ព័ត៌មានជាតិ

ចៅអធិការវត្តស្ដីទី ដែលវ៉ៃលោកនេនតូច នឹងទទួលទោសដូចពលរដ្ឋធម្មតា ក្រោយផ្សឹក

បានផុស

៥ years មុន

នៅ

ថ្ងៃសុក្រ ៦ វិច្ឆិកា ២០២០

ដោយ

ព្រះចៅអធិការវត្តស្ដីទី មិនទាន់ពេញសិទ្ធ បានសុំលាចាកសិក្ខាបទដោយខ្លួនឯង ក្រោយបានប្រើអំពើហិង្សាវាយ លើនេនតូច នឹងទទួលទោសដូចពលរដ្ឋធម្មតា។ ករណីអំពើហិង្សានេះ បានកើតឡើងកាលពីថ្ងៃទី០២ ខែវិច្ឆិកា ឆ្នាំ២០២០ នៅវត្តពណ្ណរាយ ខេត្តកំពង់ធំ៕

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោយពីបានវាយលើនេនតូចរួចមក អធិការវត្តស្ដីទី វត្តពណ្ណរាយ ព្រះនាម ហ៊ុម ហឿន អាយុ៣៦ បានសរសេរលិខិតសារភាពកំហុស ដែលប្រព្រឹត្តខុសពីធម៌វិន័យព្រះពុទ្ធសាសនា នឹងបានលាចាកសិក្ខាបទ នៅចំពោះមុខព្រះអនុគុណ ការិយាល័យធម្មការស្រុក និងអាជ្ញាធរពាក់ព័ន្ធ។

ប្រធានមន្ទីរធម្មការខេត្ត លោក តាន់ តៃជ្រាន់ បានបញ្ជាក់ថា ចំពោះព្រះសង្ឃរូបនោះ ក្រោយ ប្រព្រឹត្តល្មើសច្បាប់ធម៌វិន័យ ពេលផ្សឹករួចរាល់ហើយ គឺដូចជាពលរដ្ឋធម្មតា ចំណែកឯចំណាត់ការយ៉ាងដូចម្ដេច គឺអាស្រ័យលើនីតិវិធី និងមន្រ្តីជំនាញដែលពាក់ព័ន្ធ ជាពិសេសជនរងគ្រោះ។ មកដល់ពេលនេះ អធិការដ្ឋាននគរបាលស្រុកបារាយណ៍ នៅមិនទាន់ទទួលបានពាក្យបណ្ដឹងពីជនរងគ្រោះ និងគ្រួសារនៅឡើយទេ។

គួររលឹកផងដែរថា កាលពីថ្ងៃទី២ ខែវិច្ឆិកា ឆ្នាំ២០២០ ព្រះអធិការវត្តស្ដីទី បានប្រើអំពើហិង្សាវ៉ៃនៅលើនេនតូច ដោយសារលោកខានចូលព្រះវិហារមួយល្ងាច៕