រដ្ឋបាលខណ្ឌឬស្សីកែវ បន្តចុះសម្អាតនិងរៀបចំសណ្តាប់ធ្នាប់ក្នុងមូលដ្ឋានឱ្យមានរបៀបរៀបរយ

ភ្នំពេញ ៖ អាជ្ញាធរខណ្ឌឬស្សីកែវ បានបន្តចុះសម្អាតតាមដងផ្លូវនិងចុះណែនាំ រៀបចំសណ្តាប់ធ្នាក់ ក្នុងមូលដ្ឋានរំដោះ​ចិញ្ចើមផ្លូវដើម្បីកុំឱ្យកកស្ទះចរាចរណ៍។

ការចុះរៀបចំសណ្តាប់នេះ ធ្វើឡើងនៅរសៀលថ្ងៃទី ២៣ ខែមករា ឆ្នាំ ២០២៥ ដោយមានការ ណែនាំ ពី ឯកឧត្តម ឃួង ស្រេង អភិបាលរាជធានីភ្នំពេញ និងមានការចង្អុលបង្ហាញដោយលោក ជិន ប៊ុន ធឿនអភិបាលខណ្ឌឬស្សីកែវ ចាត់ឲ្យលោកលោក ឌន ដាវុឌ នាយករងរដ្ឋបាលខណ្ឌ បានបន្តចុះឈូសសម្អាត និងរៀបចំសណ្ដាប់ធ្នាប់របៀបរៀបរយតាមបណ្ដោយផ្លូវឧកញ៉ា ម៉ុងរិទ្ធី ក្នុងសង្កាត់ទួលសង្កែ២។

អាជ្ញាធរបានឱ្យដឹងដា កន្លងមកអាជីវករលក់ដូរទៅតាមបណ្ដោយផ្លូវលេខ ឧកញ៉ា ម៉ុងរិទ្ធី នេះបានតាំងលក់លើចិញ្ចើមផ្លូវ បង្កឱ្យមានការកកស្ទះ ចរាចរណ៍ និងណែនាំឱ្យ វេចខ្ចប់ទុកដាក់សំរាម ឱ្យបានត្រឹមត្រូវកុំឱ្យហូរ សំរាមទាំងនោះចូល មាត់លូ កកស្ទះប្រព័ន្ធទឹកហូរចូលលូ និងមានការជនលេចពេលភ្លៀងធ្លាក់ខ្លាំងម្ដងៗ។

ជាចុងក្រោយតាងនាមអជ្ញាធរមូលដ្នាន ក៏បានសំណូមពរដល់ បងប្អូនប្រជាពលរដ្ឋ និងអាជីវកដែលមានទីលំនៅតាមបណ្ដោយកំណាត់ផ្លូវ ឧកញ៉ា ម៉ុងរិទ្ធីចូលរួមសហការជាមួយកម្លាំងអាជ្ញាធរមូលដ្ឋាន ថែរក្សាអនាម័យ របៀបរៀបរយសណ្ដាប់ធ្នាប់តាមបណ្ដោយផ្លូវនេះអោយបានល្អស្អាតដើម្បី របៀបរៀបរយរស់នៅរបស់បងប្អូនប្រជាពលរដ្ឋយើងបានត្រឹមត្រូវ ជាពិសេសក៏ដើម្បីចូលរួមធ្វើយ៉ាងណាអោយមូលដ្ឋានខណ្ឌរបស់យើងស្អាតទាំងអស់គ្នា៕

អត្ថបទ ៖ សំណាង