ព័ត៌មានជាតិ

អាជ្ញាធរខណ្ឌដង្កោបន្តចុះចែកម៉ាស និងផ្សព្វផ្សាយដល់ប្រជាពលរដ្ឋអំពីវិធានការបង្ការទប់ស្កាត់នូវការរីករាលដាលនៃជំងឺកូវីដ១៩

បានផុស

៥ years មុន

នៅ

ថ្ងៃសុក្រ ២៦ កុម្ភៈ ២០២១

ដោយ

ក្នុងរយះពេលនេះសង្កេតឃើញថា រាជរដ្ឋាភិបាលកម្ពុជា ក៏ដូចជាក្រសួងសុខាភិបាល នៃព្រះរាជា ណាចក្រកម្ពុជា កំពុងតែខិតខំប្រឹងប្រែងបើកយុទ្ធនាការប្រយុទ្ធប្រឆាំងជំងឺកូវីដ១៩ ពីព្រោះថា ជំងឺដ៏សាហាវមួយនេះ កំពុងរីករាលដាលយ៉ាងធ្ងន់ធ្ងរចូលទៅដល់សហគមន៍។

កត្តាទាំងនេះហើយដែលធ្វើអាជ្ញាធរគ្រប់លំដាប់ថ្នាក់ បាននឹងកំពុងចុះជាប់ជាប្រចាំជាមួយបងប្អូន ប្រជាពលរដ្ឋនៅតាមមូលដ្ឋានរៀងៗខ្លួន ដើម្បីធ្វើការណែនាំ អប់រំ និងចែកម៉ាសទៅដល់ពួកគាត់ ក្នុងការបង្ការទប់ស្កាត់នូវការរីករាលដាលនៃជំងឺកូវីដ១៩ មិនឲ្យឆ្លងបន្តកាន់តែធ្ងន់ធ្ងរនៅក្នុងសហគមន៍បន្តទៀត ។

យ៉ាងមិញនៅក្នុងមូលដ្ឋានខណ្ឌដង្កោ រាជធានីភ្នំពេញ អាជ្ញាធរក៏កំពុងមមាញឹក ក្នុងការចុះតាមមូលដ្ឋានគ្រប់ច្រកល្ហក ដើម្បីចែកម៉ាសទៅដល់បងប្អូនប្រជាពលរដ្ឋ ក៏ដូចជាធ្វើការណែនាំ អប់រំ ទៅដល់ពួកគាត់ ក្នុងការអនុវត្តនូវវិធានការនានារបស់រាជរដ្ឋាភិបាល ជាពិសេសក្រសួងសុខាភិបាល តែងតែផ្សព្វផ្សាយ អប់រំ ណែនាំ ឲ្យបងប្អូនប្រជាពលរដ្ឋទាំងអស់មានការសំអាត លាងដៃ ជាមួយសាប៊ូ ឬ ជែល អាល់កុល និងពាក់ម៉ាសជាប់ជាប្រចាំ ជាពិសេសត្រូវរក្សាឲ្យបាននូវគម្លាតសង្គមចាប់ពី១ ម៉ែត្រកន្លះឡើងទៅ ។

សកម្មភាពប្រយុទ្ធប្រឆាំងទៅនឹងជំងឺកូវីដ១៩ របស់អាជ្ញាធរខណ្ឌដង្កោ ក្រោមការគ្រប់គ្រងពី លោកស្រី គឹម ញឹប អភិបាល នៃគណអភិបាលខណ្ឌដង្កោ គឺចាប់ផ្តើមតាំងពីសហគមន៍២០កុម្ភៈ ២០២១មកម្ល៉េះ ។ ចាប់ពីពេលនោះមក មន្ត្រីអាជ្ញាធរខណ្ឌដង្កោ រួមជាមួយអាជ្ញាធរសង្កាត់ទាំងអស់ បន្តចុះធ្វើការអប់រំ ណែនាំ និងចែកម៉ាសជូនទៅដល់បងប្អូនប្រជាពលរដ្ឋ ចាស់ ក្មេង ប្រុស ស្រី ដោយមិនប្រកាន់និន្នានយោបាយពណ៌សម្បុរ ឬ ពូជសាសន៍អ្វីឡើយ ៕

អត្ថបទ ៖ រ៉ាវុទ្ធ