ព័ត៌មានជាតិ
ខេត្តរតនគិរី មានរោងចក្រកែច្នៃម្សៅមីមួយកន្លែង អាចផលិត ១.២០០ តោន/២៤ម៉ោង
ក្រៅពីសហគ្រាសតូចធំជាង ២០០ កន្លែង ខេត្តរតនគិរីមានការវិនិយោគសាងសង់រោងចក្រកែច្នៃម្សៅមីសម្រាប់នាំចេញទៅក្រៅប្រទេស។
ជាខេត្តស្ថិតនៅភាគឦសានមានចម្ងាយជាង ៥៨៨ គីឡូម៉ែត្រពីរាជធានីភ្នំពេញ ដែលសំបូរជនជាតិភាគតិចរស់នៅ ខេត្តរតនគិរីមានធនធានធម្មជាតិដ៏សំបូរបែបសម្រាប់ការទាក់ទាញការវិនិយោគ។ ក្រៅពីរោងចក្រម្សៅមីដែលកំពុងដំណើរការផ្តល់ការងាររាប់រយកន្លែងដល់ពលរដ្ឋក្នុងស្រុក ខេត្តរតនគិរីក៏មានក្រុមហ៊ុនសម្បទានដីសេដ្ឋកិច្ចជាច្រើនក្រុមហ៊ុនកំពុងវិនិយោគក្នុងខេត្ត។

ស្ថានភាពទូទៅនៃភូមិសាស្ត្រខេត្តរតនគិរី
រដ្ឋបាលដែនដីខេត្តចែកជា ០១ ក្រុង ០៨ស្រុក ៤៦ឃុំ ០៤ សង្កាត់ និង២៤៣ភូមិ មានផ្ទៃដីសរុប ១០.៧៨២គីឡូម៉ែត្រក្រឡា។
ភូមិសាស្រ្តខេត្តខាងលិចជាប់នឹងខេត្តស្ទឹងត្រែង ខាងកើតជាប់នឹងខេត្តយ៉ាឡាយ និងខេត្តកន្ទុម នៃសាធារណរដ្ឋសង្គមនិយមវៀតណាមប្រវែង ២១០គ.ម ខាងជើងជាប់នឹងខេត្តអត្តពឺនៃសាធារណរដ្ឋប្រជាធិបតេយ្យប្រជាមានិតឡាវប្រវែង ១៦៥គ.ម និងខាងត្បូងជាប់នឹងខេត្តមណ្ឌលគិរី។
ខេត្តមានច្រកទ្វារអន្តរជាតិមួយគឺច្រកទ្វារអូរយ៉ាដាវជាមួយប្រទេសវៀតណាម។
ជាតំបន់ ខ្ពង់រាបសម្បូរភ្នំ ជ្រោះជ្រលងដងអូរ និងព្រៃឈើគ្រប់ប្រភេទ ខេត្តរតនគិរីមានទន្លេឆ្លងកាត់ចំនួន ០២ គឺទន្លេសេសាន និងទន្លេស្រែពក។

ស្ថានភាពប្រជាសាស្ត្រ
ផ្អែកតាមទិន្នន័យក្នុងឆ្នាំ២០២២. ប្រជាជនសរុបក្នុងខេត្តមានចំនួន ២២៧.២២៧នាក់ ក្នុងនោះស្ត្រីមានចំនួន ១១១.៨៧៣ នាក់ ស្មើ៤៩,១៣%។ អត្រាកំណើនប្រជាជនប្រចាំឆ្នាំស្មើ ២,០៣% ទំហំគ្រួសារជាមធ្យម ៤នាក់/ គ្រួសារ និងដង់ស៊ីតេប្រជាពលរដ្ឋ ១៩នាក់/គម២។ ចំណែកជនជាតិដើមភាគតិចមាន ៨ អម្បូរ ស្មើ ៥៦,៨៦% នៃប្រជាពលរដ្ឋសរុប។
អត្រាគ្រួសារមានមុខរបរធ្វើកសិកម្មជាចម្បងមានចំនួន ៨២,៤% គ្រួសារមានមុខរបរធ្វើសិប្បកម្មជាចម្បង ចំនួន ០,៧% គ្រួសារមានមុខរបរសេវាកម្មជាចម្បងចំនួន ១៦,៩%។
ផលិតផលក្នុងស្រុក(GDP) សរុបសម្រាប់មនុស្សម្នាក់ឆ្នាំ២០១៨ ចំនួន ១.២៣៨ ដុល្លា/នាក់ ដល់ឆ្នាំ ២០១៩ ចំនួន ១.៣៦៤ដុល្លា/នាក់ មានកំណើនប្រចាំឆ្នាំ៨%។

វិស័យហេដ្ឋារចនាសម្ព័ន្ធ៖
ផ្លូវជាតិពីភ្នំពេញទៅទីរួមខេត្តរតនគិរីមានប្រវែងសរុប ៥៨៨ គ.ម និងកំណាត់ផ្លូវជាតិក្នុងខេត្តមាន ផ្លូវជាតិលេខ ៧៦ (ប្រវែង ៦០.៧៣ គម) ផ្លូវជាតិលេខ ៧៨ (ប្រវែង ១២៥.៥៤ គម) ផ្លូវជាតិលេខ ៧៨-៥ (ប្រវែង ១៩១ គម) និងផ្លូវជាតិលេខ ៧៨សេ (ប្រវែង ៦០.៦៣ គម)។
វិស័យអភិវឌ្ឍន៍ជនបទ
ទស្សនវិស័យរបស់រាជរដ្ឋាភិបាលកម្ពុជា បានកំណត់ឆ្នាំ២០២៥ ប្រជាពលរដ្ឋនៅសហគមន៍ជនបទ ត្រូវមានការផ្គត់ផ្គង់ទឹកស្អាត និងអនាម័យគ្រប់គ្រាន់ និងរស់នៅក្នុងបរិស្ថានដែលមានអនាម័យ ប្រកបដោយនិរន្តរភាពដែលក្នុងនោះបច្ចុប្បន្ន៖
-អត្រាគ្របដណ្ដប់ទឹកស្អាតទូទាំងខេត្តមានចំនួន ៧១,៧៦% កើនឡើង ១៤,១៦% ធៀបនឹងឆ្នាំ ២០១៨ មានត្រឹម ៥៧,៦០%
– អត្រាអនាម័យជនបទ គ្របដណ្តប់ទូទាំងខេត្ត ៦០% កើនឡើង ២១% បើធៀបនឹងឆ្នាំ២០១៨ មានត្រឹម ៣៩%
– ផ្ទះដែលមានបង្គន់អនាម័យប្រើប្រាស់សរុបចំនួន ២៣,៧៧៤ ខ្នងផ្ទះនៃខ្នងផ្ទះសរុបចំនួន ៤៥.៨៤ ០ខ្នង ស្មើនឹង ៥១,៨៦%។
– ភូមិដែលបានបញ្ឈប់ការបន្ទោរបង់ពាសវាលពាសកាល (ODF) ចំនួន ៥៥ ភូមិ ស្មើនឹង ៧ឃុំ និង ១ស្រុក។

ថាមពលអគ្គិសនី
គិតត្រឹមឆ្នាំ២០២២ ប្រភពអគ្គិសនីផ្គត់ផ្គង់ក្នុងខេត្តមានចំនួន ៤ (អនុស្ថានីយតាអង វារីអគ្គិសនីអូរជុំ វារីអគ្គិសនីសេសានក្រោម២ និងពីប្រទេសវៀតណាម) ដែលគ្របដណ្តប់ចំនួន ២៣១/ ២៤៣ ភូមិ ស្មើនឹង ៩៥,៦%។

អាកាសចរណ៍
ព្រលានយន្តហោះថ្នាក់ខេត្តបានផ្អាកដំណើរការ។
វិស័យកសិកម្ម រុក្ខាប្រមាញ់ និងនេសាទ
វិស័យកសិកម្ម ត្រូវបានចាត់ទុកជាវិស័យអាទិភាព ក្នុងការលើកកម្ពស់សេដ្ឋកិច្ចរបស់ប្រជាពលរដ្ឋ ដោយអត្រាមុខរបរពឹងផ្អែកលើវិស័យកសិកម្មនៅក្នុងខេត្តមានចំនួន ៨១,១០% នៃប្រជាជនសរុប ហើយអត្រានេះមានការប្រែប្រួលតិចបំផុត។
ការវិនិយោគ
នៅក្នុងខេត្តមានរោងចក្រកែច្នៃម្សៅមី ១ កន្លែង ដែលមានសមត្ថភាពផលិតបាន ១.២០០តោន/២៤ម៉ោង (គិតជាម្សៅពី ៣០០ តោន) និងមានក្រុមហ៊ុនវិនិយោគសម្បទានដីសេដ្ឋកិច្ចគិតត្រឹមឆ្នាំ ២០២២ មានចំនួន ២៧ ក្រុមហ៊ុន។
សហគសធុនតូច នឹងមធ្យម
សហគ្រាសធុនតូច និងមធ្យម (SME) ត្រូវបានចាត់ទុកថាជាក្បាលម៉ាស៊ីននៃកំណើនសេដ្ឋកិច្ច ដោយបានរួមចំណែកក្នុងការអភិវឌ្ឍសេដ្ឋកិច្ច និងបង្កើតការងារក្នុងមូលដ្ឋាន។
នៅឆ្នាំ២០១៨ នៅក្នុងខេត្តមានសហគ្រាសធុនតូច និងមធ្យម ចំនួន ១៧៧ មូលដ្ឋាន មានកម្លាំងពលកម្មចំនួន ៩៣១នាក់ ដើមទុនសរុប ៤.៨០៦.៨៩៤ លានដុល្លារអាមេរិច និងនៅឆ្នាំ២០២២ មានចំនួន ២០១ មូលដ្ឋាន (កើនឡើង ២៤ មូលដ្ឋាន) មានកម្លាំងពលកម្ម ចំនួន ១.០៤៧នាក់ ដើមទុនសរុប ៦.៦៨១.៣៩៨ដុល្លារអាមេរិច។
វិស័យទេសចរណ៍
រមណីយដ្ឋានទេសចរណ៍ក្នុងខេត្តរតនគិរីមានចំនួន ៣០ កន្លែង ក្នុងនោះរួមមាន រមណីយដ្ឋានធម្មជាតិចំនួន ២០ កន្លែង រមណីយដ្ឋានវប្បធម៌ធម្មជាតិចំនួន ០២ កន្លែង និងកែច្នៃចំនួន ០៨ កន្លែង និងសារមន្ទីរ ០១ កន្លែង។

រមណីយដ្ឋានធម្មជាតិមានដូចជា (បឹងយក្សឡោម,ទឹកជ្រោះអូរស៊ិនលែរ៍,ទឹកធ្លាក់កាទៀង, ទឹកធ្លាក់ចាអ៊ុង, បឹងលំកុដ, ទឹកជួរតាតតៃ, វាលរំប្លង់, បឹងយក្សអោមយក្សការ៉ា, ទឹកធ្លាក់កាចាញ, បឹងយក្សម៉ាយ,កោះសាំង, ទំនប់អូរភ្លង, អូរធម្មជាតិថ្មរអិល,កោះសំពៅ, ទឹកធ្លាក់អូរយ៉ាណាយ, ទឹកជួរទីង, កោះគ្រាំ, កោះកំប្រាច, ដែនជម្រកសត្វព្រៃលំផាត់, ឧទ្យានជាតិវីរៈជ័យ។
រមណីយដ្ឋានវប្បធម៌មាន (តំបន់វប្បធម៌ជនជាតិដើមភាគតិច វត្តឥសីបតមៈ និងភ្នំស្វាយ) និងរមណីយដ្ឋានកែឆ្នៃមាន (ភូមិខ្មែរ រីសត,គង់វារី រីសត, មល្លិកា រីសត,ចម្ការដូង រីសត, ជាងអេង រីសត)។
សណ្ឋាគារក្នុងខេត្តមាន ១៣ កន្លែង និងផ្ទះសំណាក់ ៣២ កន្លែង មានភោជនីយដ្ឋាន អាហារដ្ឋានចំនួន ៣៨ កន្លែង
ធនធានធម្មជាតិ
ធនធានរ៉ែ (រ៉ែមាស រ៉ែសំណ-ទង់ដែង-សង្កស៊ី រ៉ែត្បូងថ្ម) និងដែនជម្រកសត្វព្រៃលំផាត់។
វិស័យសក្ដានុពល និងអាទិភាពសម្រាប់ការអភិវឌ្ឍនាពេលអនាគត
១. ទេសចរណ៍ធម្មជាតិ
២. កសិ-ឧស្យានកម្ម
៣. ធ្វើអាជីវកម្មធនធានរ៉
៤. កសិកម្ម (កៅស៊ូ កាហ្វេ…)
៥. វារីអគ្គិសនី
វិស័យសេដ្ឋកិច្ច និងទីផ្សារ
ផ្សាររដ្ឋមាន ៤ កន្លែង និងផ្សារឯកជន មាន ០១ កន្លែង
វិស័យសាសនា
វត្តអារាមព្រះពុទ្ធសាសនាមានចំនួន ៤០ កន្លែង វិហារគ្រឹស្តសាសនាមានចំនួន ២១ កន្លែង និងវិហារឥស្លាមសាសនាមានចំនួន ១៨ កន្លែង៕

-
នយោបាយ១ សប្តាហ៍ ago
រយៈពេលមិនដល់១២ម៉ោងកម្ពុជាទះថៃ៣កំផ្លៀង
-
ព័ត៌មានអន្ដរជាតិ៥ ថ្ងៃ ago
អ៊ីរ៉ង់ ថា ប៉ាគីស្ថាន ចេញមុខធានាទម្លាក់គ្រាប់បែកនុយក្លេអ៊ែរ លើអ៊ីស្រាអែល ក្នុងលក្ខខណ្ឌមួយ
-
ព័ត៌មានអន្ដរជាតិ២ ថ្ងៃ ago
រដ្ឋមន្ត្រី៨រូបដាក់ពាក្យលាឈប់ពីរដ្ឋាភិបាលចម្រុះ ដឹកនាំដោយគណបក្សភឿថៃ
-
សន្តិសុខសង្គម២ ថ្ងៃ ago
ក្រោយពីភ្លើងឆេះហាង ពេជ្រ ចរណៃ ត្រូវជួសជុលសងម្ចាស់ដើមវិញខ្ទង់ ៥០ ទៅ៦០ម៉ឺនដុល្លារ
-
ព័ត៌មានអន្ដរជាតិ២ ថ្ងៃ ago
ផែថងថាន រក្សាភាពស្ងប់ស្ងាត់ និង គ្មានការលាលែងពីអំណាច រហូតពេលនេះ
-
ព័ត៌មានអន្ដរជាតិ៦ ថ្ងៃ ago
អ្នកស្លាប់និងរបួសនៅអ៊ីស្រាអែលកើនឡើងយ៉ាងគំហុក ខណៈអ៊ីរ៉ង់បាញ់ស្រោចមីស៊ីល
-
ព័ត៌មានអន្ដរជាតិ៧ ថ្ងៃ ago
មេបញ្ជាការទ័ពរុស្ស៊ី៖ សង្គ្រាមលោកលើកទី៣កំពុងចាប់ផ្ដើម ទាមទារការកែនទ័ពថ្មី១លាននាក់
-
ព័ត៌មានអន្ដរជាតិ៣ ថ្ងៃ ago
យន្តហោះចម្បាំងអាមេរិក ចាកចេញពីមូលដ្ឋាននៅអង់គ្លេសហើយ ដើម្បីទៅជួយអ៊ីស្រាអែល ប្រយុទ្ធជាមួយអ៊ីរ៉ង់