកកម្ពស់ការផ្តល់សេវាប្រកបដោយក្រមសីលធម៌ និងប្រសិទ្ធភាពខ្ពស់

ព័ត៌មានជាតិ៣៤ នាទី មុន

ឆ្នាំនេះល្ហុងមានហាងឆេងខ្ពស់ ប៉ុន្តែនៅតាមចម្ការមានងាប់ច្រើនដោយសាររលកកម្ដៅ

សន្តិសុខសង្គម១ ម៉ោង មុន

បង្រ្កាបទីតាំងកែច្នៃ និងជួញដូរគ្រឿង​ញៀន​រឹបអូសថ្នាំញៀនជាង១៦គីឡូក្រាម និងសារធាតុគីមីផ្សំជិត ៧០០គីឡូក្រាម

ព័ត៌មានអន្ដរជាតិ១ ម៉ោង មុន

អ៊ីស្រាអែល អះអាងថា ចំណាប់ខ្មាំង ៤នាក់ទៀតហើយ ស្លាប់ក្រោមដៃ ក្រុមហាម៉ាស

សន្តិសុខសង្គម១៦ ម៉ោង មុន

នាយកកំពង់ចម្លងភ្នំពេញ អរិយក្សត្រ សម្រេចបញ្ឈប់អ្នកបើកបរស្រឡាងម្នាក់ក្រោយបែកធ្លាយកាយវិការយកជើងបញ្ជាចង្កូត

ព័ត៌មានជាតិ១៨ ម៉ោង មុន

ក្រុមហ៊ុនជប៉ុន MIRARTH Green Tech នឹងសម្ពោធរោងចក្រកែច្នៃគ្រាប់ស្វាយចន្ទីនៅខេត្តកំពង់ធំ នាថ្ងៃស្អែក

សន្តិសុខសង្គម១២ ម៉ោង មុន

អគ្គិភ័យឆេះហាងលក់កាហ្វេ និងឆេះរាលដល់បន្ទប់ជួល និងអគារមួយខ្នងទៀតនៅសៀមរាប

ជីវិតកម្សាន្ដ១៧ ម៉ោង មុន

គេរិះគន់បំផ្លាញវប្បធម៌ ឯម រៀម ឆ្លើយតបថា អ្នកដៀលប្រមាថខ្លះ រកតែកងជើងអប្សរាម្ខាងដាក់តាំងផ្ទះគ្មាន

សន្តិសុខសង្គម២៤ ម៉ោង មុន

គយចល័តតំបន់៦ នៅមិនទាន់ចេញលទ្ធផលយ៉ាងណានោះទេ ពាក់ព័ន្ធការចុះដកហូតទូរស័ព្ទជាង១ពាន់គ្រឿងនៅខេត្តត្បូងឃ្មុំ

Sokha Hotels

ព័ត៌មានពេញនិយម