ព័ត៌មានជាតិ
លោក ព្រាប កុល៖ អ្នកនយោបាយ «មាត់ពាំភ្លើងជើងពូកែរត់» សម រង្ស៊ី ពុំដែលផ្តល់អាទិភាពដល់ផលប្រយោជន៍រួមរបស់ជាតិ និងប្រជាពលរដ្ឋជាធំឡើយ
រដ្ឋមន្ត្រីប្រតិភូអមនាយករដ្ឋមន្ត្រី លោក ព្រាប កុល បានហៅបុគ្គល សម រង្ស៊ី ថា ជាអ្នកនយោបាយ «មាត់ពាំភ្លើងជើងពូកែរត់» ហើយតាមរយៈការប្រឆាំងនឹងគម្រោងព្រែកជីកហ្វូណន-តេជោ កាន់តែបញ្ជាក់ថា បុគ្គលនេះ ពុំដែលគិតដល់ប្រយោជន៍ជាតិជាធំឡើយ។
ការលើកឡើងបែបនេះពីលោក ព្រាប កុល គឺក្រោយមានការចោទប្រកាន់ដោយគ្មានមូលដ្ឋានពីសំណាក់បុគ្គល សម រង្ស៊ី ជុំវិញគម្រោងព្រែកជីកហ្វូណន-តេជោ ថា ជាការបម្រើឱ្យផលប្រយោជន៍ផ្នែកយោធារបស់ចិន ជាដើម។ ការចោទប្រកាន់នេះ បានផ្ទុយស្រឡោះពីការពិតនៃគោលបំណងនៃគម្រោងព្រែកជីកហ្វូណន-តេជោ ដែលសាងសង់ឡើងសម្រាប់តែបម្រើឱ្យផលប្រយោជន៍សង្គម-សេដ្ឋកិច្ចកម្ពុជា។
សំណេរនៅលើបណ្ដាញសង្គមហ្វេសប៊ុក នាថ្ងៃទី២៦ ខែមេសា ឆ្នាំ២០២៤នេះ លោក ព្រាប កុល បានរៀបរាប់ដូច្នេះ ថា៖ «ព្រោះតែគំនុំផ្ទាល់ខ្លួន គំនិតនិន្ទាឈ្នានីសលក្ខណ:ឯកជន ធ្វើឱ្យអ្នកនយោបាយ “មាត់ពាំភ្លើងជើងពូកែរត់” បានបង្ហាញឱ្យពលរដ្ឋខ្មែរឃើញកាន់តែច្បាស់ថាខ្លួនពុំដែលបានផ្តល់អាទិភាពទៅដល់ផលប្រយោជន៍រួមរបស់ជាតិ និងប្រជាពលរដ្ឋជាធំឡើយ»។
លោក ព្រាប កុល ថា អ្នកនយោបាយរូបនេះមិនល្ងង់ដល់ថ្នាក់គិតមិនឃើញអំពីអត្ថប្រយោជន៍សម្រាប់សេដ្ឋកិច្ចជាតិនៃព្រែកជីកហ្វូណន-តេជោ ដែលនឹងផ្តល់ភាពងាយស្រួល លឿនរហ័ស និងសន្សំសំចៃ សម្រាប់ការដឹកជញ្ជូនផលិតផលកសិកម្ម កសិឧស្សាហកម្ម និងគ្រប់ប្រភេទនៃមុខទំនិញផ្សេងៗទៀត ដែលជាកត្តាដ៏សំខាន់សម្រាប់ការធ្វើពាណិជ្ជកម្ម និងជាគន្លឹះសម្រាប់ការប្រកួតប្រជែងជាមួយប្រទេសជិតខាង ក៏ដូចជាការបង្កើតផ្លូវដង្ហើមដោយខ្លួនឯងលើផ្នែកដឹកជញ្ជូនតាមផ្លូវទឹក នោះទេ។
លោក សង្កត់ធ្ងន់ថា អ្នកនយោបាយមាត់ពាំភ្លើងជើងពូកែរត់ កាន់តែបង្ហាញឱ្យពលរដ្ឋខ្មែរ និងអន្តរជាតិដឹងពីផ្នត់គំនិតអគតិនិយម និងអាត្មានិយមរបស់ខ្លួន ដែលទង្វើនេះបានធ្វើឱ្យសមាជិក សកម្មជន និងសម្ព័នមិត្តរបស់ខ្លួន បានដើរចេញ ឬអ្នកខ្លះឈប់រាប់រកដោយស្ងាត់ស្ងៀម ដែលនេះជាការវិវត្តន៍ទៅរកទីបញ្ចប់នៃអនាគតនយោបាយមានតែគោលដៅ តែខ្វះយុទ្ធវិធីស៊ីអារម្មណ៍របស់ខ្លួន។
ជាមួយគ្នានេះ លោក ព្រាប កុល ក៏បានអំពាវនាវឱ្យជនរួមជាតិនាំគ្នាឈរពីក្រោយរាជរដ្ឋាភិបាលគាំទ្រការសាងសង់ព្រែកជីកហ្វូណនតេជោដ៏ធំជាងគេ និងជាប្រវត្តិសាស្ត្រសម្រាប់កម្ពុជា ដើម្បីផលប្រយោជន៍ជាតិ និងប្រជាជនកម្ពុជា៕
-
ជីវិតកម្សាន្ដ២ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៤ ថ្ងៃ ago
គេហទំព័រ Weather៖ សប្តាហ៍នេះ កម្ពុជា នឹងក្តៅខ្លាំង ឈានដល់កម្រិតគ្រោះថ្នាក់ ៤០អង្សាសេ
-
សន្តិសុខសង្គម១ សប្តាហ៍ ago
មកដឹងពីចម្លើយសារភាពរបស់ជនដៃដល់ដែលចាក់សម្លាប់នារីរងគ្រោះក្នុងបុរីឈូកវ៉ា២
-
ព័ត៌មានជាតិ៣ ថ្ងៃ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ៤ ថ្ងៃ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
សេចក្ដីជូនដំណឹង៣ ថ្ងៃ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល
-
សេចក្ដីជូនដំណឹង៤ ថ្ងៃ ago
ចូលឆ្នាំខ្មែរបានសប្បាយជួបជុំហើយ បានទាំងរង្វាន់ពីគ្រុឌឈ្នះផ្អើលពេញភូមិ
-
ព័ត៌មានជាតិ៤ ថ្ងៃ ago
ចុងខែមិថុនា កម្ពុជានឹងមានភូមិខ្មែរលើដីជប៉ុន ហើយមានការដាក់បង្ហាញការដាំដំណាំខ្មែរ