ព័ត៌មានជាតិ
សម្តេចតេជោ ជឿថា គោលដៅ១ពាន់លានដុល្លារនៃពាណិជ្ជកម្មជាមួយតួកគី អាចសម្រេចបានឆាប់ៗ
ការដាក់គោលដៅ១ពាន់លានដុល្លារនៃការដោះដូរទំនាក់ទំនងពាណិជ្ជកម្មរវាងកម្ពុជា និងតួកគី នឹងអាចសម្រេចទៅបាន នាពេលខាងមុខឆាប់ៗ។ នេះជាក្ដីរំពឹងប្រកបដោយភាពជឿជាក់របស់សម្ដេចតេជោ ហ៊ុន សែន ប្រធានព្រឹទ្ធសភាកម្ពុជា ចំពោះមុខឯកអគ្គរដ្ឋទូតតួកគីប្រចាំនៅកម្ពុជា។
នាព្រឹកថ្ងៃទី២៩ ខែមេសា ឆ្នាំ២០២៤ សម្ដេចតេជោ ហ៊ុន សែន ប្រធានព្រឹទ្ធសភានៃកម្ពុជា បានអនុញ្ញាតឱ្យលោកស្រី ÜLKÜ KOCAEFE ឯកអគ្គរដ្ឋទូតតួកគីប្រចាំកម្ពុជា ចូលជួបសំដែងការគួរសម និងពិភាក្សាការងារ។ ក្នុងជំនួបនៅវិមានព្រឹទ្ធសភានេះ លោកស្រី ឯកអគ្គរដ្ឋទូតតួកគី បានសម្ដែងក្តីរីករាយ ដែលឃើញទំនាក់ទំនងរវាងកម្ពុជា និងទួកគី មានការរីកចម្រើនជាលំដាប់ ក្នុងនោះ មានការបើកការិយាល័យពាណិជ្ជកម្ម ថ្វីត្បិតតែទំហំពាណិជ្ជកម្មមានទំហំតូចក៏ដោយ។
លោកស្រី ឯកអគ្គរដ្ឋទូត បញ្ជាក់ថា ប្រទេសទាំងពីរ ក៏បានឯកភាពគ្នាក្នុងការជំរុញទំហំពាណិជ្ជកម្មនេះឱ្យកើនដល់ ១ពាន់លានដុល្លារផងដែរ នាពេលខាងមុខ ក៏ដូចជាបង្កើនទំនាក់ទំនងកាន់តែច្រើនឡើងរវាងប្រជាជន និងប្រជាជន។
ជុំវិញទំនាក់ទំនងពាណិជ្ជកម្មនេះ សម្ដេចតេជោ ហ៊ុន សែន បានប្រាប់ទៅកាន់លោកស្រី ÜLKÜ KOCAEFE ឯកអគ្គរដ្ឋទូតនតួកគី ថា ទំហំពាណិជ្ជកម្មរវាងកម្ពុជា និងតួកគី គឺនៅតូចនៅឡើយ ដែលពុំទាន់សក្តិសមទៅនឹងសក្តានុពលដែលប្រទេសទាំងពីរមាន។ ក៏ប៉ុន្តែ សម្តេច ជឿជាក់ថា គោលដៅ ១ពាន់លានដុល្លារនៃការផ្លាស់ប្តូរពាណិជ្ជកម្មរវាងទាំងពីរអាចសម្រេចបាននាពេលខាងមុខ។ ដោយឆ្នាំនេះ គឺជាខួបលើកទី៦៥ នៃទំនាក់ទំនងការទូតរវាងប្រទេសទាំងពីរ សម្ដេចតេជោ បានលើកជាយោបល់ឱ្យស្ថាប័នទាំងពីរគួរតែមានកម្មវិធីឱ្យច្រើន ដើម្បីរំលឹកខួបទំនាក់ទំនងនេះ ក៏ដូចជាដើម្បីពង្រឹងពង្រីកដល់ទំនាក់ទំនង និងកិច្ចសហប្រតិបត្តិការបន្ថែមទៀត។
ទាក់ទងទៅនឹងការហោះហើរត្រង់ពីតួកគីមកកម្ពុជា លោកស្រី ឯកអគ្គរដ្ឋទូត បានជម្រាបជូនសម្ដេចតេជោ ថា ក្រុមហ៊ុនអាកាសចរណ៍តួកគី គ្រោងនឹងពង្រីកការហោះហើរមកកម្ពុជា នាពេលខាងមុខ ហើយសង្ឃឹមថា ការភ្ជាប់ទំនាក់ទំនងនេះ នឹងធ្វើឲ្យទំនាក់ទំនងរវាងប្រជាជន និងប្រជាជន ទេសចរណ៍មានការកើនឡើងបន្ថែមទៀត។
ជាការឆ្លើយតប សម្ដេចតេជោ បញ្ជាក់ថា តាមរយៈការពង្រីកជើងហោះហើរត្រង់ពីតួកគីមកកម្ពុជានេះ នឹងអាចធ្វើឱ្យទេសចរណ៍ពីប្រទេសជិតខាងតួកគី យកប្រទេសតួកគីជាកន្លែងចាប់ផ្ដើមធ្វើដំណើរមកកាន់ប្រទេសកម្ពុជាកម្ពុជាផងដែរ៕
-
ជីវិតកម្សាន្ដ២ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ជីវិតកម្សាន្ដ៥ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ២ ថ្ងៃ ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ១ សប្តាហ៍ ago
គេហទំព័រ Weather៖ សប្តាហ៍នេះ កម្ពុជា នឹងក្តៅខ្លាំង ឈានដល់កម្រិតគ្រោះថ្នាក់ ៤០អង្សាសេ
-
ព័ត៌មានជាតិ៦ ថ្ងៃ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ២ ថ្ងៃ ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
ព័ត៌មានជាតិ៧ ថ្ងៃ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
សេចក្ដីជូនដំណឹង៦ ថ្ងៃ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល