ព័ត៌មានជាតិ

ស្ត្រីម្នាក់ជិះតាក់ស៊ីចេញពីខេត្តព្រះសីហនុទៅខេត្តសៀមរាប វិជ្ជមានកូវីដ១៩

បានផុស

៥ years មុន

នៅ

ថ្ងៃអង្គារ ៩ មីនា ២០២១

ដោយ

សមត្ថកិច្ចបានឲ្យដឹងថា ដោយទទួលបានព័ត៌មានពីសមត្ថកិច្ចខេត្តព្រះសីហនុ ថាស្ត្រីម្នាក់ធ្វើការនៅខេត្តព្រះសីហនុ បានជិះតាក់ស៊ីមកពីខេត្តព្រះសីហនុ មកខេត្តសៀមរាប សមត្ថកិច្ចក៏បានចុះសម្ភាសន៍និងនាំខ្លួនស្ត្រីខាងលើមកពិនិត្យសំណាកនិងធ្វើចត្តាឡីស័កនៅសាលាគរុកោសល្យ ដើម្បីរកមេរោគ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចបញ្ចាក់ថា នៅព្រឹកថ្ងៃទី៨ ខែមីនាឆ្នាំ២០២១ កម្លាំងសមត្ថកិច្ចឃុំសំរោងយា ស្រុកពួក បានចុះទៅដល់ផ្ទះ ឈ្មោះ ហ៊ន់ ស៊ីនឿត ភេទស្រីអាយុ៣២ ឆ្នាំនៅភូមិព្រៃវែង ឃុំសំរោងយា ស្រុកពួក ខេត្តសៀមរាប ដែលទើបតែមកពីធ្វើការនៅខេត្តព្រះសីហនុ បានឲ្យដឹងថា នៅថ្ងៃទី៦ខែមីនាឆ្នាំ២០២១ វេលាម៉ោង១១យប់ ឈ្មោះ ហ៊ន់ ស៊ីនឿត បានជិះឡានតាក់ស៊ីប្រភេទកាំម៉ារីពណ៌លឿងពុំស្គាល់ម៉ាកនិងផ្លាកលេខទេ ចេញពីកំពង់សោម មកដល់ភ្នំពេញម៉ោង៥ទៀបភ្លឺ ហើយសម្រាកដល់ម៉ោង១០ព្រឹកថ្ងៃទី៧ ខែមីនាទើបឡើងឡានកាប់ពីតូលដល់សៀមរាបម៉ោង១៧និង៣០នាទីល្ងាចហើយបានជិះម៉ូតូកង់បី(ផាសអាប់)ពុំស្គាល់ម្ចាស់ ជូនមកដល់មុខផ្សារពួកក៏បានទូរស័ព្ទហៅបងស្រីឈ្មោះ ហ៊ន់ ស៊ីណាន អាយុ៣៤ឆ្នាំនៅភូមិឃុំជាមួយគ្នាទៅយកមុខផ្សារពួកដោយបងពុំបានពាក់ម៉ាស់ទេ ពាក់តែមួកសុវត្តិភាព ឯឈ្មោះ សី នឿត ពាក់ម៉ាស។ ពេលមកដល់ផ្ទះដើរចូលផ្ទះនៅតែម្នាក់ឯងពុំបាននៅជួបជុំជាមួយម្ដាយឪពុកបងប្អូនកូនចៅទេ។ ចំណែកឈ្មោះ ហ៊ុន ស៊ីណានពេលដែលដឹកប្អូនមកដល់ផ្ទះបានទៅរស់នៅជាមួយក្រុមគ្រួសារជាធម្មតានិងព្រឹកថ្ងៃទី៨ខែមីនាឆ្នាំ២០២១ រូបគាត់បានទៅលើកជំនួនភ្លេងការមួយរោងដោយពុំបានពាក់ម៉ាស់ទេ។

បច្ចុប្បន្នស្ត្រី២នាក់បងប្អូនត្រូវបានសមត្ថកិច្ចនិងក្រុមគ្រូពេទ្យនាំខ្លួនមកធ្វើចត្តាឡីស័កនៅសាលាគរុកោសល្យខេត្ត។ ឯអ្នកប៉ះពាល់ផ្ទាល់និងប្រយោលចំនួនជិត១៧នាក់ត្រូវបានធ្វើចត្តាឡីស័កនៅសាលាបឋមសិក្សាដូនស្វា ឃុំសំរោងយា ស្រុកពួក។

យ៉ាងនេះក្តី គេបានដឹងថា ស្ត្រីឈ្មោះ ហ៊ន់ ស៊ីនឿត ភេទស្រីអាយុ៣២ ឆ្នាំដែលមកពីខេត្តព្រះសីហនុ មានមេរោគកូវីដ១៩៕

អត្ថបទ ៖ កុសល