Connect with us

ព័ត៌មានជាតិ

ម្ទេស​ធ្លាក់​ថ្លៃ​ជិតពាក់កណ្តាល នៅ​ខេត្តបាត់ដំបង ខណៈមន្ត្រីថា​ដោយសារការលក់​វិលជុំក្នុងស្រុក

បានផុស

នៅ

កសិករ​ដាំ​ម្ទេស​នៅ​ក្នុង ឃុំ​ព្រែក​នរិន្ទ និង​ឃុំ​ព្រែក​ខ្ពប នៃ​ស្រុក​ឯកភ្នំ ដែល​កំពុង​ប្រមូល​ផល​កសិកម្ម​របស់​ខ្លួន​ បាន​ត្អូញត្អែរ​អំពី​តម្លៃ​ម្ទេស​ធ្លាក់​ចុះ នៅ​ត្រឹម ១គីឡូក្រាម ២​ ៤០០​រៀល​ប៉ុណ្ណោះ ខណៈ​ឆ្នាំ​កន្លង​ទៅ​លក់​បាន​ចន្លោះ​ពី ៥​ពាន់ ដល់ ៧ពាន់រៀល​ក្នុង​មួយ​គីឡូក្រាម។

កសិករ​ថា ការ​ធ្លាក់​តម្លៃ​ម្ទេស​យ៉ាង​គំហុក​ក្នុង​ឆ្នាំ​នេះ ដោយ​សារ​កត្តា​នាំ​ចូល​ម្ទេស​ពី​ប្រទេសថៃ និង​វៀតណាម ទើប​បង្ក​ឱ្យ​មាន​ផល​ប៉ះពាល់​ដល់​តម្លៃ​ម្ទេស​ក្នុង​ស្រុក​ ដែល​ធ្វើ​ឱ្យ​ខាត​ថ្លៃ​ដើម​ប្រឈម​និង​កម្រិត​ជីវភាព​គ្រួសារ​របស់​ពួកគាត់​បែប​នេះ​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក​ស្រី ឈឿង សម្បត្តិ បាន​និយាយ​ថា លោកស្រី​បាន​ប្រកបរបរ​ដាំ​ម្ទេស​លើ​ផ្ទៃដី​ ១​ហិកតា អស់​រយៈ​ពេលជិត ១០​ឆ្នាំមក​ហើយ ​គ្រាន់​ជា​ចំណែក​មួយ​ក្នុង​ការ​ជួយ​ជ្រុំ​ជ្រែង​សេដ្ឋកិច្ច​​គ្រួសារ​មួយ​ផ្នែក​ធំ ហើយ​រាល់​ឆ្នាំ​ក៏​មាន​តម្លៃ​សមរម្យ​ល្អ តែ​ឆ្នាំ​នេះ​តម្លៃ​ធ្លាក់​ខ្លាំង​មែន​ទែន ដែល​ធ្វើ​ឱ្យលោកស្រី​ខាត​ដើម ខណៈ​ការ​ដាំម្តងៗ​លោកស្រី​បាន​ខ្ចីបុល​លុយ​ពី​គេ​ហើយ​ការ​ដាំ​ម្ទេស​នេះ​វា​ប្រឈម​និង​ផលលំបាកសំខាន់ ៣ គឺ បើ​ធ្លាក់ភ្លៀង​ច្រើនធ្វើឲ្យផ្លែម្ទេស​ស្លោក និង​ស្អិត​ច្រើន តែ​បើក្តៅ​ពេក​ធ្វើឲ្យផ្លែ និង​ដើម​ម្ទេសស្វិត និង​រងការ​យ៉ាយី​ពី​សត្វល្អិត និង​ប្រឈម​នឹង​បញ្ហា​ទីផ្សារ​ជាដើម។

ដោយ​ឡែក​កសិករម្នាក់​ទៀត​គឺ​លោក ព្រឿង វណ្ណា ក៏​បាន​ឱ្យ​ដឹង​ដែរ​ថា លោកមាន​ដី​ទំហំ​ជិត ១​ហិកតា ដើម្បី​ជា​មធ្យោបាយ​សម្រាប់​ប្រកប​របរ​កសិកម្ម ប្រចាំ​រដូវកាល​នីមួយ​ៗ​​ទៅ​តាម​ប្រភេទ​ដំណាំ ដែល​​លោក​បាន​ដាំ ដូចជា ត្រសក់ ល្ពៅ ឪឡឹក និង​ម្ទេស​ ជា​ដើម​​។

លោក​បាន​បញ្ជាក់ដូច្នេះថា «​ឆ្នាំនេះ​ដំណាំ​ម្ទេស​ខ្ញុំជិត ១ហិកតា បើ​បូក​សរុប​​ទាំងប្រើថ្នាំ និង​ការ​ថែទាំ​ផ្សេង​ៗ ចំណាយអស់ ៦លាន​រៀល ទើប​ទទួល​ផល បែរ​ឆ្នាំនេះ​ធ្លាក់​ថ្លៃ​យ៉ាង​ខ្លាំង​ធ្វើ​ឲ្យ​ខ្ញុំខាត​ច្រើ​នណាស់ លែង​ចង់ដាំ​ហើយ​បើ​អត់ចំណេញ​ចឹង តែ​បើ​​បន្ត​ដាំ​ក៏​ខ្ញុំ​ដាំ​តិច​តួចដែរ»។

កសិករ​បាន​ត្អូញត្អែរ​ពី​តម្លៃ​ម្ទេសចុះ​ថ្លៃធ្វើ​ឱ្យប៉ះពាល់​ដល់ជីវភាព លើក​ហេតុផល​ដោយ​សារ​តែមានការនាំចូលពី​ប្រទេសថៃ និង​វៀតណាម ដែល​ធ្វើ​ឱ្យតម្លៃម្ទេសក្នុង​ស្រុក​ចុះ​ថ្លៃ​ស្ទើរ​ពាក់​កណ្ដាល គឺ​ ១​គីឡូក្រាម​លក់បានតម្លៃត្រឹម ២៤០០​រៀល បើធៀប​នឹងឆ្នាំកន្លងទៅ ដែល​ ១​គីឡូលក់​បាន​ចន្លោះ​ពី ៥ពាន់ ទៅ ៧ពាន់រៀល

យ៉ាងណាមិញ មន្ត្រី​កសិកម្ម​ខេត្ត លោក ហេង សិទ្ទ បាន​ពន្យល់​ថា ការធ្លាក់តម្លៃ​ម្ទេស​ឆ្នាំនេះ​មិន​មែន​បណ្តាល​មកពីមានការ​ចូលពីថៃ និងវៀតណាម​ទេ។ ​លោក​បញ្ជាក់ថា ម្ទេស​ឆ្នាំ​នេះបាន​នាំមកពីបណ្តាខេត្តផ្សេងៗដូចជា ខេត្ត​ពោធិ៍សាត់ កំពង់ឆ្នាំង ជាដើម ដែល​កសិករ​ដាំ​ច្រើន​ហើយ​ម្ទេស​ក៏មានគុណភាពល្អ ទើបឈ្មួញនាំចូល​ប្រជែងតម្លៃម្ទេស​ក្នុង​ខេត្ត​។ លោក​ថា ពីមួយឆ្នាំ​ទៅ​មួយឆ្នាំ​តែង​កើត​ឡើងមាន​ព្រោះ​​ជាទីផ្សារសេរី៕

អត្ថបទ៖ សៅ សារិទ្ធ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣០ វិនាទី មុន

ម្ទេស​ធ្លាក់​ថ្លៃ​ជិតពាក់កណ្តាល នៅ​ខេត្តបាត់ដំបង ខណៈមន្ត្រីថា​ដោយសារការលក់​វិលជុំក្នុងស្រុក

ព័ត៌មានជាតិ៧ នាទី មុន

បណ្ដុំអង្គការសង្គមស៊ីវិល អបអរសាទរសម្តេចតេជោ ដែលជាប់ឆ្នោតជាប្រធានព្រឹទ្ធសភា នីតិកាលទី៥

ព័ត៌មានអន្ដរជាតិ២៣ នាទី មុន

អាមេរិក បញ្ជា ណាសា ឲ្យបង្កើតល្វែងម៉ោងស្តង់ដា សម្រាប់ ឋានព្រះចន្ទ

ព័ត៌មានជាតិ២៩ នាទី មុន

ច្រកទ្វារអន្តរជាតិព្រំដែនចាំយាម កំពុងផ្តោតការយកចិត្តទុកដាក់សម្រួលបែបបទទទួលពលករខ្មែរមកពីថៃ

ព័ត៌មានជាតិ៤២ នាទី មុន

អាជ្ញាធរខេត្តកោះកុង ជឿជាក់ថា ប្រជាកសិករពង្រឹងការបង្កបង្កើនផលកសិកម្មនាំចេញទៅកាន់ទៅទីផ្សារឱ្យបានកាន់តែច្រើន

Sokha Hotels

ព័ត៌មានពេញនិយម