ថ្ងៃទី១៥ មានភ្ញៀវទេសចរ និងពលរដ្ឋ មកលេងកម្សាន្តនៅសង្ក្រាន្តវត្តភ្នំប្រមាណ៣០ម៉ឺននាក់

នៅក្នុងឱកាសចូលឆ្នាំថ្មីប្រពៃណីជាតិខ្មែរ ថ្ងៃទី១៥ ខែមេសា ឆ្នាំ២០២៤នេះ ចំនួនភ្ញៀវទេសចរ ក៏ដូចជាប្រជាពលរដ្ឋ មកទស្សនា និងចូលរួមលេងកម្សាន្តនៅសង្ក្រាន្តវត្តភ្នំ ប្រមាណ៣០ម៉ឺននាក់។

អ្នកនាំពាក្យរដ្ឋបាលរាជធានីភ្នំពេញ លោក ម៉េត មាសភក្ដី បានឱ្យដឹងនៅថ្ងៃទី១៦ ខែមេសានេះ ថា៖ សម្រាប់ថ្ងៃទី១៥ខែមេសា ឆ្នាំ២០២៤នេះ ចំនួនភ្ញៀវទេសចរ ក៏ដូចជាប្រជាពលរដ្ឋ មកទស្សនា និងចូលរួមលេងកម្សាន្តនៅសង្ក្រាន្តវត្តភ្នំ មានប្រមាណ៣០ម៉ឺននាក់។

គួរបញ្ជាក់ថា ចំពោះការងារសន្តិសុខ និងសណ្ដាប់ធ្នាប់សាធារណៈ នៅក្នុងឱកាសថ្ងៃចូលឆ្នាំថ្មី ថ្ងៃទី២នេះដែរ គឺពុំមានអ្វីកើតឡើងគួរឲ្យកត់សម្គាល់ឡើយ ដោយសារកម្លាំងមានសមត្ថកិច្ចបានល្បាតនៅគ្រប់ទីកន្លែង និងការពារបានយ៉ាងល្អ ដើម្បីបង្កសប្បាយភាពជូនដល់ប្រជាពលរដ្ឋនៅគ្រប់ទីកន្លែង៕

អត្ថបទ៖ ស្រីរ័ត្ន