ព័ត៌មានជាតិ
ប្រធានក្រុមផលិតដូងខ្ទិះបាត់ដំបងបង្ហើបប្រាប់ ដូងខ្ទិះខេត្តបាត់ដំបង កំពុងប្រឈមបញ្ហាធំ ២
បើតាមការបញ្ជាក់ពីលោក ឡា ខេមរា ប្រធានក្រុមអ្នកផលិត និងអាជីវករដូងខ្ទិះនៅក្នុងខេត្តបាត់ដំបងបានឱ្យ «កម្ពុជាថ្មី» ដឹងថា ទីផ្សារដូងខ្ទិះនៅក្នុងសហគមន៍កំពុងប្រឈមបញ្ហាធំ ២ ទី១ គឺការនាំចូលដូងខ្ទិះពីប្រទេសជិតខាង(ថៃ) មានចំនួនច្រើនពេក និងទី២ ការខ្វះខាតដូងក្នុងស្រុកមិនគ្រប់តាមតម្រូវការទីផ្សារ។
លោក ឡា ខេមរា បានលើកឡើងថា បើនិយាយពីទីផ្សារមានភាពល្អប្រសើរ ប៉ុន្តែឆ្នាំនេះដោយសារប្រឈមនឹងបញ្ហាអាកាសធាតុមិនសូវអំណោយផល បានធ្វើទិន្នផលដូងមានការធ្លាក់ចុះមិនសូវផ្លែដូចឆ្នាំមុន។
បញ្ហាមួយទៀត ដោយសារតែមានការនាំចូលដូងខ្ទិះពីប្រទេសជិតខាង(ថៃ) ធូរថ្លៃជាងដូងនៅក្នុងស្រុក ដោយដូងនាំចូលលក់ត្រឹមតម្លៃ ១៥ ០០០ រៀលប៉ុណ្ណោះក្នុងមួយផ្លែ ខុសប្លែកពីដូងក្នុងស្រុក លក់ក្នុងតម្លៃចន្លោះពី ៣ ម៉ឺនរៀល ដល់ ៤៥ ០០០ រៀលក្នុងមួយផ្លែ។
លោក ឡា ខេមរា បានគូសបញ្ជាក់ថា «កាលពីកំឡុងខែសម្បូរដូង ចន្លោះពីខែមករា ដល់មីនា អាចលក់បានក្នុងតម្លៃខ្ពស់ ប៉ុន្តែនៅពេលដូងថៃចូលមកច្រើន ធ្វើឱ្យតម្លៃដូងខ្ទិះក្នុងស្រុកមានការធ្លាក់ថ្លៃយ៉ាងខ្លាំង ស្របពេលខាងសមាគមក៏ខ្វះខាតដូងដើម្បីផ្គត់ផ្គង់នៅលើទីផ្សារ»។
តាមរយៈការនាំចូលដូងពីខាងក្រៅប្រទេស បានធ្វើឱ្យទីផ្សារដូងខ្ទិះនៅក្នុងស្រុកប្រឈមខ្លាំង ប៉ុន្តែប្រធានក្រុមផលិតអះអាងថាក៏គ្មានដំណោះស្រាយ ដោយសារនៅក្នុងស្រុកក៏ខ្វះខាតដូងខ្ទិះដើម្បីផ្គត់ផ្គង់តាមតម្រូវការអ្នកទិញដូចគ្នា។
យ៉ាងណាមិញ បើតាមប្រធានក្រុមផលិតដូងខ្ទិះបាត់ដំបង ទោះបីបច្ចុប្បន្នមិនមានដូងគ្រប់គ្រាន់មែន ប៉ុន្តែខាងសហគមន៍នៅតែអាចផ្គត់ផ្គង់លើទីផ្សារបានដដែល គ្រាន់តែមានការថយចុះ ដោយកាលពីមុនអាចផ្តល់លើទីផ្សារបានក្នុង ១ខែចន្លោះពី ៥០០ ដូង ទៅ ១ពាន់ដូង បច្ចុប្បន្នធ្លាក់មកនៅត្រឹម ២០០ដូង ទៅ ៣០០ដូង ក្នុង ១ខែ។ ក្នុងនោះការលក់គិតតាមទំហំដូង តាមតូច ធំ ចន្លោះពី ១៥ ០០០ រៀល ទៅ ២ ម៉ឺនរៀល ខុសពីកាលមុនទោះដូងតូច ឬធំ បែបណាក៏អាចលក់បានក្នុងតម្លៃយ៉ាងហោចណាស់ ៣ ម៉ឺនរៀលក្នុងមួយផ្លែ។
ពាក់ព័ន្ធនឹងបញ្ហានាំចូលដូងពីខាងក្រៅនេះប្រធានសមាគមអ្នកផលិតដូងខ្ទិះខេត្តបាត់ដំបងក៏ស្ទើរសុំឱ្យក្រសួងពាក់ព័ន្ធជួយទប់ស្កាត់ឱ្យបាននៅការបន្តនាំចូលពីខាងក្រៅទៀត ព្រោះថាបច្ចុប្បន្នដូងកំពុងផ្លែផ្កាច្រើន ដែលនឹងហុចផលមកវិញ ចន្លោះខែវិច្ឆិកាខាងមុខនេះ ហេតុដូចនេះនឹងអាចធ្វើឱ្យប្រជាកសិករពិបាកនៅក្នុងការធ្វើទីផ្សារ ប្រសិនបើដូងខាងក្រៅនៅតែមានការនាំចូលជាហូរហែបែបនេះ៕
នាយកដ្ឋានប្រឆាំងការជួញដូរមនុស្ស និងការពារអនីតិជន ចុះបង្ក្រាបទីតាំង ១ កន្លែង ឃាត់ខ្លួនជនបរទេសជាច្រើននាក់
ថៃ ជំរុញឲ្យអន្តរជាតិ ដាក់សម្ពាធលើកម្ពុជា ទាំងដែលអះអាងថា ទាហានខ្លួនជាន់មីនលើដីខ្លួនឯង
អ្នកនាំពាក្យ៖ កងទ័ពថៃបើកការបាញ់ប្រហារមកលើកងទ័ពកម្ពុជាមុននៅព្រំដែនខេត្តឧត្តរមានជ័យ
វៀតណាមកំពុងរងគ្រោះធ្ងន់ធ្ងរដោយសារព្យុះវីពផា
លោក ហ៊ុន ច័ន្ទរាជ្យ៖ ចេញទៅផ្សព្វផ្សាយពីកម្ពុជា និងគុនខ្មែរ ដូចគេដែរ ប៉ុន្តែវាសនាខុសគ្នា
ថៃ ប្រើលេសចំនួន២ ដើម្បីបញ្ជូនកម្លាំងបន្ថែមមកកាន់តំបន់រសើបនៅព្រំដែនជាប់កម្ពុជា
ថៃធ្វើបាន! សូម្បីម៉ូដសក់យុវជនខ្មែរ ក៏ថៃអះអាងថា ជារបស់ខ្លួនដែរ
តុលាការថៃ សម្រេចដាក់ពន្ធនាគារទាហាន ២ រូបដែលវាយសម្លាប់កូនទាហានខ្លួនឯង
កងទ័ពអ៊ុយក្រែនបាត់បង់យន្តហោះចម្បាំងបារាំង«Dassault Mirage 2000» លើកដំបូង
លោក សេង ភក្តី ពីអ្នកធ្វើការផ្នែក HR ក្លាយជាអ្នកផលិតមាតិកាកីឡាដ៏ល្បី
-
ព័ត៌មានអន្ដរជាតិ៤ ថ្ងៃ agoព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
-
ព័ត៌មានអន្ដរជាតិ២ ថ្ងៃ agoរដ្ឋមន្ត្រីអប់រំថៃ ស្លៀកខោខូវប៊យរហែកជង្គង់ ពេលធ្វើគណអធិបតីអង្គប្រជុំ ត្រូវគេរិះគន់ពេញប្រទេស
-
ព័ត៌មានជាតិ៥ ថ្ងៃ agoអគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
-
ព័ត៌មានអន្ដរជាតិ៣ ថ្ងៃ agoមេភូមិភាគ២ថៃ ប្រកាសលែងចាំស្តាប់បញ្ជារដ្ឋាភិបាលក្រុងបាងកកទៀតហើយ រឿងឆ្លើយតបជាមួយកម្ពុជា
-
បច្ចេកវិទ្យា១ សប្តាហ៍ agoOPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានអន្ដរជាតិ១ ថ្ងៃ agoថៃ បាក់មុខមិនស្ទើរ ក្នុងកិច្ចប្រជុំជាមួយអនុព័ន្ធយោធាអន្តរជាតិ ស្តីពីបញ្ហាទាហានខ្លួនជាន់មីន
-
ព័ត៌មានជាតិ២ ថ្ងៃ agoកម្ពុជាប្រាប់ថៃឱ្យបញ្ឈប់រាល់សកម្មភាពឯកតោភាគីនៅក្នុងតំបន់ជម្លោះ
-
ព័ត៌មានជាតិ៣ ថ្ងៃ agoអាជ្ញាធរស្នើអ្នកបត់ជើងតូចនៅជិតច្រកចេញមុខប្រលានយន្តហោះ ចូលខ្លួនសុំទោសជាសាធារណៈ