ព័ត៌មានជាតិ

ទុក្ខកង្វល់ បញ្ហាប្រឈម និងសំណូមពរ ៩ ចំណុចត្រូវបានពលរដ្ឋភូមិហាន់ជ័យលើ ស្នើសុំកិច្ចអន្តរាគមន៍បន្ទាន់

បានផុស

២ years មុន

នៅ

ថ្ងៃព្រហស្បតិ៍ ២៨ វិច្ឆិកា ២០២៤

ដោយ

ប្រជាពលរដ្ឋនៅភូមិហាន់ជ័យលើ ឃុំហាន់ជ័យ ស្រុកឆ្លូង ខេត្តក្រចេះ បានលើកឡើងនូវទុក្ខកង្វល់ បញ្ហាប្រឈម និងសំណូមពរនានាចំនួន ៩ ចំណុច ដែលជាបញ្ហាប្រឈមដ៏សំខាន់នៅក្នុងមូលដ្ឋាន ដូចជា៖ ទី១- ខ្វះអគារសិក្សាបឋមសិក្សា ២- កំលាំងសន្តិសុខបញ្ជាចរាចរពេលសិស្សចូលរៀន និងចេញពីរៀន ៣- ទប់ស្កាត់បទល្មើសនេសាទពេលទឹកហូរចេញពីព្រែក ៤- ល្បែងអនឡាញ ៥- ផ្លូវលំធ្វើដំណើរ ៦- បូមខ្សាច់ស្រុតដី ៧- ផ្លូវបេតុងមាត់ទន្លេ ៨- រថយន្តធំៗធ្វើដំណើរពេលយប់បើកភ្លើងហ្វាបង្កភាពពិបាកដល់ប្រជាពលរដ្ឋធ្វើដំណើតតាមដងផ្លូវ សុំឲ្យមានភ្លើងបំភ្លឺតាមដងផ្លូវ និងទី ៩- ប័ណ្ណជនមានពិការភាព មិនទទួលបានអត្ថប្រយោជន៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការលើកឡើងនេះ គឺធ្វើឡើងខណៈដែលរដ្ឋបាលខេត្តក្រចេះបានបើកវេទិការសាធារណៈ ដើម្បីត្រួតពិនិត្យ និងគាំទ្រការអនុវត្តកម្មវិធីនយោបាយ និងយុទ្ធសាស្រ្តបញ្ចកោណដំណាក់កាលទី១ របស់រាជរដ្ឋាភិបាលកម្ពុជា នាព្រឹកនេះ ដោយមានវត្តមានលោក ជុំ កុសល រដ្ឋលេខាធិការក្រសួងព័ត៌មាន និងជាប្រធានក្រុមការងាររាជរដ្ឋាភិបាលចុះមូលដ្ឋានស្រុកឆ្លូង និងលោក ភឹម ភីរ៉ា អភិបាលរងខេត្ត តំណាងលោក វ៉ា ថន អភិបាលខេត្តក្រចេះ អញ្ជើញជាអធិបតីភាព។

ជាការឆ្លើយតប លោក ជុំ កុសល ប្រធានក្រុមការងារបានដោះស្រាយភ្លាមៗ និងដាក់ផែនការសិក្សាដោះស្រាយតាមសំណូមពរទាំង ៩ ចំណុច ក្នុងនោះទី១- ទាក់ទងការខ្វះខាតអគារបឋមសិក្សា នឹងចុះសិក្សាវរៀបចំ ២- នឹងរៀបចំឲ្យមានកំលាំងសន្តិសុខបញ្ជាចរាចរពេលសិស្សចូលរៀន និងចេញពីរៀន បើនៅតែមិនមានកំលាំងសមត្ថកិច្ចបញ្ជាចរាចរទេ លោកបានឲ្យទំនាក់ទំនងទៅលោកអធិការ តាមរយៈលេខទូរសព្ទ៌ 031 599 9991 ទី៣- ពាក់ព័ន្ធការទប់ស្កាត់បទល្មើសនេសាទពេលទឹកហូរចេញពីព្រែក អាចនឹងមានឆក់ល្វែងខ្វះ ដោយលោកបានណែនាំឲ្យកម្លាំងប៉ុស្តិ៍ និងអធិការស្រុកចុះពិនិត្យបន្ថែម ៤- លោកនឹងស្នើរដ្ឋបាលបុស្តិ៍បន្តធ្វើកិច្ចសន្យា ជាមួយហាងកាហ្វេទាំងអស់ពាក់ព័ន្ធល្បែងអនឡាញ ៥- ការស្ថាបនាផ្លូវបានដាក់ដេញថ្លៃរួចហើយ នឹងមានការស្ថាបនាក្នុងពេលឆាប់ៗខាងមុខនេះ ៦- ទាក់ទងការបូមខ្សាច់ នឹងស្នើមេប៉ុស្តិ៍ជួយតាមដាន បើអាជ្ញាប័ណ្ណបូមខ្សាច់អស់សុពលភាពនឹងចាត់វិធានការ ៧- ពាក់ព័ន្ធការស្ថាបនាផ្លូវតាមមាត់ទន្លេ ស្ថិតក្រៅផែនការអភិវឌ្ឍន៍ឃុំ ៨- សំណូមពរបំពាក់ភ្លើងបំភ្លឺតាមដងផ្លូវ នឹងដាក់ចូលក្នុងគម្រោង និងទី៩- ប័ណ្ណមានពិការភាព ហើយមានប័ណ្ណក្រីក្រទៀតទើបទទួលប្រាក់ឧបត្ថម្ភពីរាជរដ្ឋាភិបាល៕

អត្ថបទ៖ ប្រុញ វិធិន