បណ្ដុំអង្គការសង្គមស៊ីវិល អបអរសាទរសម្តេចតេជោ ដែលជាប់ឆ្នោតជាប្រធានព្រឹទ្ធសភា នីតិកាលទី៥

ក្រុមយុវជន អង្គការ សមាគម សង្គមស៊ីវិល ក្រុមសេដ្ឋកិច្ចក្រៅប្រព័ន្ធ បានអបអរសាទរ និងបង្ហាញ
សេចក្តីសោមនស្សរីករាយឥតឧប្បមាដែល សម្ដេច ហ៊ុន សែន ប្រធានគណបក្សប្រជាជនកម្ពុជា ដែលជាប់ឆ្នោតជាប្រធានព្រឹទ្ធសភា នីតិកាលទី៥ ដោយមានសំឡេងបោះឆ្នោតគាំទ្រពីសមាជិក សមាជិកាព្រឹទ្ធសភា ចំនួន ៦២ លើ ៦២ សំឡេង ក្នុងសម័យប្រជុំដំបូងព្រឹទ្ធសភា នីតិកាលទី៥ នៅព្រឹកថ្ងៃទី៣ ខែមេសា ឆ្នាំ២០២៤នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមបណ្ដុំអង្គការស៊ីវិល ទាំងនោះ វត្តមានដ៏ខ្ពស់ខ្ពស់របស់ សម្តេច ដែលបានបូជាសាច់ស្រស់ឈាមស្រស់ដើម្បីបុព្វហេតុជាតិមាតុភូមិកន្លងមក ចំពោះការខិតខំប្រឹងប្រែងឥតឈប់ឈរទាំងយប់ទាំងថ្ងៃ បានកែប្រែមុខមាត់កម្ពុជាជាប្រវត្តិសាស្ត្រ ងើបមុខលើឆាកអន្តរជាតិ បានបង្ហាញពីភាពរីកចម្រើនលើគ្រប់វិស័យ រក្សាបាននូវសុខសន្តិភាព ឯករាជ្យភាព អធិបតេយ្យ បូរណភាពទឹកដី យ៉ាងពេញលេញ។      យ៉ាងណាមិញក្រោយបរិបទកូវីដ-១៩ ការបើកបេះដូង ទទួលការចូលចតនាវាទេសចរណ៍ Westerdam និងការរៀបចំធ្វើជាម្ចាស់ផ្ទះព្រឹត្តិការណ៍នៃការ​ប្រកួតស៊ីហ្គេម និងអាស៊ានប៉ារ៉ាហ្គេម ឆ្នាំ២០២៣ ធ្វើឱ្យពិភពលោកមានការស្ញប់ស្ងែងយ៉ាងខ្លាំងចំពោះកម្ពុជា។

ប្រទេសរីកចម្រើនអាស្រ័យអ្នកដឹកនាំល្អ  ក្រុមយុវជន អង្គការ សមាគម សង្គមស៊ីវិល ក្រុមសេដ្ឋកិច្ចក្រៅប្រព័ន្ធបានអះអាងថា ខ្លួនបានមើលឃើញយ៉ាងច្បាស់ពីវីរភាព និងមគ្គុទ្ទេសក៍ល្អឯករបស់សម្តេចអគ្គមហាសេនាបតីតេជោ ហ៊ុន សែន ក្នុងការដឹកនាំប្រទេសជាតិកន្លងមក។ ប្រទេសកម្ពុជា ពិតណាស់នៅពេលមានវត្តមាន មគ្គុទ្ទេសក៍ដឹកនាំដ៏ឧត្តុងឧត្តមម៉ឹងមាត់ដ៏សម្បូរបែបរបស់ សម្តេចអគ្គមហាសេនាបតីតេជោ ក្នុងការបន្ត ដឹកនាំនាវាជាតិមួយនេះដើម្បីឆ្ពោះទៅរកភាពរីកចម្រើននិងសម្បូរបែបលើគ្រប់វិស័យក្នុងពេលដ៏ខ្លីខាងមុខ។

ក្រុមយុវជន អង្គការ សមាគម សង្គមស៊ីវិល ក្រុមសេដ្ឋកិច្ចក្រៅប្រព័ន្ធ មានសេចក្តីសង្ឃឹមយ៉ាងមុតមាំចំពោះវត្តមាន សម្តេចតេជោ ចូលកាន់តំណែងជាប្រធានព្រឹទ្ធសភា នីតិកាលទី៥ និងជា​ប្រមុខរដ្ឋស្តីទី គឺពិតជាបានជួយសម្រួលឱ្យដំណើរការកំណែរទម្រង់នានា ជាពិសេសការ​កែទម្រង់ច្បាប់ ដើម្បីជំរុញកម្ពុជាឱ្យក្លាយជាប្រទេសមានចំណូលខ្ពស់ និងជឿនលឿនលើគ្រប់វិស័យយ៉ាងសុខសាន្ត៕